استفسار من أهل الخبرة، مشكلة بقالها 3 سنين مش عارف ليها حل!!!!!!

[modimodi]

معايا عربية تويوتا كورولا موديل 1996 ، 1300 СС، كربراتير، المشكلة على السرعات القليلة (الأول والتانى والسلانسير) العربية بتقطع معايا بالذات فى الشارات والشوارع الزحمة، وأحياناً لما آجى أطلع بيقها تقوم مبطلة بالذات لما أكون مشغل النور العلى او الواطى، ولو شغلت النور على السلانسير العربية بترعش جامد جداً.
تم تغيير:
1- البطارية.
2- الدينامو.
3- البوجيهات.
4- سلوك البوجيهات.
5- فلتر الهواء والبنزين. (كل قطع الغيار أصلية).

تم عمل تقوية للأرضى لكن دون فائدة.
تم عمل اختبار الديسك والاسطوانة طلعوا كويسين.

[eng/walaaeldeen]

السلام عليكم
هل الدينامو الجديد بتاعها ولا لأ
الرعشه ممكن تكون بسبب انها عايزه كتاوت نور
واكشف علي البيكات وخلي ميكانيكي كربراتيرات يبص علي الكربراتير
والله المستعان

[modimodi]

أنا مركب كتاوت نور، بس المشكلة انا مش لاقى حد بتاع كربراتير، ممكن لو تعرف حد كويس تقوللى عليه؟

[فرناوى]

السلام عليكم اعضاء المنتدى
فيه واحد بتاع كربريتر فى شارع شبره كنت تعاملت معاه من فتره كبيره وهو ممتاز
وعنوانه بالظبط مش عارفه
لكنى حاحاول اوصفه والى يعرف العنوان يكتبه لتعم الفائده
فى شارع شبرا انت وقادم من رمسيس على اليساركان فيه سينما اسمها سينما مصر مكنها الان سوبر مركت اسمه خير زمان هو فى الشارع الى على نصيته السوبر مركت
ارجو ان تكون هنالك استفاده

[modimodi]

للأسف الراجل بتاع شبرا كان أحسن واحد بتاع كربراتير فى مصر، بس لما مات وولادو مسكوا المحل بقت سمعتهم زى الزفت