اشتري بجاج هندي ولا موتسيكل صيني ؟؟؟

[داركوولف]

السلام عليكم ورحمة الله وبركاته

كنت عاوز اشتري موتسيكل بجاج Discover 120 هندي
لكن ناس حذروني من الهندي وانه ملوش قطع غيار
وقطع غياره بتكون غالية جدا ونادرا ما بتتوفر

ونصحوني بشراء موتسيكل صيني
لكن بردو ناس حذروني منه وانه مش امان وخطر وصناعته مش متينة زي بجاج

ايه رأيكم اشتري صيني ولا هندي

والميزانية الحالية 8000 جنية

[خالد الجوكر]

انا بصراحه مستريحتش ف البجاج قد ما استريحت ف Dayun 10 اللى معايا
ثبات وسرعه وموتوسيكل تقيل ع الارض وتاخد بيه غرز كمان
وقطع الغيار عند اى حد بتاع موتوسيكلات صينى والشكل مقبول وابن ناس كده

وكلها ازواق بردو انتا وزوقك واللى تستريح فيه كلها محصله بعضها
بس نصيحه ابعد عن الهوجن الصغير ده بيلعب جامد ف السرعه ممكن يزحفك يقدر الله

[NASERELFHHAM]

البجاج ممتاز وقطع الغيار متوفره عند الموزعين المعتمدين أو فى غبور فى أول مصر اسكندريه الصحراوى

وربنا يوفقك لما فيه الخير

[Amed]

انا اسمع ان البجاج احسن وبيستحمل , حتى معظم المطاعم بتجيب بجاج عشان بتستحمل عنف و قسوة السواقين اللي عندهم كل شوية وهما بيوصلوا الطلبات طول اليوم ... انا لسة جايب Pulsar 200ns من بجاج برضه

[mhmdabdo]

بجاج
عندي بوكسر عامل 1300 كيلو والله زيرو وما اشتكتش منه خالص واعتمادي ولا عمره اتعطل مني نهائي عامل 4750 جنيه
رخصه 3 سنين