مبرووووووووووووووك الشكل الجديد لمصر موتورز

[tamer.koko]

طب سؤال يا ابو نورا بقي
اجمالي عدد المشاركات المشكوره ا اللي قبل التعديل هيرجع ولا خلاص كده
ده حتي كل المشاركات اللي قبل التعديل اتحذف من تحتيها الشكر ومعني كده ان المواضيع اللي بعد التعديل هي بس اللي هيكون فيها شكر
وكان لما بيكون في مشاركه تحتيها عدد شكر كتير لعضو كان شكلها حلو بصراحه غير الايحاء ان الواحد شارك بحاجه كويسه

وشكرا للمجهود الرائع
والف مبروووووووووووك الشكل الجديد لمصر موتورز
تحياتي يا وائل بيه

[Hosam Hegazy]

من فترة فتحت الموقع و لقيت أن شكله أتغير و الأستاذ وائل قال إن دة مش الشكل النهائي ، المهم أنا عايز أقول أن الشكل القديم هو الشكل إللي بيميزنا ما بين كل المواقع التانية و أتمني أن هو يرجع لأني بقيت حاسس أني في مكان غير مصر موتورز بعد شكله ما أتغير !

[محمد اشرف]

الاداره بتبدا وتغير اهو شوية حجات فى المنتدى وفعلا ده مش الشكل النهائى وهما لسه هيغيروه بس واحده واحده

[AbOnOrA]

والله يا حسام انا متفهم جداً احساسك ومقدر موقفك وسبب طلبك ده
وده مش من انهارده وامبارح ده من سنين فاتت وهوضحلك الموضوع جة ازاى بالظبط

اولاً من بداية المنتدى كان شكلة غير كدة خالص واللون العام ليه كان اورانج وكان التصميم مستوحى من لون عربية سوبر اسمها كونيجسج





وفضل اللون والستايل ده هو السائد سنة واتنين وبعدين بعض الناس طالب بالتغيير والتحديث
وساعتها كان فيه امكانيات دعم كبيرة وحماس اكبر وخبرة اقل فعملنا 3 تصميمات بدل تصميم واحد وبدات الناس تحتار فى التصميمات وناس تظهرلها حاجات فى تصميم ومتظهرش فى التانى وناس عايزة حاجة فى تصميم وحاجة تانية فى تصميم تانى واخر لخبطة لينا وللناس
فعملنا استطلاعات رأى للناس وشوفنا اكتر تصميم مقبول ومستخدم من الناس وجينا وحدنا التصميم وكان التصميم اللى فات وبالرغم من ان فيه ناس كتير بعد كذا سنة (سنتين تلاته تقريباً) طالبت بالتغيير والتحديث تانى لكن كان عندنا الخبرة الكافية لاننا نعرف ان ده مش هيلاقى قبول ناس كتير ارتبطت بالتصميم ده وبقى مميز لينا زى ما قولت وبقى فيه الاحساس بالألفه زى ما يكون الواحد فى بيته وعرف مكان كل حاجة فيه وخلاص

لكن فى الفترة الاخيرة اصبح استمرار التصميم القديم زى اللى قاعد فى بيت خلاص بيقع والشروخ او المشاكل فى كل مكان مابين ثغرات امنيه تهدد باختراق المنتدى او تقل وبطىء فى التحميل مع زيادة عدد الاعضاء والموضوعات فكنا مجبرين نبداء التحديث والحمد لله تم بشكل كبير جداً والحمد لله ملحوظ فرق السرعة ومرونة التصميم مع جميع انواع المتصفحات وعلى كل احجام الشاشات بداية من الموبايل والتابلت لحد اكبر شاشات الكمبيوتر
وفى نفس الوقت شغالين فى التصميم بناء على اقتراحات الاعضاء بنقرب على قد ما نقدر من السمات العامة للتصميم القديم

وفى النهاية القديم كان مصرموتورز وكان بيتنا وده مصرموتورز وبرضو بيتنا وزى ما بنينا وظبطتنا اللى فات على مدى سنين تعديلات واقتراحات من الاعضاء بنعمل ده دلوقتى وياريت تشاركنا فيه

ده رابط الموضوع
http://www.masrmotors.com/vb/showthread.php?t=114050

وممكن بعد اذنك ننقل الموضوع كله للموضوع ده وتنضم لينا فى مناقشة التصميم الجديد واقتراحات تطويرة

[محمد اشرف]

شكرا يا ابو نورا واحنا منتظرين بس عندى سؤال صغير هو ليه جدول الاحصائيات طلع فوق تانى