لانسر ولا كيا كارينز

[wwweee_26]

يا باشا كلامك كويس بس اسمحلى اختلف معاك فى ان الانسر مضمون عن الكيا.....الكيا بردة شركة محترمة و مضمونة و بعدين لو انت كنت بتجرىجامد بالانسر وكلت مطب ناشف ممكن بردة كان يحصل اى حاجة ..دة مش مقياس

[بدر بسيونى]

الانسر بلاادنى شك عربية اثبتت كفاءة فى السوق المصرى ونجحت نجاح منقطع النظير نظرا لقوة تحملها وتوفر قطع الغيار ورخص ثمنها وسعر اعادة بيعها المرتفع اذن فى المجمل عربية ناجحة بكل المقاييس اما الكارينز عربية حديثة العهد بالمقارنة بالانسر شكلها جديد وفخمة الى حد كبير من الصانع الكورى الشهير كيا العربية نجحت فى خلال فترة صغيرة نجاح كبير والاهم ان ضمانها 5 سنوات او 100,000 كم

اذن عاوز عربية ذات اداء رياضى والمساحات الداخلية متوسطة يبقى الانسر و لو عاوز عربية اسرية ويهمك راحة الركاب وشكل جديد يبقى الكارينز

تهم نقطة عاوز تبيعها يبقى الانسر ولو مش بتفكر يبقى الكارينز

[MEMOO_1ST]

فعلاً اللانسر أفضل بكتيير من الكيا وسعرها مش بينزل بسرعة وعربية ممتازة انا مع والدي 2004 عاملة 145.000 كم والحمد لله زي الفل.

[wwweee_26]

انا مش فاهم لية كل واحد بيكلم على اعادة البيع...هى الكيا صينى...ولا احنا نشترى الحاجة عشان نبيعها

[Abu_mazen]

من واقع خبرتي وانا اعمل فى الخليج ( السعودية) بالنسبة السيارة الكارينز فهى منتشرة جداً الآن فى الخليج وده معناه انها سيارة ممتازة وتتحمل ظروف الجو الحار ناااااااار يا حبيبي ناااااااااار والطرق الصعبة والسفر لمسافات طويلة بالالف كيلو على الاقل ، أى أنها أثبتت نفسها كسيارة عائلية للاسرة ، بعكس اللانسر مش مرغوبة فى الخليج اوي ومحدش بيركبها غير الأخوة المصريين والأردنيين والفلسطنيين كل كام يوم لما أقابل سيارة لانسر وأقول ياااااه لانسر اللى مغرقة مصر سبحان الله ، بس اكيد برضه هى سيارة كويسه مش وحشة 0