دعوة للمشاركة عيوب سيارتك اية؟

[احمد بدر1978]

المشاركة الأصلية كتبت بواسطة _amr.mostafa_ معلش بس سؤال ... هل المقصود بالعيوب الجاية من المصنع ...؟ اول المقصود العيوب حصلت بعد كده ...؟

لو امكن الاتنين قطع الغيار اسعارها اية كل حاجة

[احمد بدر1978]

المشاركة الأصلية كتبت بواسطة alymonir فكرة كويسة و يسعدني أن أكون أول من يبدأ بس طبعا حضرتك عارف إن كتير من العيوب بتبقى مسألة نسبية زي : العربي ضيقة شوية, سحبها ضعيف , .... الخ أنا معايا تويوتا إيكو هاتش باك موديل 2000 موتور 1000CC عامل بيها أكتر من 200000 كم والحمد لله ماقصرتش رقبتي لحد دلوقتي ( ربنا يستر و ماتقصرهاش بعد كدة ) تقريبا مفيهاش عيب خطير إلا إن أسعار قطع غيارها غالية شوية علشان عربي نادرة في السوق و عيوب نسبية: إن موتورها ضعيف بالذات مع التكييف في الصيف , و عدم وجود شنطة تقريبا

شكرا على المشاركة

[احمد بدر1978]

المشاركة الأصلية كتبت بواسطة lol64 موضوع جميل انا معايا النترا 2010 الحمد لله جميله بس عيبها الصاج بتاعها ضعيف من نتشه موتوسيكل عدى من جنبى وانا واقف فى اشاره عمل خرم فى الصاج

ربنا يعوض عليك

[احمد بدر1978]

المشاركة الأصلية كتبت بواسطة corsair تسلم ايدك والله يا ابو حميد علي الموضوع الجميل ده فعلا هوه ده الموضوع اللي هيكون مرجع للناس كلها في كل العربيات الجديدة والمستعملة وعن نفسي انا معايا فيرنا 2009 GLS عيوب عربيتي اللي خارجه بيها من المصنع اولا واطية جدا لو ركبت معايا 3 ورا وبتتحل بعليات بتوع التاكسي الجديد عاملين فيها كدا علشان اسطوانة الغاز والحمولة وكدا ثانيا الجنوط رديئة جدا وقرفاني اخر قرف مصري من الدرجة الاولي وبتتحل بتغير الجنوط ديه خالص ثالثا ضيقة نوعا ما بس انا جربت اقعد فيها من ورا لاقيتها مش ضيقة اوي زي ما الناس بتقول بالنسبة للعيوب اللي ظهرت بعد كدا هبده في العربية من ورا والحمد لله اختفت مع صيانة ال 20000 كيلو الار بي ام بتاع العربية كان بيعلق كل شوية يرفع لوحده وصوت الماتور يعلي وانا واقف واتحلت بردك الحمد لله مع صيانة ال 20000 الاخيره فراملها ضعفت شوية وبردك الحمد لله اتحلت مع الصيانة الاخيرة التكييف جه في الفترة الاخيرة وبقا فيه تنتيش وضعف شوية واتحل الحمد لله في الصيانة الاخيرة تقييم العربية من وجهة نظري مقنعة بنسبة 90% بالنسبة لسعرها وامكانيتها

شكرا على المشاركة انا من اول ما طلعت الفرنا وانا قلت العربية دى واطية بس سحبها حلو جدا انا جبت بيها 160 تمام
ياريت تقولنا العيوب الى ظهرت التوكيل حلها ازاى

[المناور]

انا معايا كيا برايد 96 عيبها ان صاجها ضعيف شوية والعربية خفيفة يعنى لما ببقى واقف وبيجرى من جنبى ميكروباص بسرعة كبيرة بحس بالعربية بتترج ولما باكون ماشى برضو بحس بان العربية بتتأثر .

وموديل العربية بالنسبة للموديلات اللى بعدها تعتبر افقرهم بالنسبة للكماليات .