|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#6
|
||||
|
||||
رد: الميكروباص التويوتا سابقا (الشيرى حاليا)
أخى العزيز بدر أشكرك من القلب على هذه المعلومات الوافية وعلى ترشيحاتك لعربيات أخرى أتفق معك أنها ذات سلأسة فى قطع غيرها وبيعها بس مكدبش عليك فعلى الرغم من أن هذه العربيات منتشرة لكن ثبتها ميطمنش خالص وخصوصا فى الملفات وده اللى انا بعانى منه بحكم شغلى وأنتقالأتى الكثيرة ما بين طابا ونويبع وبصراحة هنا الطرق صعبة أوى فى ملفاتها وكثيرة المنحيات والأمر مبيسلمش كل ماأقول مش هاجرى فتيجى حاجة فى الشغل تكون محتاجة سرعة فى الأنجاز فتخلى الواحد يجرى ويستعجل ...عامة لو عندك ترشيحات أخرى لسيارات أخرى فأكون شاكر لك جدا وجزاك الله كل خيرا
__________________
شـــــــــــقة مفــــــــــروشة للبيــــــــــع بــجــنـــــــــــــــوب ســــــــــــــــــــــين اء ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله |
#7
|
||||
|
||||
رد: الميكروباص التويوتا سابقا (الشيرى حاليا)
بص ياباشا طالما مش فى اعتباراتك او مش رقم واحد عندك الانتشار وتوافر قطع الغيار وسعراعادة البيع ايه رايك فى البرتون جين 2 عربية رياضية من الاساس موتور كام برو تحفة بتاعة جرى وغرز وده تقرير عن مواتير الكام برو لو سمحت ممكن تقراه http://www.masrmotors.com/vb/showthread.php?t=14171 وده راى ملاك العربية من ميزات للعيوب عيوب الجين (وجة عام) 1 خامات التابلوة مش قد كدة 2 عيوب التقفيل (سنتر - زجاج - مفتاح المرايات الكهرباء - انذار - لمبة الصالون ) 4 لمبة الengine بتنور لو حطيت بنزين 90 او 92 من بنزينة وحشة (حساسة زيادة عن اللزوم ) 5 صوت خفبف ومشهور عند لف الدريكسون (في الاول بيظهر الصوت دة ) 6 في بعض الناس اشتكت من المساعدين بس قليل اووي 7 صوت الموتور علي نوعا ما بس صوت عالي تحب تسمعة يحسسك بقوة الموتور مش عالي يضايقك علي رأي سبعاوي (زئير الاسد) 8 سسمعت بعض شكاوي من مواتير المساحات 9 كنت بقول علي استهلاك البنزين عالي بس طلع معظم المواتير ال 1600 التوماتيك زيها يعني هيا زي اللانسر كدة 10 العربية تحت ال RPM 3 بتكون بطيئة نوعا ما وبعد ال 3 بتكون طلقة 11 فيها بعض المشاكل في الكهرباء (مرة من غير ما احس وانا بعمل صيانة قالي في عندك ماس في ضفيرة الكهرباء لما بتشغل المساحات علي اقصي سرعة ) مع اني كنت بشغلها ولو حسيت بحاجة وعملوهالي لوحدهم 12عربية ضيقة من ورا 13عر اعادة البيع مش حلو وان كان احسن من الواجا (دي يا جماعة عيوب الجين 2 بوجة عام مش خاص يعني صعب اووي تتجمع كلها في عربية واحدة او مع شخص واحد ومنها عيوب انا شفتها بعيني وعيوب سمعتها بس اللة اعلم بصحتها وعيوب حصلتلي كدة يعني ) وكل العيوب دي ياجماعة مفيش ولا عيب منها يوقف العربية ولا اي حاجة كلة بيتعمل مع الصيانة الدورية ومعظمهم مش بياخد وقت خالص يعني مثلا لمبة ال ENGINE دي بتتعمل بالجهاز في دقيقة بالظبط مش اكتر ومعظم العيوب بتكون عبيطة كدة يعني انا كل العيوب اللي حصلت معايا عيوب ال FINISH (لمبة الصالون - السنتر - لمبة ال ENGINE ) مفيش كل الباقي دة بس انا حبيت اقول كل حاجة الصح واللي سمعنة عشان اكون خلصت ضميري مميزات الجين 1 شكل تحفة من برة ومن جوة 2 قيمتها السعرية تحفة في الدول العربية بتتباع بنفس تمن الكرولا والمازدا 3 3 كماليات كتير اووي (مثبت سرعة - كاوتش عريض 195 علي 60 - باكينج سنسور - MULTI FUNCTION في الدريكسيون - كاسيت نضيف اووي وسماعات تحفة بلو بانكت - عازل حراري علي الكبوت من جوة - شداد ماسك فردتين الشاسية - الموتور مقفل بنضافة اوي - جنط 15 وحاجات كتيرررررررررر 4 ثبات خرافي خرافي بمعني الكلمة علي اي سرعة واي ملف (الايرو ديناميكس بتاعها هايل) 5 صاج ممتاز بالمقرنة بالعربيات الجديدة مش ورق 6 كراسيها تحفة 7 شنطتها مش صغيرة 8 موتور قووي اووي بعض ال 3 RPM بيكون عايز يطير 9 التسارع بتاعها ممتاز لحد 170 -180 بعد كدة بيبدء يقل 10 الكاوتش SILVER STONE كويس اووي 11 الخلوص بتاع العربية ممتاز بالرغم الثبات ركب 3 كبار مش حتحك في اي مطب 12 العربية بتسحمل البهدلة ومش بتقول لا 13 سوقتها تحفة (كنترول جامد اووي علي الطريق بتحسة وانت سايقها ) 14 قطر دورانها قليل بسبب انها سبورت (بيكون ممتاز بالغرز ) 15 لون التابلوة تحفة وشكلة يخطف الانظار 16 العربية شغلها مش معقد اووي زي الفرنساوي ولا الكلام دة بالرغم من التكنولوجيا العلية 17 قطع غيارها بدأت في الانتشار برة التوكيل واسعارها معقولة 18 الماليزين كل شوية في التوكيل وبيتابعوا جامد واي شكوي بيهتموا اووي من الاخر العربية دي بالرغم من عيوبها التافهة الكتير الا ان معظم اللي معاهم العربية دي بيعشقوها وغير العيوب دي بقي كل العربية مميزات مش عادية مميزات جميلة انا عن نفسي قسيت اووي علي العربية ودلوقتي عرفت فيمتها الحمد للة انا عامل بالعربية 45000 كم في سنة ونصف تقريبا 5 حوادث دة غير الخبطات وفي ايام بعمل بيها اكتر من 300 كيلو بالتكييف وفي الحر وجري وبهدلة ومش بتقول لا بحسها حمالة قسية كنت مرة بجري علي 180 في طريق الاسماعيلية مع جولف 5 طلع غشيم وخد غرزة مقفولة من امامي علي 180 راح خبطني من قادم وحكين انا في الرصيف وفضلت احك فية لحد لما عديتة انا اليوم دة مش عارف ازاي متقلبتش اصلا واللة كل اللي كانوا راكبين معايا استغربوا بس طبعا دة بستر ربنا مش بسبب اي حاجة تانية واتسرقت مني فترة والحمد للة رجعتلي انا بهدلت العربية بهدلة معتقدش انها ممكن تحصل مع حد تاني من الاخر اللي حيركب العربية دي حيحبها اوووي اوووي فعلا جميلة عنوان الموضوع الاصلى http://www.masrmotors.com/vb/showthread.php?t=14173 |
#8
|
||||
|
||||
رد: الميكروباص التويوتا سابقا (الشيرى حاليا)
والله أنت تستأهل كل خير عشان نيتك الطيبة وشرحك الوافى لكل أجزاء العربية من أيجابيات وسالبيات- ربنا يأتيك خيرها ويكفيك شرها وأشكرك على ترشيحك لهذه السيارة -فعلأ ما جتش على بالى خالص أفكر فيها -بارك الله فيك وجزاك الله كل خير
__________________
شـــــــــــقة مفــــــــــروشة للبيــــــــــع بــجــنـــــــــــــــوب ســــــــــــــــــــــين اء ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله |
#9
|
||||
|
||||
رد: الميكروباص التويوتا سابقا (الشيرى حاليا)
فكر ياباشا وهى طبعا عربية محترمة ثابته وفيها متطلباتط كلها على ما اعتقد
|
#10
|
|||
|
|||
رد: الميكروباص التويوتا سابقا (الشيرى حاليا)
ياعم بدر ازاي الجين تو اتسرقت وهي فيها immobilizer للمحرك
|
|
|