|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
 |
|
|
أدوات الموضوع |
|
|||||||
| ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
|
|
أدوات الموضوع |
|
#6
19-10-2012, 07:20 PM
|
||||
|
||||
رد: هوه يعنى ايه كبس الماتور ؟؟؟؟
معظم مواتير العربيات اللي بنركبها حاليا (بنسبة 99.9%) بتشتغل بطريقة إسمها "دورة أوتّو" (عشان مخترع الطريقة دي كان واحد ألماني إسمه Nicolaus Otto).. الطريقة دي مشهورة بإسم تاني اللي هو: "الدورة رباعية الأشواط"... باختصار الدورة دي معناها إن من ساعة ما خليط الوقود والهواء ما يدخل لحد ما يخرج في صورة عادم لازم تعدي 4 أشواط عشان الاحتراق يتم.
أشواط الدورة دي كل واحد فيها بيعمل حاجة   والأشواط دي هي: 1- السحب (Intake) وفيه المكبس (البستم) بيتحرك لتحت في أثناء فتح صمام السحب... فيسحب خليط الهواء والوقود جوه السلندر  2- الضغط (Compression) وفيه صمام السحب بيقفل... والمكبس بيتحرك لفوق ... فيضغط خليط الهواء والوقود لحوالي 1/10 من الحجم الأصلي (ودي اللي بيتقال عليها نسبة الصغط 1:10)  3- الإشتعال أو انطلاق الطاقة (Power) وهنا بيحصل اشتعال الوقود المضغوط عن طريق شعلة البوجيه ويحصل انفجار يخلي المكبس يبعد بسرعة عالية (بنفس فكرة الرصاصة في البندقية)   4- العادم (Exhaust) هما صمام العادم بيفتح... والمكبس يطلع لفوق ويطرد العادم بره السلندر عشان نبدأ دورة جديدة  بص على الصورة دي كده   طبعا... في الشوطين بتوع الضغط وانطلاق الطاقة... أهم حاجة إن ما يحصلش تسريب للهواء المضوط جوه علشان ناخد أكبر استفادة من الاحتراق اللي حصل وزي ما قالك الزملا... فيه كذا مصدر لتهريب الضغط 1- الصمامات (Valves) ودي ممكن ما تبقاش قافلة كويس مع وجود رواسب ما بين الصمام ووش السلندر (في المكان اللي بيبات فيه) أو ممكن يكون فيه تآكل بشكل أو بآخر ما بينهم.  2- الشنابر أو حلقات المكبس (Piston Rings) ودي بتتآكل مع الوقت ، أو ممكن تتكسر مع كتر عمل الموتور على دورات منخفضة  3-الشميز أو جدران السلندر (Cylinder) وده بيحصلو تآكل مع الوقت برضو  4- وش السلندر ممكن وش السلندر ما يبقاش قافل بإحكام نتيجة رباط ضعيف أو تقفيعة قديمة أو جوان غير سليم  5- وجود شرخ في أي أجزاء داخل السلندر زي الشميز أو البستم أو وش السلندر  آخر حاجة... مواتير الديزل بتشتغل بنفس الطريقة... بس الفرق إنها مافيهاش بوجيهات والاشتعال بيتم تلقائي عشان نسب الضغط ما بتقلش عن 20 ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه 
|
|
#7
19-10-2012, 08:22 PM
|
||||
|
||||
رد: هوه يعنى ايه كبس الماتور ؟؟؟؟
__________________
|
|
#8
19-10-2012, 10:34 PM
|
|||
|
|||
|
رد: هوه يعنى ايه كبس الماتور ؟؟؟؟
انا سعيد بوجود شرح ممتاز لدوره الاحتراق بالشكل ده وفى نفس الوقت مفيش مصنع فى مصر بتقنيته وفنياته ومهندسيه قدر يعمل موتور
سألت قبل كده قالولى دوره الاحتراق نفسها سهله لكن حساب تمدد المعادن بفعل الحراره واحتكاكها صعب جدا
|
|
#9
20-10-2012, 12:20 AM
|
||||
|
||||
رد: هوه يعنى ايه كبس الماتور ؟؟؟؟
تصدق إننا بمصانع الصلب اللي موجودة في مصر دي كلها... محدش فيهم بينتج حديد غير حديد التسليح بتاع المباني تفتكر لو عايز تعمل عمود أو أكس في عربية... حتجيب خامته منين؟؟؟ مفيش في مصر مصنع واحد يعمللك خامة مخصوصة عشان تقدر تصنع منها حاجة كويسة يا عم ... ده مفيش مصنع يعملك مسامير بالأشكال والمقاسات اللي عايزاها صناعة السيارات... ولو لقيته لا يمكن يكون بنفس الخامة ... ولو لقيت نفس الخامة بتبقى بجودة منخفضة جدا... لإنها بتتعمل على خطوط إنتاج بدائية ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه
|
|
#10
20-10-2012, 03:19 PM
|
||||
|
||||
رد: هوه يعنى ايه كبس الماتور ؟؟؟؟
 http://masrmotors.com/vb/showthread.php?t=90049
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
|
|
