الرأي ....والرأي الأخر !!!

[attef1]

بالنسبة للانتخابات ... فبقولكم ومن دلوقت هيتفبرك فيديوهات كتير عن التزوير للاعضاء السابقين فى الحزب الوطنى ... لان اعضاء الحزب الوطنى مش بالسوء اللى بيصورا الاعلام بل على العكس
مثلا اصولى كفلاح من القناطر الخيرية فى الدايرة دى مرشح الوطنى كان منصور عامر
راجل ليه افضال على ناس كتير من مساعدات للفقراء شهريه - تجهيز بنات الفقراء للجواز - حتى لما افتتح مدرسة اللغات - طاقم العمل به مدرسون امريكان ربما اكتر من المصريين لا اعلم عددهم على وجه التحديد - فى السنه الاولى عرض منحه للاذكياء من الطلبه من كى جى وان لحد تخرجهم من الثانويه بالمجان تماما حتى ولو تكفل بالدفعة كاملة ...
باختصار راجل زى ده يكاد يكون مستحيل وجود منافس حقيقى ليه لو رشح نفسه
وزيه ناس كتير زى السلاب الله يرحمه عن مدينة نصر ...
حتى احمد عز ربما لو رشح نفسه وهو فى السجن ينجح
لان النوعيه اللى بتخدم هى اللى مطلوبه فى السوق المصرى
باختصار انا متوقع ان مجلس الشعب القادم هيكون نسخه تانيه من اللى فات مطروحا منه
اعضاء الاحزاب العاجزه كالوفد اللى زور الحزب الوطنى ضد مرشحيه لزوم مجلس فيه معارضه
وبالتالى ستجد حركات ك 6 ابليس مبرر للطعن
لان لو مفيش تزوير ومفيش 70 مليار ومفيش ومفيش ومفيش
الشعب هيسأل نفسه طب وايه لازمة كل اللى حصل ؟؟!! طب ما كان كفايه كذا وكذا
وفى اجابة السؤال ما يخشاه كثيرون

[د.هبه77]

بصراحة انا عن نفسي مش هنتخب حد كان في الحزب الوطني وان كان قدم مساعدات للناس
احنا كلنا عارفين هم كانو بيساعدو لية
هل دة كان لله في لله يعني
وبعدين ما هو معروف يعني ان عايز تشتغل عايز كذا عايز كذا عايز كذا
كل كذا وليها تسعيرة
وبعدين مش سماع وبس
انا كان لية طلب وطرقت كل السبل لمحاولة تنفيذة المهم معرفش ازاي فكرت ان انا اروح لمكتب- فالمكتب مفتوح لجميع قوي الشعب العاملة !!!- واقدم طلبي هناك ( ما هو المسؤول عن تحقيق طلبات الشعب )
المهم وانتظرت 3 اسابيع والحمد لله
اخدت الختم
مش هقولك طبعا كنت فرحانه اد اية
جريت عالوزارة وقدمتلهم الطلب ومختوم اهو ملكوش كلمة عندي
ومستنية الرد بقي اكيد خلاص الموضوع انتهي بعد 3 اسابيع تانية الاقيهم بيقولولي ان الموضوع هيبتدي من الاول تاني في الوزارة
بعدها لقيت صاحبتي بتسالني بنظرة العالمة ببواطن الامور وما خفي
هو الختم كان لونه اية؟
قلتلها انا ناقصاكي كان مقلم اصفر في بني
قالتلي لا بجد قلتلها ازرق
قالتلي يبقي مش موافقة الموافقة لازم يكون الختم اخضر!!!!!!!!!!! ومزودتش حرف عن كلامها
ربنا يرحمنا برحمته ويولي امورنا خيارنا امين

المشاركة الأصلية كتبت بواسطة attef1 بالنسبة للانتخابات ... فبقولكم ومن دلوقت هيتفبرك فيديوهات كتير عن التزوير للاعضاء السابقين فى الحزب الوطنى ... لان اعضاء الحزب الوطنى مش بالسوء اللى بيصورا الاعلام بل على العكس مثلا اصولى كفلاح من القناطر الخيرية فى الدايرة دى مرشح الوطنى كان منصور عامر راجل ليه افضال على ناس كتير من مساعدات للفقراء شهريه - تجهيز بنات الفقراء للجواز - حتى لما افتتح مدرسة اللغات - طاقم العمل به مدرسون امريكان ربما اكتر من المصريين لا اعلم عددهم على وجه التحديد - فى السنه الاولى عرض منحه للاذكياء من الطلبه من كى جى وان لحد تخرجهم من الثانويه بالمجان تماما حتى ولو تكفل بالدفعة كاملة ... باختصار راجل زى ده يكاد يكون مستحيل وجود منافس حقيقى ليه لو رشح نفسه وزيه ناس كتير زى السلاب الله يرحمه عن مدينة نصر ... حتى احمد عز ربما لو رشح نفسه وهو فى السجن ينجح لان النوعيه اللى بتخدم هى اللى مطلوبه فى السوق المصرى باختصار انا متوقع ان مجلس الشعب القادم هيكون نسخه تانيه من اللى فات مطروحا منه اعضاء الاحزاب العاجزه كالوفد اللى زور الحزب الوطنى ضد مرشحيه لزوم مجلس فيه معارضه وبالتالى ستجد حركات ك 6 ابليس مبرر للطعن لان لو مفيش تزوير ومفيش 70 مليار ومفيش ومفيش ومفيش الشعب هيسأل نفسه طب وايه لازمة كل اللى حصل ؟؟!! طب ما كان كفايه كذا وكذا وفى اجابة السؤال ما يخشاه كثيرون

من كان يخدم اهل ديرته وهو يعلم انه في دائرة الفساد فهو فاسد مثلهم واللي كان عنده ريحة الضمير كان ساب الحزب الواطي واترشح مستقل

[mf]

في احدي دوائر محافظة الشرقية "دائرة ديرب نجم" كان يتنافس في هذه الدائره عملاقين من عمالقة العمل النيابي وهما الدكتور مصطفي السعيد وزير الاقتصاد الاسبق والمحاسب طلعت السويدي صاحب شركات السويدي للكابلات الشهيره ....

الدكتور مصطفي السعيد فحدث عنه ولاحرج علم ورزانه وسياسه وخدمات ...

طلعت السويدي عملاق المشاريع الخيرية فعدد قري هذه الدائرة حوالي 44 قرية ولكل هذه القري رواتب شهرية للفقراء بمايزيد عن 3 ملايين جنيه شهريا وحتي بعد سقوطه في الانتخابات تستمر الواتب الشهرية للفقراء وايضا لابناء الدوائر المجاورة ....

القصد من هذا المثال أنه ليس كل اعضاء الحزب المنحل فاسدين ومنهم حتي لو ترشح وهو في السجن لانتخبه أعضاء دائرته

[تامر ديزل]

نقطة نظام لو سمحتم
الموضوع عن الرأي الراي الاخر ودخلنا في مواصفات المرشح
طيب المفروض في نائب مجلس الشعب انه نائب تشريعي وليس تنفيذي او خدمي
انتوا كلكم عارفين الاعمده التلاته للسلطه في الدوله الحديثه
السلطه التشريعية (البرلمان) والسلطه التنفيذيه باجهزتها المختلفه من الوزير الى عضو المجلس المحلي والسلطه القضائيه
نائب المجلس مش مطلوب منه خدمات او مرتبات اواختام اوتاشيرات
دي مأساه
لونائب المجلس ربنا مديله عنده المقدره للصرف على اهل بلده ده عمل خيري وليس عمل سياسي عمل خيري ثوابه عندالله وليس عندالناس او عنداهل الدايره
لو نائب في البرلمان اخذ موقف بتشريع قانون او متابعة عمل الحكومه او رفض تمرير اتفاقيه مشبوهة هو افضل واعظم من واحد عمال شغال موافقه موافقه موافقه وعامل مرتبات لفقراء دايرته
يعني من ناحيه بيديلهم فلوس ومن الناحية التانية بيسرقهم وبيبيعهم او حتى سايب الحرامي بيسرق وكمان بيسقفله