عايز جوده مع التوفير - افيو - فيرنا - لوجان
 

السلام عليكم ورحمة الله وبركاتة
اخواني صباح الخير
انا معايا نقدا الان حوالي 60000 وعايز اشتري عربية وممكن اكمل 10 ولا 15 كده كمان عليهم
فالكل قالولي ان الرينج ده ينفع اجيب بيه
رينو لوجان
افيو شيفرليه
هونداي فيرنا

وانا مش عارف اجيب انهي واحده من التلاته ومع العلم اني عايزها اوتامتيك و عايز جوده مع التوفير في سعر قطع الغيار
والي يعرف اسعارها فل اوبشن واوتماتيك واحسن مكان اشتري منه ارجوكو يقولي
وياريت تردو بسرعه لاني لازم اشتري خلال اسبوع

رد: الى اهل المشورة
 

السلام عليكم

انا رأى الشخصى انك تستبعد خالص اللوجان علشان عن تجربه شخصيه الصالون تقفيله من جوه وحش جدا وخامات رديئه وموتورها ضعيف وشنطتها عاليه اوى , وعندك الافيو مش منتره فى مصر خالص وانا بشوفها فى الطريق حجمها صغير وحاسس انها ضيقه , انما بالنسبه للفيرنا تعتبر افضلهم علشان منتشرة فى الشارع المصرى والبتالى قطع الغيار سواء كانت فى التوكيل او خارجه متوفره جدا وموتورها جيد.
لذلك الفيرنا تعتبر افضلهم من وجهة نظرى. وبالتوفيق

رد: الى اهل المشورة
 

بالنسبة لاوليات حضرتك فى عربيه عملية اقتصادية فالاقرب لده هو الهيونداى فيرنا

الافيو مشاكلها كتير اوى وقطع الغيار مش رخيصة وبقت تقيلة فى اعادة البيع والاتوماتيك بتاعها معدى ال 85

اللوجان قطع غيارها غالية غالية مقارنة بالهيونداى والكورى وكل عربيات فئتها السعرية ومعتقدش فيها اوتوماتيك اصلاً

رد: عايز جوده مع التوفير - افيو - فيرنا - لوجان
 

افضل السيارات الثلاثه

هيونداى فيرنا ...... او تشترى هيونداى نيو اكسنت ...... وتقسط الباقى

رد: عايز جوده مع التوفير - افيو - فيرنا - لوجان
 

يا رااااااااااااااجل !!!!!!!!!!!!!!

يعنى حضرتك عايز تقول أن تقفيل الفيرنا أحسن من تقفيل اللوجان ؟؟؟!!!!!! أو خامات الفيرنا أنضف من خامات اللوجان ؟؟؟؟!!!!!!!! ............... أستحالة

عموما اللوجان مش هتنفع للأستاذ لأن منزلش منها أوتو .... و بردو أنا أنصحه بالفيرنا فى الحالة دى لأن الآفيو مش قد كدا .......... و لو يقدر يجيب نيو أكسنت يبقى أحسن من الفيرنا