عايز جوده مع التوفير - افيو - فيرنا - لوجان

[tamer gad]

بصراحة ومع كامل إحترامى لرأيك اللوجان ماينفعش أصلا تتقارن بالفيرنا من كافة الجوانب علشان الفيرنا تكسب
اللوجان دى تعديل الشاهين ومالهاش علاقة بالرينو خالص

وبعدين عايز تقارن شوف أى واحدة منتشرة أكتر فى التاكسى

طلبات حضرتك مفيش فيها غير الفيرنا هيه اللي فيهم

[Mr.NoLoVe]

المشاركة الأصلية كتبت بواسطة Ahmed ELderiny السلام عليكم انا رأى الشخصى انك تستبعد خالص اللوجان علشان عن تجربه شخصيه الصالون تقفيله من جوه وحش جدا وخامات رديئه وموتورها ضعيف وشنطتها عاليه اوى , وعندك الافيو مش منتره فى مصر خالص وانا بشوفها فى الطريق حجمها صغير وحاسس انها ضيقه , انما بالنسبه للفيرنا تعتبر افضلهم علشان منتشرة فى الشارع المصرى والبتالى قطع الغيار سواء كانت فى التوكيل او خارجه متوفره جدا وموتورها جيد. لذلك الفيرنا تعتبر افضلهم من وجهة نظرى. وبالتوفيق

كلام غير صحيح مليون فى الميه

اولا : اللوجان مش ختنفع علشان مفيش اوتو منها

ثانيا : افضل خامات فى الفئه دى هى خامات اللوجان

ثالثا : افضل جوده تقفيل واعتماديه فى الفئه دى هى اللوجان ويكفى انها رينو

رابعا : يكفيك مستوى الامان اللى موجود فى العربيه والاوبشن اللى فيها

خامسا : الماتور انا بشوفه قوى جدا جدا بالنسبه لحجم العربيه وعزمه عالى جدا وسحبه اعلى وبشد بيه مع عربيات يبانى وكورى والنترا وفئات اعلى من كده ومبيقولش لا ابدا وحمال قاسيه

سادسا واخيرا : لو حضرتك عايز تقول رأى تقوله وانت واثق منه وبعد كلام حضرتك انت عمرك ما ركبت لوجان ولا شوفتها لان اللى بيشوف اللوجان بيكتبوا فيها شعر لانها عربيه لا غبار عليها

[حسام البورسعيدى]

المشاركة الأصلية كتبت بواسطة Ahmed ELderiny السلام عليكم انا رأى الشخصى انك تستبعد خالص اللوجان علشان عن تجربه شخصيه الصالون تقفيله من جوه وحش جدا وخامات رديئه وموتورها ضعيف وشنطتها عاليه اوى , لذلك الفيرنا تعتبر افضلهم من وجهة نظرى. وبالتوفيق

الكلام ده كلام كبير قوى ومحتاج تعقيب ....

اول حاجة حضرتك بتقول عن تجربة شخصية .. يعنى حضرتك جربت اللوجان فعلا واتعاملت معاها فتره ولا ايه ؟؟؟؟

شوف يا غالى ...

تقفيل و جوده خامات اللوجان لا تقارن اطلاقا بتقفيل الفيرنا المصرى .. ودى حاجة مينفعش اصلا نتكلم فيها .. دى حاجة واضحة وضوح الشمس ...


دى حاجة .. الحاجة التانية ان انت لما بتشترى اللوجان يبقى بتشترى عربية :

- واسعة وعائلية جدا (اوسع عربية فى فئتها بدون اى منافس)

- عالية جدا (اعلى عربية فى فئتها بدون منافس)

- عفشه ناعمة جدا وبالرغم من كده ثابته جدا (انعم واثبت عربية فى فئتها برضو بلا اى منافس)

- اعلى اوبشن فى فئتها (كمبيوتر رحلات رائع و اير باج للسائق وغيرها) ..

- اقل سعر فى فئتها (وده بسبب انخفاض قيمة جماركها وفقا لاتفاقية اغادير) ...


علشان كده رينو لوجان هى الفرس الرابح لأى شخص عاوز يركب عربية زيرو فى الفئة دى بس مانيوال

ولكن بما ان صاحب الموضوع عاوز اتوماتيك يبقى انصحك بالفيرنا على طول ...

ولكن ابعد تماما عن الافيو لانها صفقة خاسرة ...

وده تقريرى الخاص عن اللوجان

http://www.masrmotors.com/vb/showthread.php?t=51487

[MmFFoR]

للاخ صاحب الموضوع - انا حقترح عليك عربيتين هما الافضل في الفئة دي اوتو

لكن اتمنى تهتم و تروح تشوفهم و تعاينهم قبل الشراء و ربنا يوفقك في الاول و الاخر


1- بروتون ساجا اوتو

2- فاو فيتا سيدان اوتو ( وليد توفيق )

اتفرج على العربيتين دول و بعدين قرر و ربنا يوفقك