رابطة ملاك ومحبى السفينه فيات 132

[Hisham.Elgazzar]

شكر خاص للأستاذ/أيمن الروبى والأستاذمصطفى عاطف
لوقوفهم جنبى فى محنتى
ربنا يجعله فى ميزان حسناتكم
وبإذن الله مع بعض دايما
دمتم جميعا بود
تحياتى وإحترامى

[michohat]

ايه اللي بيحصل لمالكي وحوش فيات احنا حد ادانا عين محترمه يا جماعه
الحمد لله على كل شئ

[أيمن الروبي]

المشاركة الأصلية كتبت بواسطة محمدصلاح القاضى احب اوجه كل الشكر لجميع الاعضاء الكرام اللى حاولوا خفض حدة ضيقى واللى كلمونى وبعتوا لى مسجات (هشام الجزار & مصطفى عاطف & ايمن & والاخ الكبير كار ادمايرز ) لو ان مصطفى كلمنى فى عز ما كنت مضايق ومكنتش عاوز اكلم حد تماما ولذلك بقوله معلش يا مصطفى انا مكنتش فى حالتى الطبيعيه اللى تسمح انى اكلم اى حد واسف انى محاولتش اكلمك لكن متعوضه بأذن الله فى العيد الكبير لازم يكون فى قاعده على مستوى عالى ونتقابل كلنا ونفرح لانى بجد ظروفى النفسيه كانت تعبانه اللى الفتره اللى فاتت لكن الحمد لله انا احسن بكتير دلوقتى ودا بفضل الله ثم فضلكم ومن يوم ورايح هكون متواجد معاكم باستمرار اخوكم الصغير محمد القاضى

معلش يا قاضي كل واحد لازم ييجي عليه ايام مش بيبقي طايق حد وخنوق بس واظب علي ذكر الله وقراءة القرآن وربنا يفك كربنا كلنا وعاوزين نخلي الرابطه تبقي ملجأ وتسليه لينا نكون جنب بعض لو حد فينا في مشكله او ضيق وعاوزين نشوفك اون لاين علي طول

وفرفش كده ياعم

[أيمن الروبي]

المشاركة الأصلية كتبت بواسطة mostafa3tef هشام جالى امبارح وفضلنا مع بعض من الساعة 12 ص الى 5.15 ص وفكينا التانك ولحمنا الخرم والحمد لله مبقاش ينقط ولسه مفول من ساعتان والدنيا بيس على الاخر ونظفنا الكربراتير وظبطنا البوجيهات بالفيلر والحمد لله العربية فاقت اللهم لا حسد وبصراحة هو اللى عمل كل حاجة اصلا وانا كنت ماسك كشاف الموبايل بس على قدى بقه فاضل بس اظبط تاكيهات وانظف الكربراتير كويس واغير فلتر الهوا وسلك البوجيهات وبكده اكون خلصت الميكانيكا وبعدين ادخل على العفشة ثم السمركة والفرش والكهرباء والدوكو :2603 09~352:

انا بعتذرلك يا مصطفي اني مقدرتش اعملك التانك يوم السبت كنت مضايق شويه من الشغل اللي جالي فجأة بس لو عاوز افكلك التانك وامعجنهولك بالفايبر علشان تنساه خالص انا تحت امرك

[أيمن الروبي]

المشاركة الأصلية كتبت بواسطة محمدصلاح القاضى ربنا يعينك وهشام فيه الف بركه واما تحب تدهن اكيد ايمن اللى هيعمل لك الشغل بتاع الدوكو من الالف للياء وبعدين انا كنت مغير زيت للعربيه نوع شيل هيلكس الجركن الاحمر 2000 كيلو لكن للاسف ببص عليه من يومين لقيته زباله جدااا مع ان العربيه عدت الالف بحاجه بسيطه جدااا الزيت سايب ومفيش لزوجه وان شاء الله اغيره فى اقرب فرصه هو والفلتر بتاع الزيت وعملت فكره لساعة الزيت لكن طلعت تمام وعشره على عشره مسحت الساعه بالبنزين كويس جداااا وقولت اتابع معاها الصبح الزيت بينزل منين فلقيت مكان الرباط بتاعها تمام وزى الفل لكن الزيت بينزل منها هى قمت فاككها بمفتاح 22 ولقيت زى ظرف الومنيوم متبرشم على جسم الساعه من برا ومن حته بينزل زيت قومت منضفها ببنزين تمام جداااا ومطهرها بسبرتو وجايب ارنديد ولاحم الظرف تانى مع الساعه وسبتها تنشف ساعتين وركبتها تمام وزى الفل ومفيش مشاكل خالص وقولت ابص على البوجيهات بالمره بعد اما ظبطت بنفسى هوا للكربراتير من شهر تقريبا ولقيت البوجيهات طالعه لونها احمر جداااا ومفيش نقطة كربون عليها ودا بيدل ان الحريق تمام وزى الفل وعندى صوت محترم طالع من بليه الدبرياج عامل نحره واما تفصل الدبرياج يديك ساعات صفاره لكن السحب تمام وزى الفل وعشان اغيرها لازم اطلع الموتور برا كله لان ال 132 معروفه بكدا فقولت انفض لها شويه وابقى اغير اسطوانه او املاها واغير البليه وكمان صوت محترم من بليه الشداد عامل عوووووو وبلى العجل برضه هبقى اغيره بالمره بس وعاوز اغير زيت الفرامل قبل الشتا لانى حاسس انه لاقط رطوبه حاجه بسيطه واظبط الفرامل لكن الكلام دا كله فى الخطه الخمسيه اللى جايه

ربنا يقدرك يا محمد وتعمل الكلام ده كله انا برده عندي بلية دبرياج عاوزه تتغير بس مقلق اغيرها وطالما العربيه ماشيه والحمد لله خلاص
ربنا بس يحرسهالنا