|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
![]() |
|
أدوات الموضوع |
#1
|
||||
|
||||
![]()
سلام عليكم بقالى كتير ما بكتبش هنا معلش الدنيا و عاميلها
الموضوع بأختصار زى ما هو واضح متعلق بالفلتر الرياضى ناس كتير عندها عمة العربية قرفاها و خانقة السحب بتاعها و لما تفكر فى الفلتر الرياضى يا تجيب حاجه مضروبة من السوق ب 50 60 ج يا تجيب حاجه اصلية من اول 250 و انت طالع ففكرت فى طريقة تخلى اللى مش قادر يشترى فلتر رياضى و العمة بتاعة عربيته قرفاه يركب فلتر بنفس الكفائة و اعلى ان شاء الله خلصت المقدمة ده العنوان الخفى للموضوع اصنعه بنفسك فلتر رياضى ب 10 ج فقط الأداوت 1- فلتر بتاع عمة قديم عندك 2- مكنسة و فرشة سنان قديمة 3- غطائين علبة دهان او اى غطائين بلاستك يكونو ناشفين 4- نص متر فيبر من بتاع الناموس 5-حتة ماسورة بلاستك على مقاس الثروتل و جوان كاوتش ب جنيه و نص على مقاسها 6- اسفنجة 7-مواد لاصقة تتحمل لحد 95 سيلزيوس ( مثال و ليس حصر - لازق تركيب و سيلكون حرارى و سوبر جلو و غراء احذية و سيلكون عضم سيلكون شلزونج - الخ ) 8- اى موات تعجبك للتزويق 9-مسمار 10 سم اى قطر يعجبك نبداء بقى الخطوة الاولى " اعادة تأهيل الفلتر القديم " نضف الفلتر القديم حته حته بفرشة الاسنان من اى تراب و ذرات الغبار استخدم المكنسة لتنضيف الفلتر من بره و من جوه مش عاوزك تطر تشترى واحد مخصوص الخطوة الثانية " مطابقة قطر الفلتر بالغطيان ![]() ![]() الخطوة الثالثة " نعمل ثقبين متطابقين بمركز الغطيان بأستخدام كاوية او سكينة او كاتر او اى وسيلة متاحة نربط المسمار من تحت بصامولة و نخلى دايما راس المسمار لتحت عشان هتختفى كمان شوية جوه الماسورة اللى هتركب على الثروتل نركب الفتلر فى الحروف بتاعة الغيان بحيث يكون محكوم و نربط المسمار بالغطاء اللى فوق و بكده نكون عملنا العمة ![]() ![]() ![]() الخطوة الرابعة " منع تسرب الهواء الغير مفلتر " و عشان نعمل الخطوة دية هنغطى حواف الفلر من فوق و تحت بمادة لاصفة تمنع التسرب و لكن يسهل ازالتها عند تغيير الفلتر الخطوة الخامسة " تركيب ماسورة الفلتر " لازم الاول نعمل فتحات الهواء حولين مركز الفلتر و طبعا بدون ما نضعف المسمار و نختار اسلوب مناسب بأستخدام كاوية او كاتر او سكينة و بعد كده هنلحم ماسورة الفلتر بمادة لاصقة قوية من الداخل و الخارج ![]() ![]() الخطوة السادسة " الحماية من التراب " و هنا هنستخدم طبقتين من الفيبر و نغلف بيه الفلتر حولين الفلتر نفسه و نلصقه و بعد كده نغلف الجسم كله و نقفلهم بقفيز بدون لاصق عشان لما نيجى نغير الفلتر يفضل معانا ![]() الخطوة السابعة " الجوان و السفنجه و التزويق " الاول هنركب الجوان الجلد على الماسورة هوبيكون على شكل حرف ال بيدخل جوه الماسورة و ليه شفه براها و وظيفته يحكمها على الثروتل و نعمل غلاف سفنج زى الصورة و نسقيه زيت و ده هيمنع اى اتربة توصل للثروتل فى حال الجوان فوت نحط اى زواق يعجبنا و نقفل الفلتر ![]() ![]() ![]() نشفط بالمكنسة من مساورة الفلتر عشان اى حاجه فلتت بالغلط تطلع و بالمره نسمع صوت الفلتر هيكون ازاى ركب و استمتع بدل ما كان عندك عمة اخرها 2 بوصة بقى عندك عمة بفلتر 8 بوصة ل 10 بوصة على القل بالتوفيق
__________________
|
#2
|
||||
|
||||
![]()
جميلة جداا شكرا لتعبك
بس كان ممكن الفنش يكون احسن من كدة
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. |
#3
|
||||
|
||||
![]()
فكرة جميلة
وتسلم ايدك بس فية بعض الملاحظات ارجوا ان تتقبلها بصدر رحب 1- الفلتر دة هينفع على بعض العربيات مش كلها 2- انت مقولتش حاجة على تثبيتة فى العربية عشان المطبات وكدة 3- ال 2 غطاء البلاستيك احتمال يسيحوا من حرارة المحرك 4- السفنجة والتزويق هيسيحوا من الحرارة بتاعة الموتور 5- الماسورة البلاستيك بردو احتمال تسييح بس بالامانة هيا فكرة جامدة او نقدر نقول انك حطيت الخطوط العريضة لتصنيع فلتر رياضى بامكانيات محلية وهو مجهود مشكور على اي حال ولو قولنا دة الاصدار الاول منة يبقى زى الفل لكن انا متاكد انك تقدر تعمل حاجة افضل من كدة بكتير وتحياتى للدماغ الشغالة |
#4
|
||||
|
||||
![]()
كان ممكن يتقص الغطاء البلاستك و يدهن اسبراى لميع والفيبر يتحط على اطراف الفلتر بس لكن انا مردتش ابالغ فى المجهود و التكاليف عشان اسيب لكل واحد مساحة يبعد فيها بناء على الفكرة الاساسية
انا لاحظت فى مواضيعى السابقة انى لما ببالغ فى الفينش محدش بيحاول فخليها المره دية بسيطة
طالما زاد سمكهم عن 3 ملى اضملنك انهم هيستخملو لحد 100 سليزيوس كمان معلومة عن الأسفنج لما بيشرب ميه بيكون من الصعب حرقه عشان كده بنستخدم الاسفنج فى تنظيف كاوى اللحام الاسفنج لما يشرب زيت بيكون مصيدة طبيعية للأتربة و برضو هيتسحمل لحد درجة حمل الزيت 95 درجة و هيحمى الثروتل التثبيت انا مذكرتوش فى الشرح لكن الجوان اللى حطيته هيكبس الفلتر كله على بوابة الثروتل و ارتفاع الفلتر و قطره الكبير هيحكمه كويس مع الكبوت الماسورة انا مجربها عندى عشان كنت حامى بيها خرطوم التربو مدخله جواها و معدى من فوق فرن الشكمان فالدنيا سليمة دية سمكها 6 ملى بى فى سى صعب عشان تسيحها من اول 200 سيلزيوس و انت طالع فعلا الاحتمال الكبير التزويق يتبهدل انت عاوز اصدار محترفين حاضر هجيب اسبراى و حاجات و اعمله و انزل صورته و هو هينفع لكل العربيات بس هيختلف قطر الماسورة و طريقة التركيب فى حالة التربو هيحتاج قواعد مرحب بيك فى اى وقت
__________________
|
#5
|
||||
|
||||
![]()
نيجى للشغل بقى 1- لو افترضنا ان كل حاجة هتتحمل الحرارة هيفضل عندك الجوز غطيان البلاستيك دول اكيد اكيد هيسيحوا 2- السفنجة فعلا هتتحمل طول ما هيا عليها مية او زيت لكن مجرد ما تنشف ......انت فاهم 2- زى ما قلت لك انا بعد ما قريت مواضيعك انا عارف انك تقدر تقدم ابداع اكتر من كدة ....... وفى نفس الوقت مش عايزك تستعجل لانك ممكن تطلع فلتر يمشى على 70% من العربيات 3- لازم وانت بتعمل ابتكار جديد تكون عامل حساب كل حاجة يعنى ان الفلتر دة هيكون معرض للحرارة والزيت والاوساخ والغسيل وعملية تنضيفة او تغييرة تكون سهلة وفى متناول الشخص العادى مش المحترف او الصنايعى 4- الفكرة لو نجحت معاك ممكن تعملها بشكل تجارى ......بس طبعا هتكون اختبرتها فى كل ظروف التشغيل وفى النهاية ربنا يوفقك |
![]() |
|
|