Fiat 126

[moh taia]

بالنسبه لنقطة بستحمل المشاوير ولا لأ

أنا كان معايا واحده كانت موديل 90 وحالتها كانت ممتازه
كنت بروح بيها من طنطا لإسكندريه من مره لمرتين اسبوعيا (رايح جاى فى يوم واحد ) بدون أى مشاكل
مشكلتها الوحيده معايا كان الجوان الى واصل بين الموتور والشكمان كانت ساعات الحراره بتبوظه
لكن للأمانه أيضا أنا كنت بغيره دايما بواحد عموله مش أصلى يعنى يمكن ده السبب انه كان ما بيستحملش كتير

- قطع غيارها أغلى شويه من ال 128 و ال 127 لأنها مش منتشره زيهم

ده الى أنا فاكره دلوقتى وألف مبروك على العربيه الجديده

[bassambassam]

والله ما عارف اقولكو ايه علي ردودكو الجامده جدا دي .. انتو بجد مش متخيليين انتو بتعملو فيا خير قد ايه

المشاركة الأصلية كتبت بواسطة hazem_khidr الف الف مبروك علي العربيه يا بسام و ربنا يكفيك شرها ال126 من العربيات اللذيذه جدا و سهله الصيانه و افضل من السيات 133 هو زي ما فادي قالك السيات 133 طلعت بعدها و كانت بتعتبر خليط من ال126 و ال127 الميزه فيها ان تبريد الموتور هوا مش ردياتير زي السيات و دا بيخليها ما تسخنش ابدا. بالنسبه للصيانه تغيير سير الدينامو و اعتقد ان الكاتينه بتاعتها جنزير مش بتحتاج تتغير غير كل فين و فين تغير جميع الفلاتر (زيت و بنزين و هوا) و تغير زيت موتور و اي نوع مش مشكله مش حيفرق العربيه بتمشي ببنزين 80 عادي جدا وموفره في البنزين التانك بتاعه متهيالي 25 لتر مافيش اي عيوب مشهوره للعربيه بالعكس من السيارات المعمره اللي قليل لما البارومه تسرح فيها وربنا يباركلك فيها يا رب

اولا الله يبارك فيك يا باشا ..
انت طمنتطني فحت ف حوار انها مش رادياتير وانها هوا ومابتسخنش .. لاني كنت مقلق جدا من انها تبقي زي السايت بتسخن ومابتستحمل الحراره ..

انا بصراحه عندي كدا كام سؤال :: اناعارف انهم هيبينو اني مابفهمش حاجه .. ولا اعرف الالف من كوز الدره .. بس اسمحلي اسالهم برضو .. لاني بحب اتعلم .. مابقاش سايق كدا وخلاص .. واي حاجه عمو الميكانيكي .. الحقني ..

هوا ايه سير الدينامو دا ؟؟ وايه الكاتينه ؟؟ ويا تري فيه كاتينه جنزير .. وكاتينه انواع تانيه ؟؟
وايه العوامل اللي تخلي البارومه تسرح ف عربيه ؟؟

معلش اعذرني .. ولو ماحبتش تجاوب او لو لاقيت اسألتي سخيفه ومالهاش لازمه .. عادي
feel free to forget about it

المشاركة الأصلية كتبت بواسطة moh taia بالنسبه لنقطة بستحمل المشاوير ولا لأ أنا كان معايا واحده كانت موديل 90 وحالتها كانت ممتازه كنت بروح بيها من طنطا لإسكندريه من مره لمرتين اسبوعيا (رايح جاى فى يوم واحد ) بدون أى مشاكل مشكلتها الوحيده معايا كان الجوان الى واصل بين الموتور والشكمان كانت ساعات الحراره بتبوظه لكن للأمانه أيضا أنا كنت بغيره دايما بواحد عموله مش أصلى يعنى يمكن ده السبب انه كان ما بيستحملش كتير - قطع غيارها أغلى شويه من ال 128 و ال 127 لأنها مش منتشره زيهم ده الى أنا فاكره دلوقتى وألف مبروك على العربيه الجديده

احمدك يا رب .. اخيرا حد جربها قبل كدا D: D: D :D:

اولا انا بشكرك علي ردك جداااااا
بس بص بقي ::::: انا اللي وصلي عنها انها ماتستحمل المشاوير الطويله والبعيده .. وسألت عنها ناس .. قالولي عربيه لوز ..وبيس اخر حاجه .. بس سفر ومشاوير طويله .. مش هتستحفل وهتهيس منك .. لدرجه اني عندي مشاوير كتير بالعبيط من مصر الجديده لحلوان .. بيقولولي مش هتستحمل السكه دي ؟؟؟؟؟؟
فانت كواحد مجرب دلوقتي .. ايه النظام ف الكلام دا .. انفضله .. ولا صح ؟؟؟

تاني نقطه .. انا ف الحقيقه .. بحب اروح اسماعليه واسكندريه كتير .. هل العربيه تستحمل السكتيين دول ؟؟؟؟
من القاهره لاسكندريه-220كيلو - ومن القاهره لاسماعليه - 140 كيلو-


سؤال تاني ::: ايه الجوان دا ؟؟ بتاع ايه يعني ..ووظيفته ويا سلام لو شكله
معلش انا عارف اني جاهل اخر حاجه .. وانكو هتقولو ايه البني ادم اللي جتله عربيه بالغلط دا :D
بس والله يجي مني .. وبتعلم يعني :D

وايه اللي كان بيخليك تغيره بواحد عموله ؟؟ هل الاصلي غالي ؟؟؟؟؟

[hazem_khidr]

ولا يهمك يا عم بسام انت بس اسأل و احنا نجاوبك و بكره تتعلم و لما حد جديد يسأل انت اللي حتجاوب عليه

هوا ايه سير الدينامو دا ؟؟ وايه الكاتينه ؟؟ ويا تري فيه كاتينه جنزير .. وكاتينه انواع تانيه ؟؟ وايه العوامل اللي تخلي البارومه تسرح ف عربيه ؟؟ معلش اعذرني .. ولو ماحبتش تجاوب او لو لاقيت اسألتي سخيفه ومالهاش لازمه .. عادي feel free to forget about it

الدينامو هو اللي بيشحن البطاريه و بيلف زي دينامو العجله كده
طب هو حيلف ازاي؟؟
فيه طنبوره طالعه من الموتور و متركب فيها سير علي الدينامو لما العربيه بتدور الطنبوره بتلف
و بالتالي السير بيلف يقوم يخلي الدينامو يلف هو كمان و الدينامو بيحول الطاقه الحركيه
الي طاقه كهربائيه و يشحن البطاريه باستمرار
لو السير دا اتقطع يبقي مافيش شحن حيوصل للبطاريه من الدينامو.


سير الكاتينه دا معقد شويه
المهم ان برضه الموتور طالع منه طنبور بيبقي راكب فيها سير الكاتينه دا علشان برضه يخلي عمود الكامه يلف و يحرك صبابات دخول البنزين و صبابات خروج العادم
لما بيبقي جنزير مابيحصلش منه حاجه و مش بيتغير غير كل فين و فين و الجنزير دا عامل زي جنزير العجله برضه
لو كاوتش دا بيتغير كل 30000 او 40000 الف كيلو بس اعتقد ان اللي عندك جنزير مش كاوتش
دا شرح مبسط جدا ولو عندك وقت ابقي اصدع دماغك بالتفاصيل
البارومه هيا الصدأ لما بيصيب جسم العربيه
و الصدأ دا من كتر ما بيتكون بياكل الصاج و بيبهدله
علشان تحافظ علي العربيه ما تغسلهاش كتير و لما تغسلها تنشفها كويس
و في الشتا تغسلها بعد ما الدنيا تمطر دايما
علشان الطين بيتراكم تحت الرفارف و الفجاوي
الطين من بره بينشف و يفضل فيه ميه من جوه تقوم تاكل الصاج بتاع العربيه.

[bassambassam]

المشاركة الأصلية كتبت بواسطة hazem_khidr ولا يهمك يا عم بسام انت بس اسأل و احنا نجاوبك و بكره تتعلم و لما حد جديد يسأل انت اللي حتجاوب عليه الدينامو هو اللي بيشحن البطاريه و بيلف زي دينامو العجله كده طب هو حيلف ازاي؟؟ فيه طنبوره طالعه من الموتور و متركب فيها سير علي الدينامو لما العربيه بتدور الطنبوره بتلف و بالتالي السير بيلف يقوم يخلي الدينامو يلف هو كمان و الدينامو بيحول الطاقه الحركيه الي طاقه كهربائيه و يشحن البطاريه باستمرار لو السير دا اتقطع يبقي مافيش شحن حيوصل للبطاريه من الدينامو. سير الكاتينه دا معقد شويه المهم ان برضه الموتور طالع منه طنبور بيبقي راكب فيها سير الكاتينه دا علشان برضه يخلي عمود الكامه يلف و يحرك صبابات دخول البنزين و صبابات خروج العادم لما بيبقي جنزير مابيحصلش منه حاجه و مش بيتغير غير كل فين و فين و الجنزير دا عامل زي جنزير العجله برضه لو كاوتش دا بيتغير كل 30000 او 40000 الف كيلو بس اعتقد ان اللي عندك جنزير مش كاوتش دا شرح مبسط جدا ولو عندك وقت ابقي اصدع دماغك بالتفاصيل البارومه هيا الصدأ لما بيصيب جسم العربيه و الصدأ دا من كتر ما بيتكون بياكل الصاج و بيبهدله علشان تحافظ علي العربيه ما تغسلهاش كتير و لما تغسلها تنشفها كويس و في الشتا تغسلها بعد ما الدنيا تمطر دايما علشان الطين بيتراكم تحت الرفارف و الفجاوي الطين من بره بينشف و يفضل فيه ميه من جوه تقوم تاكل الصاج بتاع العربيه.

والله يا ابو حازم ما عارف اقولك ايه .. بس يكفي اني اقولك .. انك راجل سمعتك سابقاك .. والمنتدي كله بمشرفينه والناس اللي فيه .. وانا بعتذر عن الرد متأخر .. بس انت عارف الدنيا بقي

والصوره وضحت وف الجون كمان ..

بص بقي .. بما انك احد الناس الخبره هنا .. فياريت لو تهبدني اللينكات بتاع التوبيكات المهمه .. اللي اساسي اي حد يقراها .. لو في .. لو مافيش .. قولي اسيرش انا علي ايه؟



ربنا يكرمك .. ولا يحرمكش مني يا رب :D
الف الف شكر يا مان علي ردك .. وبجد ربنا يكرمك ..
والف شكر لكل الناس اللي ردت .. واي حد عايز يقولي تنبيهات او اي نصايح ف الاول كدا .. انا هكون كلي اذان مصغيه

[hazem_khidr]

الله يخليك يا باسام باشا و ربنا يباركلك في عربيتك و عقبال ما تكبرها يا رب
بالنسبه للينكات ف انا معنديش خلفيه و الله
بس ممكن حضرتك تدخل منتدي الصيانه و تقرأ في المواضيعهناك حتتعلم حاجات كتير
و اي حاجه اي حاجه مش فاهمها اسأل و احنا نجاوبك
و انت حتتعلم بسرعه سواقه و ميكانيكا علي فكره انا متوقع كده علشان انت بتسأل و الموضوع في دماغك.