|
أرجو الإفاده ضرورى جدااااا فعلا فى محتاره
السلام عليكم
أنا أول مره أقدم على شراء عربيه وأول مره حسوق فى حياتى إن شاء الله ولأنى مش بفهم فى السيارات القديمه إتوصلت لإنى أجيب جديد بإذن الله فأرجوا إنكم تخيرونى بين سوزوكى ماروتى ولا سوزوكى ألتو ولا اللادا 2017 وهل فى منها مصر وسوسرى والفرق إيه بينهم وبالنسبه للسعر ولا فيات 128 وهل لسه بينزل منها جديد ولا إيه مش عارفه طبعا أنا بسأل فى الأنواع ديه بالتحديد عشان على حسب مأسمع إنها أرخص الأنواع فى الجديد أنا يهمنى تكون عربيه بتستحمل ومش بتستهلك بنزين وقطع غيار تكون متوفره ورخيصه وياريت تقولولى الفروق بيننهم من حيث المميزات والعيوب وياريت لو تقولولى أسعارهم كمان وتقلولى إيه الأفضل |
رد: أرجو الإفاده ضرورى جدااااا فعلا فى محتاره
اهلا و سهلا بيكي يا هبه معانا في المنتدي
بالنسبه لاختيراتك استبعدي اللادا و ال 128 نهائي حيفضل الالتو و الماروتي شخصيا افضل الالتو لانها احدث و اكبر و امتن و اشيك و اقوي |
رد: أرجو الإفاده ضرورى جدااااا فعلا فى محتاره
أهلا بيك شكرا على الرد بس ياريت تقولى أسعارهم موديل 2010 ومميزاتهم إيه
وأنا عجبانى الألتو بس سمعت إن قطع الغيار مش متوفره حارج التوكيل هل ده صحيح |
رد: أرجو الإفاده ضرورى جدااااا فعلا فى محتاره
نصيحة لله بلاش بلاش أختى العزيزة تشترى عربية تندمى لا 128 ولا لادا ولا حتى ألتو ,حاليا حاولى تشترى عربية 128 مستعملة قديمة مثلا موديل تسعينات وأتعلمى عليها وبعدين بيعى وأشترى برحتك عشان مش تخبطى الجديد , عموما او هاشترتى جديد حاولى تجيبى حاجة أحسن يعنى مثلا فيه عربيات جميلة بتبدأ من 60 وكده الفيرنا ولافيو وإسبيرانز لكن عموما لو مصرة قوى يبقى شكلا الألتو لأن شكلها عصرى لو على قطع الغيار وسعر إعادة البيع وإستهلاك البنزين يبقى 128
|
رد: أرجو الإفاده ضرورى جدااااا فعلا فى محتاره
الالتوا افضلهم بس نصيحة خليكي في حاجه مستعمله علشان لو لا قدر الله خبطيها متشليش همها وبتتلم باقل الاشياء وبعد ماتتعودي علي الطرق الجميلة بتاعتنا بيعيها وهاتي حاجه زيرو ونصيحة حاولي تجيبي حاجه اتوماتيك علشان ما تتلخبطيش في نقلة الفتيس وتقبلي تحياتي ومبروك مقدما
|
| الساعة الآن 10:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017