ياريت رد وافى من ملاك جاك b-class

[سيف الدين سعيد]

يا جماعه والله انا حاتكلم بعد اذنكم على واقعه انا نفسى مش مصدقها حتى الآن :
انا زوج اختى لسه شارى سيراتو . وعدى عليا من يومين عشان نروح نركبلها فرش . واتفاجئت هناك لما العربيه اتفتحت واتفك الفرش بتاعها . تصوروا ان دوائر الكهرباء والأسلاك اللى ماشيه فيها ملفوفه بشريط لحام !!!!!!!!!!!!!!!!!! وكمان اطرافه مفككه وحاجه زى التقفيل المصرى تمام . والكاوتش بتاع الطبب الداخلى اللى ورا مسند الكنبه الخلفيه مش مطبع كويس على الصاج . ومافيهاش كسوه للشنطه ولا الكبوت الأمامى . انا لغاية دلوقتى مش عارف بصراحه اقول ايه ؟؟؟؟؟؟؟؟؟ انما الدفعه الجديده من الجاك على وصول يعنى ادامها حوالى اسبوع او عشر ايام بالكتير . وانا انشاء الله منتظر استلم عربيتى وباعد الوقت بالثوانى مش بالدقائق .

[سيف الدين سعيد]

وعلى فكره انا شفت عربيه غريبه علامتها عامله زى رقم وان ( واحد بالإنجليزى ) فى شكل بيضاوى ولما سألت صاحبها عنها قاللى انها فولكس تجميع صينى . يعنى موتور وعفشه وفتيس فولكس انما هى فى النهايه صينى . 1600 سى سى . بس بكام يا عمنا ؟؟؟؟؟؟؟؟؟؟؟؟؟؟؟؟
130 ألف جنيه . شوفتوا يا جماعه السعر كام ؟ أظن هنا لا مجال للمقارنه اطلاقا .
دا غير ان الكورى كله غالبية أسعاره معديه ال 100 ألف

[silentman84]

الصينى رغم الامكانيات والفخامه اللى الناس بتتكلم فيها راح جيه اسمه صينى ...تانى حاجه سعرها يغلى من 69900 اللى 78000 علشان الطلب عليها كتير والناس بتشكر فيها وكل الكلام ده يبقى اسمه احتكار من التجار يزود 8000 جنيه على اساس ايه انى هيا كورى ولا يابانى ولا المانى... ليه يعنى واللى يقولك اصلى الشحن غللا والدولار طلع واللى يقولك الضريبه زادت بطلوا حورات ياتجار وامشوا فى العدل وبيعوا بحق ربنا واتقوا ربنا علشان ربنا يباركلكم فى فلوسكم وفى عيالكم ...وبقول للناس العربيه ماتستحقش اكتر من 70000 جنيه ومليم زياده يبقى حرام ويبقى انتم اللى بتخلوهم يتحكموا فينا ويغلوا علينا

[د.كمال]

الاستاذ oda oda والاستاذ ايمن ردوا على السائل وقالوا ما فيه الكفايه

[سيف الدين سعيد]

اصلا دا مايتردش عليه لأنه مش فاهم ومش حايفهم . سيبوه يروح يتكلم عند الألمانى واليابانى والكورى اللى عاجبينه .
بس ياريت يعرفنا هو راكب ايه اصلا ومن غير نخع وفشر .