|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#6
22-03-2010, 03:02 PM
|
||||
|
||||
رد: مقارنة بين أقرب 6سيارات للمطحونين من المصريين
كاختيار اول اللوجان
خليك مع الاوروبي حتي ولو تقفيل مغربي ، وهي عربية ممتازة و اقتصادية و كمالياتها ممتازة (ايرباج و كمبيوتر معلومات و حاجة اخر دلع ) و سعرها رائع و عفشة خدمة شاقة و اعلاهم عن الارض (جنط 15) و قطع الغيار بدأت في الانتشار خارج التوكيل . كاختيار ثاني اللانوس عربية ممتازة و اقتصادية و قوية و عفشتها حلوة و سعرها مناسب
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
|
#7
26-03-2010, 02:44 AM
|
|||
|
|||
|
رد: مقارنة بين أقرب 6سيارات للمطحونين من المصريين
شكرا" خالص على التعليقات يا جماعة بس لسه بدرى فين الردود يا جماعة ولا الموضوع مش مهم
|
|
#8
26-03-2010, 07:53 AM
|
|||
|
|||
|
رد: مقارنة بين أقرب 6سيارات للمطحونين من المصريين
السلام عليكم ورحمه الله وبركاته اولا
نصيحه وانت رايح تشتري عربيه لازم تعرف اية متطلباتك في العربية ومنها ممكن تختار العربية الي تتنماشي معاك يعني في ناس عايزة التوفير في البنزين وقطع الغيار وفي ناس مش بيهمها اهم حاجة العربية تكون كويسة انت والي انت عاوزة المهم 1 الفيرنا كا قدرات موتور عاليه جدا موفر في البنزين (بالنسبة للعربيات التانية -مش الاكسنت طبعا ) عفشة كويسة جدا( هي ناشفة شوية بس هي دية العفشة بتاعت السرعات ) مشكلة الفرامل ممكن تتحل بغسيل الكوتش الامامي كويس جدا كل يومين او تلاته بالكتير بضغط ميه كويس ودائما تدوس فرامل من غير ما تفصل دبرياج وخصوصا علي السراعات الصالون من جوة لو مش كاملة هيبقي شكلوا وحش شوية ( بالنسبة للعربيات التانية ) بس شغال يعني الكراسي سبور (بتبقي برضوا ناشفة شوية ) قطع غيار ومراكز خدمه وتوكيل كويسين جدا جدا جدا والاسعار كويسة (بالنسبة للعربيات التانية ) 2 الانوس قدرات موتور متوسطة استجابة العربية بطيئة شويتين بس لو في اللذيذ بتمشي بس فيها مشكلة في الثبات انك مهما عدلت الدركسيون ومسكتوا كويس برضوا العربية بتروح يمين وشمال العفشة طرية اوي فكويسة داخل المدينة اما علي الطريق فشوية مراجيح الصالون كويس جدا شكلوا حلو والكراسي برضوا طرية ومريحة فرامل مش اد كدا برضوا قطع الغيار غالية شوية مقارنةًََ بالهيونداي ومشاكلها ممكن توقفك خالص (زي طرومبة البنزين والحساسات الي تحت الطابلوة لما تشغل التكييف بيعمل ميه تنزل علي الحساس تبوظوا ) بصراحه الاسبرانزا m11 انا مجربتهاش ومركبتهاش بس من تجربتي لل a 516 ماتأمنش للصيني خالص هي اوبشنز كويسة وعفشة رشيقة حبتين وموتور بيجري كويس بس مش بتسارع كويس يعني متنتظرش انك تتسارع بسرعه( وبيقال ان المشكلة دية اتحلت في m11 ) والي اعرفوا انك لما تشتري اسبرانزا يبقي انت وحظك بقي يعني كان في اتنين اصحابي معاهم اسبرانزا واحد بتاعتوا ضربت اويل سيلات المكنة كلها وسير الكاتينة اتقطع وعمرت وحصل فيها مشاكل كتير والتاني معندوش اي مشكلة هو الزيت والبنزين والتيل وبس (مع العلم الاتنين زيرو a 516 ) اما الرينو برضوا مجربتهاش بس الفرنساوي معروف انوا في الصيف والدنيا حر مش بيبقي حلو خالص لان درجة الحرارة في اوروبا مش زي هنا في مصر خالص فالعربية بتسخن وبتبقي مش كويسة (مش شرط امبير الحرارة يرفع بس انت بتحس بالعربيه تحت رجلك انها مش فاهمه حاجة خالص ههههههههههههه ) اما البروتون فكفاية اوي انها عربية ماليزي متقفلة في مصر( يعني مفيش اوحش من كدا ههههههههههههههههه ) ارجوا انا اكون افدتكم
|
|
#9
26-03-2010, 08:37 AM
|
||||
|
||||
|
رد: مقارنة بين أقرب 6سيارات للمطحونين من المصريين
الصراحة الاستاذ بندارى قال عن الانوس
انا حتكلم عن عربيتى ( قصة حياتها بصراحة ) لانوس 2002 فول اوبشن 190000 كم الى اتغير فيها بامانة عدا المستهلكات 1 - الكويل عند 125000 كم و ده اهمال ( كنت باغسل الماتور بالميه و الراجل كان بيغطيه بس بكيس مبلول دلوقتى بقيت اجيب معايا كيس ناشف ده ان غسلته اصلا - غسيل الماتور مالوش لازمة- و اذا كان لا بد يبقى بايدك و بالمنظفات الكيمائية و كل فين و فين ) 540 جنيه 2- طرمبة بنزين عند 160000 كم و ده اهمال منى ( كان البنزين بيقل عن الربع كتير و اطنش) 620 جنيه 3- جوان وش السيلندر و ده كان اهمال فظيع و استرخاص منى : مرة استرخصت و جبت سير تكييف صينى ب 10 جنيه و قلت لنفسى انا مفيش انصح منى هو اخره ايه يعنى يتقطع و التكييف يقف لغاية ما اشترى واحد تانى و ياريته كان اتقطع ده نسل حتة طول الصابع و مع ال RPM العالى القوة الطاردة المركزية خلت الحتة دى واقفة لبرة و حكت زى المنشار الكهرباء فى ضفيرة مراوح الرادياتير و قطعت بلاستيك المكرونة الحماية و قطعت عزل الطرفين فلمسوا بعض و الفيوز ضرب و المراوح وقفت و العربية سخنت و من ساعتها بجيب اغلى حاجة فى اى حاجة 4- هو لسة متغيرش بس بيشاور عقله ماتور ازاز السواق فصل خالص و فكيته و نضفته و اهو اشتغل بس متوقع تغييره قريب عدا ذلك مستهلكات زى 1- تيل الفرامل غيرته مرتين قدام و ورا لغاية دلوقتى 2- فلتر هواء و بنزين كل 20000 كم 3- بوجيهات اول طقم بعد الاصلى قعد 100000 كم و الى بعده دخل فى 70000 و لسة مغيره قريب 4- الكاوتش الاصلى قعد 84000 و التانى قعد 96000 و لسة مغيرة قريب ( بس انا بحافظ على الضغط شهريا صيف شتاء 32 PSI على البارد و بدور العجل كل 15000 ) 5- بلية عجلة واحدة اتغيرت ( خلفية ) بسبب انى لعبت فى ظبطة التيل الخلفى و قرصت على البلية بدون خبرة اهو الواحد بيتعلم 6- الزيت شل الترا هيلكس بقعده على الاقل 15000 كم كنت الاول بغيره على 10000 بس بعد تطويره بقيت ازود ( مره قعدته 25000 كم كنت مزنوق بس زودت عند 17000 اهم حاجة المقاس ميقلش عن ال MIN) 7- سلوك بوجيهات اول مرة غيرتهم عند 117000 من غير ما يبوظوا و بعدين كل 50000
|
|
#10
26-03-2010, 10:14 AM
|
||||
|
||||
|
رد: مقارنة بين أقرب 6سيارات للمطحونين من المصريين
والله الاختيار يكون ما بين
لانوس - فيرنا رينو لوجان بروتون ساجا
|
|
|
|
