هام جدا مشكلة في الاكسنت الاوتوماتيك

[احمد على 1999]

بالرغم انى متفق معاكى فى الشكوى ككل بس دى محتاجة حد عنده اكسنت اوتو يفتى فيها
لان واحد زميلى كان بيشتكيلى من نفس الشكوى (النترا 2005) بس و هو على ال D على مطلع و شال رجله تقوم راجعة ورا و كان عنده مرسيدس مكنش فيها الموضوع ده

المشاركة الأصلية كتبت بواسطة دهبه77 ثانيا -لو انا علي شارع مستوي وانا علي D وبعدها جبت R الاقي العربية مترجعش 1-ممكن اما تفضل واقفة او تمشي للامام حاجة بسيطة اوي 2-وبعدها تبتدي ترجع واول ما تبتدي ترجع تاخد عزم جامد اوي (تعمل صوت عالي ووتنط مرة واحدة لورا)

لكن الى انا اقتبسته ده الى فعلا يقلق بالذات رقم 2 لان المفروض العربية اول ما تشيلى رجلك من على الفرامل تستجيب استجابه ضعيفه فى الاتجاه الصح و لما تدوسى بنزين تستجيب بنعومة
فمحتاجة زرجنة شوية مع التوكيل لان ممكن تبقى مشكلة فعلا ( و هل كلامهم صح ان فعلا حتروح بعد التليين )

[د.هبه77]

شكرا للرد ولكن انا بصراحة رحت مرتين للتوكيل مرة صيانة الالف في قليوب ومرة في ابو رواش مخصوص عشان العيب دة هي دلوقتي عاملة 2000 في حوالي 50 يوم استني ال5000 ولا اخد معاد تاني واروح وامري للة مش عارفة اعمل اية

[memodina1]

طبعا تاخدى ميعاد تانى لانى لا قدر الله لو حصل حاجة فى العربية عقبال ما تجيبى 5 الاف هيقولك طب انتى مجتيش لية من الاول زنجرى معاهم وقولى مش هستلم العربية الا لما العيب ينتهى وقوليلهم انا عارفة لما العربية تكون محتاجة تلين ولما يكون عيب اصلا فى العربية وانا مش مستعدية انى اركن اخبط واحد عشان تستريحوا بصوا هو توكيل غبى من الاخر لازم الصوت العالى وربنا معاكى وقولى عملتى اية

[د.هبه77]

هحاول!!!!



الله المستعان

[samirayad]

فعلا كده فيه لغبطه فى كنترول الفتيس

ويجب الأصرار على إصلاح العيب فى التوكيل

فقد يكون عيب فى أستجابة الكارته الخاصه بعمليات التحكم فى شغل الفتيس