الحقوني بسرعة قطع من كرسي البوجيه سقطت داخل الموتور

[mm1502001]

السلام عليكم و رحمة الله و بركاته
اولا انا اتشرف ان اكتب في هذا المتدي و اني انضممت اليه
انا عربيتي a516 موديل 2006 و كان البوجيه رقم اربعة
بياجي عليه زيت و يقطع و يخلي العربية ماشية علي ثلاثة فقط وده كان بينتش معايا
و سألت و استفسرت ايه الحل قالوا نركب كرسي بوجيه وبعد ما ركبنا الكرسي و بالربط عليه الكرسي اتشرخ و هو مصنوع من النحاس و حاول الخراط و الميكانيكي تطليعه سقط قطع صغيرة داخل فتحة البوجيه وقال الميكانيكي ما تقلقش بس لو حصل مشكلة هيتم تغيير الصبابات بتاع هذا البوجيه و دورنا العربية و كان صوت الموتور عالي فقال لي الميكانيكي ممكن القطع الموجودة داخل الموتور تتطلع لوحدها من الشكمان
و بعدين عملنا مشوار بتاع 200 م و رجعنا تاني و فجأه لقينا الموتور رجع لصوته الطبيعي و فضل شغال علي كدة وروحت بيتي و صوت الموتور طبيعي بس حاسس ان في تنتيشة بسيطة بس دي زي زمان وكمان لعب في سلوك الموبينة و مبقاش عارف مكان الاول من الرابع و التاني من التالت و ارتبك
ارجو الافادة و طمنوني لو في مشكلة قلولي ايه حلها انا لسه دافع فيها كل اللي معايا

[ramy safwt]

اولا:- اقل حل تكلفة تعمله صح

1-هتشوف واحد صحبك فى علوم او كيمياء او بيو عنده ميكروسكوب كمبيوتر اللى على شكل قلم


2-على حسب عربيتك دفع امامى ولا خلفى ولا رباعى هترفع عجلة من العجلات الموصولة بالفتيس مباشرة

3-هتجيب الفتيس على اعلى غيار

4-هتدخل الميكروسكوب بالراحه فى فتحة البوجيه

5-بأقل من مهلك هتلف العجلة لحد اما تشوف سطح البستم طلع اكيد هتحتاج مساعدة صاحبك اللى خدت منه الميكروسكوب لما يظهر البستم بقى هتدخل بالميكروسكوب تدور على مكان حتة النحاس فين و غالبا هتلاقيها سقطت جوه الجاب اللى معمولة فى البستم

6-بعد ما تحدد مكانه هتدخل بجفت معقوف من نوع اي اس دى من بتاع الالكترونيات او ممكن تلاقيه عند صاحبك ده برضو و تمسك النحاس و تسحبها للخارج


ثانيا اكثر الحلول تكلفة

1-هتفك الوش كله
2-لما هتفك مش هينفع تقفل على نفس الجوان فهتجيب جوان وش سليندر
3-هتشوف السليندر و تشيل حتة النحاس
4-قفل و متخليش الميكانيكى يورطك فى شنابر و يقولك نكمل العمرة

بعد ما تخلص هتقيس فتحة البوجيه بالبوكوليز و تروح بقى تشوف ايه انسب عيار عند الراجل و تقيس بالبوكوليز

[jojojojojo]

انت سايب نفسك ليه كده تمشي بعربيه وهي بتنتش متظبط متورك وبساتمك وريح دماغك من كل الحوارات ديه

[ahmed_eng2001]

المشاركة الأصلية كتبت بواسطة ramy safwt اولا:- اقل حل تكلفة تعمله صح 1-هتشوف واحد صحبك فى علوم او كيمياء او بيو عنده ميكروسكوب كمبيوتر اللى على شكل قلم 2-على حسب عربيتك دفع امامى ولا خلفى ولا رباعى هترفع عجلة من العجلات الموصولة بالفتيس مباشرة 3-هتجيب الفتيس على اعلى غيار 4-هتدخل الميكروسكوب بالراحه فى فتحة البوجيه 5-بأقل من مهلك هتلف العجلة لحد اما تشوف سطح البستم طلع اكيد هتحتاج مساعدة صاحبك اللى خدت منه الميكروسكوب لما يظهر البستم بقى هتدخل بالميكروسكوب تدور على مكان حتة النحاس فين و غالبا هتلاقيها سقطت جوه الجاب اللى معمولة فى البستم 6-بعد ما تحدد مكانه هتدخل بجفت معقوف من نوع اي اس دى من بتاع الالكترونيات او ممكن تلاقيه عند صاحبك ده برضو و تمسك النحاس و تسحبها للخارج ثانيا اكثر الحلول تكلفة 1-هتفك الوش كله 2-لما هتفك مش هينفع تقفل على نفس الجوان فهتجيب جوان وش سليندر 3-هتشوف السليندر و تشيل حتة النحاس 4-قفل و متخليش الميكانيكى يورطك فى شنابر و يقولك نكمل العمرة بعد ما تخلص هتقيس فتحة البوجيه بالبوكوليز و تروح بقى تشوف ايه انسب عيار عند الراجل و تقيس بالبوكوليز

ربنا يجازيك خير .... انا عاجبنى جدا الرد الاول .. علشان ده غير تقليدى

هو المايكرويكوب الكومبيوتر ده بيتباع فى السوق ؟؟

[mm1502001]

مشكورين علي الردود بس انا احب اوضح ان الصوت العالي اختفي من الموتور و رجعت لصوتها القديم فهل لازم احل و السلندر و لا كدة خلاص و الحمد لله؟
كما ارجو الافادة عن ترتيب كوابل الموبينة الموصلة علي البوجيهات
جزيتم خيرا