سؤال ف فيرنا 2013

[احمد سويلم]

المشاركة الأصلية كتبت بواسطة ahmed el gendy يا باشا ما هو المشكله اني باختار عربيه فاتحه ع البحرررري واقول دا اكيد واحد حافظ الطريق صم وويسوووق وهو مغمض عينه اقوم الاقيه حمار ياكل المطب والنقره من هنا وانا احصله ههههههههههههههههههههههه وصدق الشاعر حين قاااال (( جبتك يا عبد المعين تعيييين............... لقيت مخك تخييييين))

امسك الطريق ورا بيجو او ميكروباص هما دول أكثر ناس بتبقى حافظه الطرق وامشى وراه وانت مغمض لانه بيمشى ع نفس الطريق 3 او 4 مرات ةبيحاول يحافظ ع عربيتو

معلومه ع الماشى لاخويا : كتير جدا من أصحاب العربيات الملاكى بيكون قارص ومبيهتمش انه يتفادى حفره او نقره( بالرغم من انه قد يكون حافظ الطريق وسافر عليه كتير ) او اى شىء وبصفه عامه اكتر من 70 % من سائقين العربيات الملاكى بيسوقوا بطريقه غلط وغير عصريه

[هاني عبد الحميد]

اولا الف مبروك علي العربية - ثانيا خلي بالك عشان الطرق في مصر كل يوم بيطلع فيها مطب كل ما استطيع ان انصحك بية اظبط هوا الكاوتش عشان لو زاد او اقل ممكن الفردة تضرب لا قدر الله - ربنا يسترها معاك ومعانا - بس انا اعتقد ان فعلا الجنط الحديد اقوي من الالومنيوم -ولو عاوز تغير فية عضو عامل معلومات مهمة جدا عن تغيير الجنط والكاوتش انصحك تقرا الاول((((معلومات عن الكاوتش و الجنوط 1ahmad kandil ►)))

[ahmed el gendy]

المشاركة الأصلية كتبت بواسطة احمد سويلم امسك الطريق ورا بيجو او ميكروباص هما دول أكثر ناس بتبقى حافظه الطرق وامشى وراه وانت مغمض لانه بيمشى ع نفس الطريق 3 او 4 مرات ةبيحاول يحافظ ع عربيتو معلومه ع الماشى لاخويا : كتير جدا من أصحاب العربيات الملاكى بيكون قارص ومبيهتمش انه يتفادى حفره او نقره( بالرغم من انه قد يكون حافظ الطريق وسافر عليه كتير ) او اى شىء وبصفه عامه اكتر من 70 % من سائقين العربيات الملاكى بيسوقوا بطريقه غلط وغير عصريه

كلامك فعلا صح وانا بانفزه بس ع الطرق الزراعيه ف الغالب عشان ف الطرق الزراعيه ال 128 زيها زي الهامر كل 50 متر مطب لكن المشكله ع الصحراوي بقي وانت عارف الفيرنا عربيه بنت 60 ف 70 تموت وتجري فمفيش ميكرواص ولا بيجو يقدر يسد معاها خااالص بامشي بيها 130 او 140واروح ماشي ورا حته شيروكي مره وحته بي ام مره تانيه لحد مالبس ف نقره
بس عموما انت صح وهاحاول استرجل ع العربيه بنت اللزينه دي يا انا ياهي ولازم تمشي ع 90 ومن هنا ورايح هاغير لها المم اللي مسخنها عليا هاحط لها بنزين 80

[ahmed el gendy]

المشاركة الأصلية كتبت بواسطة هاني عبد الحميد اولا الف مبروك علي العربية - ثانيا خلي بالك عشان الطرق في مصر كل يوم بيطلع فيها مطب كل ما استطيع ان انصحك بية اظبط هوا الكاوتش عشان لو زاد او اقل ممكن الفردة تضرب لا قدر الله - ربنا يسترها معاك ومعانا - بس انا اعتقد ان فعلا الجنط الحديد اقوي من الالومنيوم -ولو عاوز تغير فية عضو عامل معلومات مهمة جدا عن تغيير الجنط والكاوتش انصحك تقرا الاول((((معلومات عن الكاوتش و الجنوط 1ahmad kandil ►)))

الف شكر يا باشا وفعلا كل بتوع الزوايا والترصيص بيقولوا الحديد اقوووي فعلا الاسبور معمول عشان الطرق الحرير اللي مش موجوده ف مصر وانا بنفسي شفت كميه جنوط اسبور عنده متكسره وربنا هو اللي بيستر مع اصحابها