مصر موتورز مجتمع السيارات - عايز الطريق بتاع المنيا القاهرة من الصحراوي الغربي

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

عايز الطريق بتاع المنيا القاهرة من الصحراوي الغربي

عايز الطريق بتاع المنيا القاهرة من الصحراوي الغربي
عايز عارف امشي ازاى بظبط

رد: عايز الطريق بتاع المنيا القاهرة من الصحراوي الغربي

انت هاتوصل من شارع الهرم لميدان الرماية الى الطريق الصحراوى الموصل للفيوم بعد مدينة 6 اكتوبر امشى كام كيلو هاتلاقى كشك مرور على ايدك اليمين ثم عدى البنزينة الاولى على يمينك والبنزينة التانية على يمينك بعدها اول فتحة شمال ادخل منها هاتلاقى بداية طريق اسيوط الصحراوى الغربى على اليمين اركب الطريق مباشرة مقبل لما توصل للمنيا وفى المنتصف هاتلاقى كافتيريا الفيومى للاستراحة حاجة محترمة

رد: عايز الطريق بتاع المنيا القاهرة من الصحراوي الغربي

وصفة جميلة تسلم يامناهرى باشا بس تعليق صغير كده ربما اخونا مياخدش باله
كلمة مقبل = مجبل بالصعيدى = قبلى يعنى

رد: عايز الطريق بتاع المنيا القاهرة من الصحراوي الغربي

الطريق بدايتة ناحية القاهرة هو من طريق ( القاهرة - الفيوم ) بيكون باقى حوالى 75 كم على الفيوم

المهم تدخل ازاى طريق الفيوم

الطريقة السابقة ( من دكتور/ المنهارى ) من ميدان الرماية هى اسهل الطرق وافضلها

واضيف انك لو هتخرج من القاهرة قريب من المحور بيكون اسهل ان تسلك طريق

المحور بإتجاة مدينة 6 اكتوبر وتكمل المحور للأخر وتنزل بنهايتة فى طريقك ل 6 اكتوبر

وبعد ان تمر على الشيخ زايد تجد مفارق ( ميدان )

يمين ..................اسكندري ة الصحراوى

امام مباشرة .......... مدينة 6 اكتوبر

يسار ................. مدينة الانتاج الاعلامى وطريق الفيوم ( هو الطريق المقصود )

والطريق الاخير تمر بة على مدينة الانتاج الاعلامى حتى تصل الى طريق الفيوم ويتبقى

على دخول الصحراوى ( القاهرة - المنيا ) حوالى 10 كم وهو ملىء بالافتات وسهل

وانت على طريق الفيوم وبعد ان تمر على شريط سكة حديد يتبقى مسافة لا تتجاوز 5

كم وتدخل يسار بعد اول بنزينة وهو طريق الصعيد الخلفى والافتة علية مكتوب عليها

طريق ( القاهرة - اسيوط الغربى )

وكل مراكز المنيا لها دخلات يسار من على هذا الطريق

وبعد دخولك طريق الطريق الصحراوى ان شاء الله يجب ان

تحذر من الرادارات لانها منتشرة بكثرة على هذا الطريق واكثرها بالمنيا

رد: عايز الطريق بتاع المنيا القاهرة من الصحراوي الغربي

بسم الله ماشاء الله الاخوه جابو المفيد

بس خلي بالك في كمين امن دوله قبل السكه الحديد لو حد معاه هربان من الجيش ولا حاجه ههههه

وتوصل بالسلامه ان شاء الله