عايز الطريق بتاع المنيا القاهرة من الصحراوي الغربي

[TELEBK]

ممكن أوصف لك طريق صحراوي شرقي ، وهوه بسيط وسريع ، وهوه طريق الكريمات ، وهوه طريق الجيش ، والسرعة عليه 120 كم ، تاخد الأوتوستراد بإتجاه حلوان ، وتعدي 15 مايو ، والتبين حتلاقي يفطة مكتوب عليها طريق الكريمات والصعيد ، تمشي علي الوصفة حتركب الطريق وتدخل أول بوابه وتدفع 5 جنية ، حتلاقي الطريق بسرعة 120 كم أتجاهين ، بطول 130 كم الي بني سويف وبعدين الطريق يبقي أتجاه واحد الي المنيا بطول 120 كم لكن واسع ، الطريق ليس به خدمات لكنه سريع ممكن الرحلة تاخد منك بدون توقف حوالي 3 ساعات بدايه من الكارته الأولي ، وتوصل بالسلامة

[مورو]

منصحش بالطريق الشرقى حوادثه كتير - الصحراوى الغربى افضل واهدى

[ميدو ستار]

الطريق الصحراوى الغربى افضل علشان اتجاة طريق القاهرة المنيا بعيد عن طريق المنيا القاهرة فـ آمن وهادى

الصحراوى الشرقى من بنى سويف لحد المنيا حارة واحدة رايح جاى بجد زبالة والنقل التقيل كله ماشى علية محمل طوب من المحاجر وزلط طريق كله حوادث
وتروح وترجع بالسلامة

[احمد الصعيدي]

الكلام الي قالوة الاساتزة صحيح بس في حاجة لو انت رايح المنيا نفسها مش مركز من المراكز متدخلش دخلة سمالوط عشان الطريق بايظ وبيبهدل العربية في دخلة جديدة قبلي المنيا بحوالي 5كيلو دي احسن واسرع