رابطة ملاك ومحبى السفينه فيات 132

[yabulaila]

المشاركة الأصلية كتبت بواسطة esame55 يشرفني الانضمام للرابطه وان كنت متابع لاكثر من عامين عندي 132 1600 موديل 74 جددتها بالكامل كل شيئ ولكن العربيه مش حباني خالص تقريبا غيرت كل حاجه فيها سمكره دوكو عفشه كوتش العربيه مكيفه تكييف سنديان مش بتعها كومروسر 507 مكنش مشحون ولما شجنته اشتغل شهر تقريبا والمتور رزع سبيكه مع ان قبلهاكان كويس مفهوش حاجه ودلوقت بعمره لاني لقيت البستم 1 لدع سبيكه الكل عمال يقلي ان التكييف حمل علي المتور وهو الي بوظه ولازم تشيله حتي الميكانيكي هل ده صح بس انا عايزه ايه الصح لا تبخلو عليه اه نسيت اقول ان الويت الي حطيته تقريبا كان مغشوش موبيل الاسود لان عمل 300 ك ونزل ميه بعد المكنه مباظت وميش لزوجه

طبعا الأخ الميكانيكي لازم يفتى ......ال 132 موتورها لو مظبوط يجر قطر مش يشغل حتة تكيف و ساندن كمان مش الأصلى بتاعها..... ال 132 روحها حاجتين
1- دورة زيت 100% يعنى زيت كويس انا باستعمل مصر للبترول من يوم ما جبتها من سنة 79
طرمبة زيت كويسه و على فكره انا مركب طرمبة ارجنتا و كرتيرة زيت ارجنتا علشان انسي موضوع خبط الطرمبه فى المطبات خالص.....ترس الزيت و ما ادراك ترس الزيت
يجب ان تغيره كل سنتين على الأكثر لأنه لو عملها معاك و انتى على طريق سفر حتبقى فى موقف وحش اوى و لازم تركن فورا و متشغلش الموتور نهائيا
2- دورة الميه يعنى ردياتير 3 ماسوره نحاس و طلمبه سليمه

[shoman011]

المشاركة الأصلية كتبت بواسطة أيمن الروبي اولا احلي صباح لأحلي رابطه ويارب تكونو بأحسن حال اولا بالنسبه للبويه طالما في اماكن ضاربه معجون كده يبقي العربيه محتاجه تتشال علي الصاج علشان المعجون مفلق وملوش علاج غير انه يتشال وتتمعجن تاني علي نضافه وبعد كده يتصفي علشان ميطقش تاني كمان حضرتك مقولتليش العربيه لونها ايه ومتالك ولا ساده علي ولو متالك هتاخد ورنيش نوع جيد وخصوصا حضرتك من اسكندريه علشان الملح اللي في الجو عندكو ولو ساده هنديهالك وش ورنيش برده علشان الملح اللي في الجو علي العموم لازم اتفرج علي العربيه الاول لو بويه متالك من 1500 - 1800 حسب الشغل ولو ساده من 1300-1500 ثانيا السمكره مينفعش اديلك رقم تقريبي إلا لما اشوفها

الف شكر ياايمن
وبالنسبة للعربية هى لونها ازرق ميتالك
بس انت مقولتليش ايه الحل فى الابواب هل هينفع يتشال منهم الصدا ده ويترشوا ولا لازم اغير ابواب
ولو عملت حسابى فى 2500ج هيقضوا سمكرة ودوكو لانى بجد احتمال اعملها خلال الشهر الى جاى علشان انت عارف الشتاء عندنا بيبقى شكله ازاى وانا كمان العربية بركنها فى الشارع طول اليوم

[أيمن الروبي]

المشاركة الأصلية كتبت بواسطة shoman011 الف شكر ياايمن وبالنسبة للعربية هى لونها ازرق ميتالك بس انت مقولتليش ايه الحل فى الابواب هل هينفع يتشال منهم الصدا ده ويترشوا ولا لازم اغير ابواب ولو عملت حسابى فى 2500ج هيقضوا سمكرة ودوكو لانى بجد احتمال اعملها خلال الشهر الى جاى علشان انت عارف الشتاء عندنا بيبقى شكله ازاى وانا كمان العربية بركنها فى الشارع طول اليوم

2500 ممكن ينفعو لو شغل السمكره مش كتير وبالنسبه الصدأ اللي في الابواب بيتشال ويترش علي اده ولو في بارومه داخليه للأبواب بيتعملها مرمه علي اديها وبتترش علي اديها برده والله يكون في عونكوا في جو اسكندريه ده

[أيمن الروبي]

جايبلكم انهارده شوية صور من الورشه بتاعتي

[Mohamed Rashedy]

السلام عليكم اهل الرابطة الكرام
اتشرف بأنضمامى كعضو جديد بالرابطة
انا عندى فيات 132 موديل 79 - 2000 سى سى - أخضر ميتالك
وسأشارك معكم على قدى فى الى بعمله فى السياره ليستفد الجميع
وشكرا
تقبلوا صداقتى