كم مصروف عربية فيات 128 فى الشهر ( بنزين - زيوت - غسيل )

[mido1980]

عربية فيات 128 سعة 1100 سى سى .. تمشى مشوار يومى 20 كيلو متر.. الحالة العامة جيدة

[sayed2077]

الحسبه اللى هحسبها لحضرتك ديه بالنسبه لمصاريف الحاجات اللى حضرتك طالبها بدون ثمن الاصلاحات
حضرتك بتقول مشوار يومى 20 كلم يعنى فى 30 يوم =600 كلم شهريا

يبقى كالتالى
بالنسبه للبنزين هنقول لو العربيه هتستهلك كل يوم 4 لتر بنزين بحساب الزحمه والتسخين وعمل مشاوير بسيطه اخرى لا تتعدى 10 كلم
لو حضرتك هتستخدم بنزين 80 يبقى هتصرف شهريا حوالى 130 جنية

لو هتستخدم بنزين 92 يبقى هتصرف شهريا حوالى 240 جنية

اما بالنسبه للزيت فحضرتك ممكن تشترى زيت شل هيلكس الاحمر ب 75 جنية كل ثلاث شهور بمعدل الاستهلاك اللى حضرتك قايل عليه
يبقى هتتكلف كل ثلاث شهور كامله
جركن زيت ب 75 جنية و 15 جنية فلتر زيت و 10 جنية مصنعية تغير الزيت والفلتر

اما بالنسبه للغسيل فمثالا انا فى منطقتى فيه زى سايس بديله كل شهر 40 جنية و بيغسلى العربيه من بره كل يوم او يوم اه ويوم لا على حسب ما تحب

ويختلف السعر من مكان لمكان

والكلام ده بدون مصاريف الصيانه وديه مقدرش احددها لان ممكن شهر متصرفش جامد وممكن شهر تلاقيك بتصرف جامد جدا على الصيانه على حسب العطل

[mido1980]

شكرا جزيلا للرد .. يعنى تقريبا ثابت كل شهر 200 ج غير احتمالات الاعطال وتغيير قطع الغيار

[ezzat2002mo]

انا معايا 128 بقالها 8 سنين والحمد لله
انا راىى تعمل حسابك متوسط 300 فى الشهر للاسباب دى
- يوم ماتلاقيش 80 تقوم تحط 90 او 92
- الكاوتش عل فترة
- البطاريه
-اى خبطة تحتاج سمكرة ودوكو
- مصاريف الترخيص السنويه حوالى 300الى400جم
اى قطع غيار غاليه طرمبه بنزين او مياة او راديايتر او اسبراتير او مارش
صيانه الدبرياج حوالى 400 جم لما تغير الطقم كله
الفلاتر والزيوت
الاكراميات والنظافة والدخان وما شابه
كل دة مش بصفه دوريه يعنى مثلا شهر تصرف 100 والتانى 400 وشهر 600
بس المتوسط حوالى 300 جم علشان مش تزنق نفسك

[mido1980]

المشاركة الأصلية كتبت بواسطة ezzat2002mo انا معايا 128 بقالها 8 سنين والحمد لله انا راىى تعمل حسابك متوسط 300 فى الشهر للاسباب دى - يوم ماتلاقيش 80 تقوم تحط 90 او 92 - الكاوتش عل فترة - البطاريه -اى خبطة تحتاج سمكرة ودوكو - مصاريف الترخيص السنويه حوالى 300الى400جم اى قطع غيار غاليه طرمبه بنزين او مياة او راديايتر او اسبراتير او مارش صيانه الدبرياج حوالى 400 جم لما تغير الطقم كله الفلاتر والزيوت الاكراميات والنظافة والدخان وما شابه كل دة مش بصفه دوريه يعنى مثلا شهر تصرف 100 والتانى 400 وشهر 600 بس المتوسط حوالى 300 جم علشان مش تزنق نفسك

شكرا .. كل واحد معاه فيات 128 يقول تقريبا بتصرف كام كل شهر .. مفيش سفر ولا جرى.. يدوب كل يوم 20 كيلو متر .. وايهما افضل 1100 سى سى ولا 1300 سى سى