|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
|||
|
|||
أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو
انا كنت ناويت اني اجيب لوجان مانيوال 2013 وان شاء الله هحجز من التوكيل الشهر الجي (معلومة انا ابيض في السواقة بس ناوي اتعلم كويس الفترة الجاية دي ان شاء الله) بس واحد صاحبي ربنا يسامحه قعد يلعب في دماغي وقالي يا بني هات الاوتوماتيك احسن مش مهم فرق 7000 جنيه بس بجد الفرق يستاهل المانيوال سواقتها رخمه جدا خاصة في الزحمة وهتقرفك وانا طبعا عمري ما جربت سواقه المانيوال قالي الاوتو اسهل بكتير وهتريحك جدا الصراحة وانا من ساعتها دماغي عماله تلعب في الوتو (معلومة تانيه انا لو فكرت اجيب الاوتو هتزنق جامد جدا وهستلف عشان ادبر ال 7 الاف دول لاني هجيبها كاش)
كده الحدوتة خلصت نيجي بقي للسؤال الاجباري الي بـ 30 درجة ايهما تفضل ولماذا اللوجان المانيوال ولا اللوجان الاوتوماتيك من حيث : 1- فرق المبلغ (7000) فعلا يستاهل اني اضغط نفسي واخليها اوتو 2- الحجز والتسليم من التوكيل شوفت واحد بيشتكي انه عجز من ساعه ما حجز الاوتو ولسه مستلمهاش لحد دلوقتي واعرف ان المانيوال تسليمها اسرع 3- فيه مشاكل في فتيس الاوتو واجيب مانيوال واخليني في المضمون ولا اللوجان الاوتو تمام ومفهاش مشاكل 4- فعلا سواقة المانيوال بشعة كده في الزحمة خاصة اني معرفش اي حاجه عن السواقة واخليني في الاوتو احسن ولا الاحسن لي اتعلم سواقه المانيوال عشان اتأسس صح ولا ممكن اخرب المانيوال بغيارات غلط لان طبعا في احتمال اغلط في الغيارات وانا بسوقها 5- انا ناوي اجيبها واخليها معايا يعني بالقليل 7 سنين فانهي الاحسن عشان تعيش معايا شفتوا سؤال سهل ازاي ياريت يا جماعة كل اللي عنده معلومة ميبخلش بيها وهنشوف بقي مين هيجيب الدرجة النهائية ويحله كله... |
#2
|
||||
|
||||
رد: أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو
بسم الله الرحمن الرحيم
إجابة السؤال هات أوتو حتى لو هاتتزنق
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#3
|
|||
|
|||
رد: أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو
بص يا سيدى اولا ابعد عن التوكيل اشترى من احد المزعيين المعتمديين عشان متندمش زى حلااتى انا حاجز من يوم 20- 5 لحد النهارده ادونى يمكن 3 او اربع مواعيد ولسه مستلمتش واخر كلام ليهم انى يمكن استلم على شهر 10 الله اعلم
ثانيا بالنسبه ليا انا بسوق من اكثر من 9 سنوات واحب اقولك ان الفرق بين الاتو والمانيوال هو كالتالى الفتيس الاتو معمول علشان الناس اللى بتسوق بهداوه ومش بيحبوا الشد وعاوزين يسوقوا برزانه يعنى باختصار مش بيلعبوا بالعربيه وكمان الاتو مريح جدا فى الزحمه انما المانيوال تجميع السرعات فيه احسن واسرع لانه باختصار انتا اللى بتحدد تنقل امتا من سرعه للسرعه اللى بعديها او قبليها فنصحتى ليك لانك فى بدايه تعلم السواقه وهتجيب عربيه زيرو هات الاتو عشان سواقتها اسهل وهتخليك تاخد باللك اكتر من الطريق وفى النهايه ربنا يهديك للى فيه الخير ليك |
#4
|
|||
|
|||
رد: أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو
في رأي المانيوال عشان تتعلم صح
|
#5
|
||||
|
||||
رد: أيهما تفضل ولماذا (سؤال اجباري لازم تخش ترد وبـ 30 درجة كمان) اللوجان مانيوال ولا اوتو
أولا أنا لا أحب السلف وبدل ما تتزنق فى الفلوس هات المانيوال
ثانيا انا أسوق المانيوال منذ أكثر من ثلاثين سنة (خمس سيارات) وما عنديش مشكلة وبصراحة لم أجرب الأوتوماتيك ثالثا أعرف ناس كتير يستطيعون شراء الأوتو ولكنهم يفضلون المانيوال أخيرا ربنا يوفقك لما فيه الخير |
|
|