ما رايكم فى ستروين برلنجو

[hobos]

ارجو مساعدتى بابداء الراى فى ستروين برلنجو من حيث الامكانيات و الكفاءة والقدرة على التحمل والصيانة وملا ئمتها لنا فى مصر.
و هل هى افضل ام البيكاسو.

[hazem_khidr]

لا دي و لا دي ليهم سوق في مصر و حتتعب في صيانتهم

[AbOnOrA]

البيرلنجو سيارة تجارية فى الاساس زى البيجو بارتنر وان كانت فيها كماليات رفاهيه لكن سعرها وسعر اعادة البيع وقطع الغيار والصيانة بيخرجها من كونها عربية تجارية ومخليها نوع شاذ من انواع ال MPV وان كانت افشلهم

رأى شخصى لو عايز سيارة عائلية هنا فى مصر خليك فى الكورى او اليابانى الاوربى عامة والامريكى مكلف جداً فى اقتنائه زى ماقال استاذ حازم

[hobos]

أشكر الأساتذة الأفاضل أبو نورا وحازم على إهتمامهم بالرد ولكن بالنسبة للسعر فمعروض على عربية مستعملة موديل 2005 بيرلنجو واخرى بيكاسو بسعر 65000 بحالة الفابريكة، فهل هذا السعر مناسب بالنسبة لامكانياتها؟

هناك صديق لى يمتلك سيارة بيكاسو وهو يشكر فيها جدا من حيث الثبات والتسارع والرفاهية والأمان، وهو يقول أن قطع غيار السيارة وإن كانت غالية فإنها معمرة لسنين طويلة وأيضا أنها لا تختلف كثيرا عن أسعار قطع غيار اليابانى (نيسان - هوندا). فهل هذا رأى سليم أم لا؟ وبهذا السعر هل من الأفضل شراء سيارة مستعملة سترويت (بيكاسو أو بيرلنجو) أو أخرى يابانى؟

يهمنى كثيرا معرفة ارائكم حيث أن معلوماتى فى السيارات قليلة، وشكرا.

[ayman abdelrazek]

البرلينجو ال 1600 cc هى ىنفس موتور الاكسارا
وهى فئة غريبه شويه على مجتمعنا زيها زى الكانجو والفولكس كادى
تنتمى لنوع MPV وفى منها مواتير جاز كمان
لكن الموتور البنزين ال 1600 قطع غياره متوافره جدا وسهلة الحصول عليها .
اما بالنسبه للبودى والاكسسوارات الخارجيه فدى اللى صعبه شويه وغاليه
ومن الممكن لو عاوز سياره عائليه وتكون ستروين ممكن تجيب البيكاسو واسعه جدا وعائليه
وكمان قطع غيارها موجوده بشكل معقول عن البرلينجو

وصورها كمان


XSARA PICASSO