أرجو الإفاده ضرورى جدااااا فعلا فى محتاره

[hebaaa]

مرسي على الرد

طيب ممكن تقلولى لوأشتريت عربيه مستعمله يفضل نوعها إيه لحد 30 ألف بس يكون قطع غيارها متوفره ومش غاليه

[hero_hamada]

اعتقد لانك لسه هتتعلمى السواقة عليها
فال 128 هى افضل حاجة بس لازم تكونى عارفة ان العربيات القديمة ديه هتقرفك
فلو امكن تتعلمى برة وتشترى عربيات من الى فوق
فالالتو افضل اختيار
او ممكن تشترى اسبرانزا a 113
صغيرة وشيك وحلوة
وربنا يوفئك

[love_kidus]

لو بتفكرى انك تجيبى مستعمل و خصوصا 128 أو 127 لازم تخلى بالك من:
1- حالة الموتور (لازم يكون معاكى ميكانيكى و واحد بيفهم فى العربيات كويس) و يركز أوى على البلوكه بتاعت الموتور أصلها بتكون فيها مشاكل كتير
2- العفشه و المقصات
3- البرومه وصله لحد فين فى العربيه (ركزى على الفخد الأربعه و الرش الداخلى و الخارجى علشان ممكن تكون واخده خبطه جامده فى الشاسيه و مابتعدلش)

و نصيحه منى لو لسه بتتعلمى خليكى فى المستعمل و تكون 127 علشان حاجتها موجوده و قطع غيارها بقرش
1- فوانيس أمامى 40 جنيه
2- فوانيس اشاره 10 جنيه
3- اكصدام أمامى أو خلفى 150 - 160 تقريبا
4- فوانيس خلفى 80 جنيه
يعنى حاجتها من الأخر ملمومه

[مهند سالم]

طالما ممكن تدفعي لحد 30 ألف يبقى هاتي هيونداي إكسيل، عربية جميلة وعملية.
وممكن جولف أواخر الثمانينات بحالة ممتازة.
وممكن فيات 128 موديل عالي يعني كسر زيرو.
وممكن هوندا سيفيك أواخر الثمانيات بحالة ممتازة.
وممكن بيرودوا كانشيل موديل عالي يعني ممكن 2004 مثلا.
لكن المهم في المستعمل إنك تسألي كثير، ولازم يكون في حد ثقة معاكي وإنت بتشتري، ولازم تتأكدي من الرخصة في المرور، وخاصة رقم الشاسيه عشان العربيات إلا مركبة نص، وفي حالات تزوير بتحصل في الرخص، يعني خلي عنيكي في وسط راسك ، معلش أنا مش بأخوفك بس هو ده الواقع، والله أنا أعرف واحد شغال بقاله 10 سنين في تجارة السيارات ومع ذلك اتنصب عليه في عربية مسروقة، ودفع فيها 60 ألف جنيه، وكانت الرخصة مزورة.
ولو عايزة تريحي دماغك من وجع القلب، ادفعيهم مقدم وهاتي ألتو وخلاص، بس الخوف لأحسن تجيبي جديد وإنت لسة ما بتعرفيش تسوقي فتبهدليها، وده أكيد إلا هيحصل،
عموما استخيري ربنا سبحانه، وربنا يوفقك.

[NaderSafwat]

الافضل انك تتعلمي على عربية بعد كده تشتري جديد و الاتو افضل طبعا