ارجو الافادة فى شراء سيارة فى حدود 35 الف

[mahmoud harb]

اكسل ,اكسنت,شاهين مو فوق 2000 وممكن توصلهم ل 40 وتبقى لانوس ودول اكتر حاجه منتشره وعمليه وقطع غيارها منتشره بغباااااااء وبسعر كويس جداااااا

[tameromarw]

نصيحتي دور علي الحالة الافضل بشكل عام
لان العربيات الخربانه استحالة ترجع لحالتها الاصلية .. واقصد من كلامي بلاش شراء العربيات المشدوده وما خفي كان اعظم
اصبر ودور براحتك علي حالة نادرة او عربية مرفوعة وممكن تدفع زياده بس العربية بتكون بحالة تقريبا الفبريكه
دور واشتري افضل حالة هترتاح

[محمد اوبل]

1: اكسيل :قطع غيار رخيصه جدا ومنتشره تكيف ممتاز صالون وشنطه كويسين صيانه سهله سعر اعاده بيع ممتاذ يعيبها صاج خفيف جدا ثبات سيئ على السرعات فوق 120 غير اعتماديه (مش حماره شغل ) لو استخدامك سيئ
2: اكسنت : تقريبا نفس مواصفات الاكسل بس اعلى شويه فى السعر وثبات افضل شويه
ورأي خليك فى ال1500cc سواء اكسل او اكسنت
اما اوبل كورسا او فيليشيا او البونتو والابيزا وانا معايا اوبل كل العربيات دى محترمه وحماره شغل بس خشنه وتكييف مش تمام وقطع غيار غاليه نسبيا وانت ليك الاختيار والله الموفق

[حسين الدهشورى]

شكراً لحضراتكم جميعاً على الاهتمام....انا حاياً بفكر فى هونداى اكسنت او اكسل او قيات سينا..ياريت المزيد من اراء اهل الخبرة فى تلك السيارات او غيرها

[محمد اوبل]

يا باشا نصيحه بلاش سيينا هى محترمه وموتورها قوى خصوصا ال 1600 بس ليها مشاكل شويه مع المحرك لانه معقد شويتين وصيانته وخصوصا ضبط التكيهات فيها صعب ومش اى صنايعى بيعرف يشتغل فيه ورغم انها اكثر متانه من الهيونداى لكن برده اقولك خليك فى اكسل او اكسنت عشان تشترى راحه بالك و هقولك حاجه بسيطه شوف كام اكسل او اكسنت فى الشارع وقارنها بعدد السيينا والله الموفق