نيسان صنى الشكل الجديد ولا هيونداى اكسنت و لا بيجو 301

[ام رحيم]

انا انشاء اللة ناوية اشترى عربية و لكنى محتارة بين نيسان صنى سوبر صالون الجديدة وهيونداى اكسنت و بيجو301 الجديدة
و هى اول مرة بالنسبة ليا اسوق عربية و المهم انها تكون عربية كويسة متينة قطع غيارها رخيصة و سحب البنزين كويس ( لارتفاع الاسعار) و تكون ثابتة على الارض
ارجو الافادة.... وشكرا مقدماً

[mkotp2009]

السلام عليكم
أنا رأيي البيجو 301 أو لانسر بومة

[يحيى سعيد]

البيجو 301 اسعار قطع الغيار اعتقد دبح و اعادة البيع فى الارض انا برشحلك نيسان صنى الجديدة

[ahmed naeem]

1- بيجو 301
2- صني الشكل القديم
3- اكسنت RB
ومبروك مقدما

[AbOnOrA]

اولاً طالما ان ديه اول مرة تسوقى يبقى مش مستحب تجيبى عربيه زيرو الافضل تجيبى مستعمل حاجة اقتصادية وعملية تخبطى فيها براحتك لحد ما تتمكنى من السواقة وساعتها تجيبى زيرو فتعرفى تحافظى عليها

لكن لو ده قرارك فانا انصحك تبعدى عن البيجو لانها لسه نازلة جديد وبالتالى لسه مش منتشره وقطع الغيار مش هتلاقيها موجودة غير فى التوكيل وباسعار نار والصيانة كمان نار واعادة البيع مش مضمونة والعربيه لسه متجربتش ومحدش عارف ايه عيوبها بالظبط

النيسان صنى انتشرت شوية اكتر والتوكيل فى مصر كويس بشكل كبير افضل من توكيل البيجو

والاكسنت والكورى عموماً اكثر انتشاراً واوفر فى الصيانة وقطع الغيار وانسب واكثر عمليه عموماً لكن المشكلة فى وسائل الامان شبه منعدمة

فزى ما حضرتك شايفه وزى ما بنقول دائماً مفيش عربيه هى الافضل على الاطلاق ومتاخديش بكلام حد يقولك ديه احسن وديه اوحش لان كل واحد بيحسبها بحسبته هو المهم انت حسبتك ايه حسب ظروفك وامكانياتك وطبيعة استخدامك واولوياتك

يارب اكون قدرت اوصلك قصدى وتحت امرك دائماً فى اى استفسار واهلاً بيكى فى مصرموتورز