ياريت رد وافى من ملاك جاك b-class
 

السلام عليكم .. ياريت مستخدمى جاك ينصحونى لوجه الله استرى العربية دى ولا لأ. او ايه مميزاتها وعيوبها .. هى بصراحة على اد فلوسي وتعبت من الحيرة. خصوصا ان اصحابى كلهم رافضين فكرة الصينى .. وبسببهم مش هشترى عربيات خالص.. ياريت حد من مستخدمى الجاك ينصحنى لوجه الله اجيبها ولا لأ؟ ياما هروج اشترى توك توك. وشكرا لكم..

رد: ياريت رد وافى من ملاك جاك b-class
 

ألاخ الفاضل اهلاوى اوى وانا كمان اهلاوى اوى..... أنا مش هتكلم فى انك تشترى الجاك أو متشتريهاش لان ده نصيب ولا هتكلم فى مميزات العربيه ولاعيوبها اللى لسه مظهرتش معايا وفى أخوه أفاضل هيردوا عليك معاهم العربيه.....أنا هتكلم فى نقطه (اصحابى كلهم رافضين الصينى )......وهأحكى لك حكايتين حصلوا معايا .....الحكايه الاولى من يومين كنت بركب جلد ارضيات عند سروجى متخصص فى العربيات الحديثه ولما خلص فك وتركيب سألنى نوع العربيه أيه قلت صينى قللى تصدق انا كنت حاسس انى بركب لعربيه سيراتو نفس جوده الخامات ونفس التقفيل (ودا السروجى اللى قال كده لاسمح الله عشان محدش يزعل ويعملها حكايه).......الحكايه التانيه واحد زميلى فى المستشفى عجبته عربيتى وشافها وذى مانت عارف افتح الكبوت وورينا الماتور وافتح الشنطه وورينا التكييف وورينا الصلون وووووووولما جه يشترى بعد مشاور الناس قالوله هات اللى الناس ماشيه عليه......تتصور يشترى أيه يشترى لانوس شيفورليه ......ودلوقتى لما بيشوفنى جاى بالعربيه مبيشلش عينه من عليها ولما بركنها يفضل يلف ويدور حوليها وانا شايفه من بعيد ذى ميكون ندم انه مشترهاش ....طب مكان من الاول......على العموم ربنا يوفقك فى اختيارك بس أوعى تجيب لانوس...

رد: ياريت رد وافى من ملاك جاك b-class
 

العربية حلوة وكل اللى اشتراها بيشكر فيها مما دعى التوكيل بزيادة سعرها 4الاف جنية فى فترة قصير " استخير المولى قبل اى شئ "

رد: ياريت رد وافى من ملاك جاك b-class
 

ألجاك سيارة احسبها جيدة من استخدامى ليها
الحمد الله انى اشترتها
عربية عائلية من الطراز الاول
مع المالك الاول معدية ال20 الف كيلو ما شاء الله
ومعايا 4600
لو خايف من الصينى متجبهاش عشان لا قدر الله ظهر فيها حاجة هتتعب
واصلا لو دجبتها وانت خايف هتركز فكل حاجة فلعربية وهتفضل تدور على اى حاجة تمسكها للعربية عشان انت حاسس انها صينى
اما لو قررت تشتريها عائلية جيدة بسعر كويس امكانيات رائعة شكل ايطالى موتو متسوبيشى تكنو
اعتقد هتلاقى الى انت عاوزة ومش هتندم بأذن الله
استخير ربك وتوكل علية وارمى الباقى ورا ضهرك
هتجيب صينى هات الجاك واتوكل
خايف ودة حقك انت هتدفع فلوس مش تراب ومن حقك تخاف واجبارى تخاف كمان مش حقك بس
يبقى تجيب كورى او يابانى
دايهاتسوا سيريون او فيات بونتو مثلا
والله الموفق

رد: ياريت رد وافى من ملاك جاك b-class
 

السلام عليكم ورحمة الله وبركاته ,,

اول شئ صلي صلاة استخاره
اما بالنسبه للجاك لو قصدك b15 ( السندريلا ) فمن خلال التجربه حتى الان العربية فوق الممتازه
التوكيل ممكن يكون حتى الان جيد جدا واعتقد انه في تقدم في الخدمة وبصراحة مقابلتهم ممتازة
وكلام في سرك في حركة تغيير كبيرةللفنيين اعتقد قريبا وذلك لتقديم اعلى مستوى من الخدمه واحتمال ولكن ليس على المدى القريب يكون في مراكز خدمة للجاك منفصلة عن الجيلي .
ونرجع للعربية طبعا زي ما قلت لك انها ممتازة بالنسبة لسعرها وامكانيتها وجودتها مقارنة بنفس الفئة السعرية
وبطريقة سلسة وبدون الدخول في فنييات وكلام محترفين العربية ناعمة جدا واسعة جدا شكلها الخارجي شيك والصالون ممتاز وتحسها كده عربية فيها فخامة
وعلى فكره محدش بيصدقني لما بقوله انها صيني ولا في حد بيصدق سعرها لدرجة ان في واحد قالي انت بتقول كده عشان خايف تتحسد ؟؟ وطبعا ربنا يحفظنا جميعا .
وانا واثق ان كل من يمتلك العربية قابلته مواقف زي دي كتير
الخلاصة لاني لو حتكلم على العربية اكثر من ذلك حيقولوا ؟؟؟؟؟؟؟؟؟
المهم هات التوك توك وخلاص
*