رد: مخطط تصفيه الثوره ,,
سواق تاكسى بيحكى عن حال مصر و قال
الحكاية وما فيها يا باشا إن مصر عملة زى العربية الزيرو كان سايقها مبارك و ماشى على ٥٠ كم و العربيات التانية بتعدى من جنبه زى الصواريخ...كوريا علي ١٣٠كم ماليزيا على ١٤٠كم. ..البرازيل..الهند..تركيا. .الصين.. و كل ما حد يقوله إمشى يقوم يرميه من العربية في وسط الطريق وإللي زاد الطينة بلة الواد جمال عمال يلعب فى الفتيس و الكلاكس و الهاندبريك.. المهم نزلنا مبارك و ركب م...رسي وبعيد عنك مش عارف مكان الكونتاكت و الناس تقوله إنزل يقول أنا إللي معايا الرخصة، يا عم إنزل مش بتعرف تسوق يقول لهم لأ أنا إللى معايا الرخصة. ومركب معاه عيلته و عمالين يلعبوا فى الشبابيك و الأكر و يقطعوا فى فرش العربية. قاموا عدوا على لجنة فيها السيسى ...شاف حال العربية صعبت عليه..قام منزله و منزل إللى معاه و نده على رجل غلبان إسمه عدلى منصور و إداله المفتاح وعمله رخصة مؤقتة لحد ما الركاب يختارو سواق تانى يسوق العربية و الله اعلم
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
13-11-2013, 02:51 PM
