إلى إخواني خبراء الميكانيكا: هل ممكن فعلا الكرنك يتكسر؟؟؟

[مهند سالم]

المشاركة الأصلية كتبت بواسطة mrastra ملخص مشكلتك انك تعانى من تاكل فى سبايك الكرنك بالرغم من احكام الجزء العلوى الخاص بالبساتم والشمايز فنتيجة طبيعية ان البوجيهات مش بتعرق زيت ولا العربية بتطلع دخنة لكن دة مش معناة ان موتورك سليم لا عندك مشكلة ........ وانصحك بسرعة علاجها هاؤلك لية دلوقتى فى خلوص بين سبايك الكرنك والكرنك ودة هايخلى الكرنك يعمل ريجة اكبر طول ما انت بتمشي بالعربية يعنى مثلا لو فكيت الكرنك دة النهردة هاتخرط مثلا زيرو 10 اما لو فكيتة كمان شهر هاتخرط زيرو 20 وهاكذا كل ما تتنش كل اما الخوص بيزيد تانى حاجة فعلا صعب الكرنك يتكسر انما ممكن جدااااااااااااااا ان البيل لا قدر الله هو اللى يتكسر نتيجة الطرق الكبير علية بحكم ان فى خلوص بين السبيكة وعامود الكرنك ولو دة حصل لا قدر الله عليك العوض فى البلوك ما تتنش وحاول تحل المشكلة حل جزرى اللى هو مش خرط كرنك بس وانما فك الموتور بالكامل وعمل تشك كامل على كل اجزاء الموتور وانا اشك ان اللى حصل دة نتيجة ضعف طلمبة الزيت .............معلومة انا لسة جايب موتور مازدا موديل 84 بالفتيس بـ 2000 جنية من الحطابة بالقلعة وشغال كويس اوى وعلية ضمان اسبوع وكنت عملت عمرة لعربية من نفس النوع من فترة كلفتنى 2300 جنية لك الاختيار مع الاخذ فى الاعتبار بيع الموتور القديم اسف لاطالة

أشكرك جدا، وأنا فعلا بأرجح فكرة موتور الاستيراد، يعني أهو بتبقى حاجة استاندرد، وفي نفس الوقت مش مكلفة، بس بصراحة بأخاف أجيبه وبعد كدة يطلع فيه عيوب، لكن كدة حضرتك بترجح إني أسارع بفك الموتور؟

[مهند سالم]

وسؤال تاني يا جماعة:
هل المشكلة دي كبيرة، يعني تستدعي إني أجيب ماتور استيراد، ولا أكتفي بخرط الكرنك، علما بإني كنت عامل شنبر من حوالي 10 أشهر، والماتور عندي 030.
وهل ممكن أكتفي بإني أجيب كرنك استيراد، أنا سألت عليه عندنا في عزبة شلبي لقيته ب270 جنيه بالسبيكة بالهلالات، فهل لو جبت كرنك استيراد المشكلة هتتحل، ولا هأحتاج أخرط تاني؟ وطبعا الكرنك هيبقى زيرو، فكدة البساتم هتشتغل عليه عادي، ولا هأحتاج أغير تاني في البساتم والشنبر؟

المشاركة الأصلية كتبت بواسطة مهند سالم السلام عليكم إخواني جميعا ورحمة الله وبركاته: أنا عندي مشكلة في صوت موتور عربيتي (مازدا 323 مو 82) هي إن الموتور كان بيعمل صوت وجوجة زي ما تكون بلية بايظة كدة، المهم في الفترة إلا فاتت اهتميت وحاولت أعرف الصوت ده من إيه، فرحت لميكانيكي أول ما سمع صوت الماتور عمل مهرجان وقال لي روح للميكانيكي بتاعك، دي العربية عايز عمرة كاملة والصوت ده في الكرنك، والكرنك عايز يتخرط، ولازم تبطل تمشي بالعربية وإلا الكرنك ممكن يتكسر. طبعا الكلام ده ما دخلش عقلي؛ لأنه واضح جدا إنه مبالغ فيه، فرحت لميكانيكي تاني، فقال لي الموتور هيفضل معاك بالصوت ده لحد لما تخرط الكرنك، بس قال لي: إني ممكن أمشي عليها، ونصحني إني أخرط الكرنك في نهاية الشتا وقبل دخول الصيف، عشان عمرة الشتا بتبقى أفضل. لكن إلا محيرني رغم كل ده، إن العربية ما بتاكلش زيت، هو طبعا الزيت بينقص، بس النقصان البسيط إلا ما بيعديش العلامة الثانية، يعني برده بيفضل الزيت بين العلامتين. ثانيا العربية ما بتدخنش لا دخنة زرقا ولا بيضا، ولا حتى سودا. ثالثا: سحب العربية كويس جدا ، صحيح هي ما بقتش بتجيب 160 زي الأول، بس بأمشي بيها على 120، و130 عادي جدا. فحضراتكم تنصحوني بإيه، أنا شخصيا عايز أتنش وكدة كدة فحص العربية كمان سنة ونص، بأقول أتنش سنة طالما العربية كويسة في المشي وما بتاكلش زيت، وأبق أعمل العمرة دي قبل الفحص، ومش مشكلة الصوت إلا بأسمعه. فهل كلام الناس دي صح، ولا وجهة نظري أنا إلا صح، منتظر ردودكم؟ وشكرا مقدما

yes
take a good care
ممكن فعلا الكرنك يتكسر



عمرة الشتا بتبقى أفضل

[مهند سالم]

يا ريت يا جماعة حد يفهمني المسألة بالتفصيل

[مهند سالم]

المشاركة الأصلية كتبت بواسطة cars admire yes take a good care ممكن فعلا الكرنك يتكسر عمرة الشتا بتبقى أفضل

متشكر جدا لرد حضرتك، وكنت أتمنى مزيدا من التفصيل