#1
|
|||
|
|||
الأفيو إتحطلها ميه على البنزين
السلام عليكم جميعا و كل سنة و انم طيبين: بسبب لخبطة البنزين الفترة الي فاتت حطيت بنزين من بنزينة و فوجئت بعد مامشيت 50 كيلو تقريبا إن لمبة check engine نورت و الشكمان بدأ يطلع دخانة فيها سوادة خفيفة و العربية سحبها قل شوية. المهم روحت مركز الصيانة و دخلها على الكمبيوتر و قالي حساس الشكمان بيعلق و مدي خطأ و فك التانك و نزل البنزين الي فيه و حطينا بنزين من حتة كويسة و منظف عليه وغيرنا البوجيهات و قالي خلال 200 - 300 كيلو المشكلة هتختفي و بالفعل اللمبة طفت بعد 500 كيلو و من ساعتها اللمبة تطفي 100 -200 كيلو و بعدين تنور بتاع 50 كيلو و لما بتنور بيطلع دخنةسوده خفيفة مع ضغط البنزين الشديد و سحب العربية بيقل و بعدين تطفي و العربية تتظبط لوحدها المهم لما روحت المركز و اللمبة مطفية و حطها على الكمبيوتر قالي العربية تمام و مافيهاش اي حاجة يدوب خرجت اللمبة نورت و رجعت حطيتها على الكمبيوتر قال حساس الشكمان و ضغط طلمبة البنزين 85 % المهم المهندسين هناك اختلفوا واحد قال نغير حساس الشكمان و قلب طلمبة البنزين و المشكلة هتتحل لأن حساس الشكمان لما بيعطل هو الي بيخلي البنزين غير كامل الإحتراق يروح للشكمان و يعمل الدخنة السودة و دور الحساس ده انه بيخلي البنزين غير كامل الإحتراق يرجع تاني للموتور و يحترق بشكل كامل و يخرج العادم نضيف و العربية توفر في البنزين التاني قال إن المشكلة في خروج عادم غير كامل الإحتراق من الأساس و ان حتى لما الحساس يعطل المفروض انه لا يؤثر على سحب العربية من الأساس لأن الحساس مالوش علاقة ياريت تفيدوني بخبرتكم ياجماعة الله يكرمكم المشكلة فين و اعمل ايه لأن الحاجات الي همه عايزين يغيروها غالية حساس 750 جنيه و الطلمبة 700
|
#2
|
||||
|
||||
رد: الأفيو إتحطلها ميه على البنزين
حساس بكام ؟؟؟
750 جنيه لايمكن يمكن معها ترمبة ومصنعيات وخلافة انا لو مكانك هاشوف الحساس بكام بره وأشتريه لو مش على الضمان مش هايعدى ال150 -250 ------------ الطرمبه سليمة طالما العربيه مش بتقطع والبهوات دول الدخنة السودا يعنى بنزين زيادة يبقى منين الطرمبة ضعيفة -------------- بس سؤال فين ضمان العربية من ه كله
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#3
|
|||
|
|||
رد: الأفيو إتحطلها ميه على البنزين
|
#4
|
رد: الأفيو إتحطلها ميه على البنزين
اعتقد المية ما تعملش معاك كدة ممكن حضرتك كنت بتحط 80 او البنزينة معندهومش ضمير وبيخلطو البنزين النظيف ببنزين 80
لان بنزين 80 بيبوظ حساس الشكمان نظرا لارتفاع نسبة الرصاص فيه والرواسب الحمراء والكربون وبيضعف الطرمبة وبيسد كمان الرشاشات لان لو فيه مية فى البنزين العربية تنتش جامد معاك وتبطل وتأخر دوارة انما المية مش هتلحق توصل نهائى لحساس الشكمان
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#5
|
||||
|
||||
رد: الأفيو إتحطلها ميه على البنزين
انا اؤيد الراى الاول
لان حساس الاكسوجين لو باظ حيلخبط نسبة البنزين و فى حالتك بيخلى الخليط غنى بالبنزين فكأن العربية حتشرق و طبعا الحرق غير كامل + طبعا ال سكان مطلع حساس اكسوجين فا بإن الله مع تغيير حساس الاكسوجين حتختفى المشكلة ملحوظة : حساس الاكسوجين مش حيرجع البنزين الغير محروق عشان يتحرق تانى لا هو اصلا بيحس بنسبة الاكسوجين فى العادم و بناءا عليها الكنترول بيقرر كمية البنزين المطلوبة من خلال التحكم فى مقدار زمن فتح الرشاش لمحاولة الوصول لعادم خالى من الاكسوجين او اقل نسبة اكسوجين ممكنة لضمان الاحتراق القريب قدر الامكان من الكامل
__________________
سبحانك لا علم لنا الا ما علمتنا |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طرق حساب استهلاك البنزين | AbOnOrA | منتدى السيارات العام | 12 | 23-01-2015 09:25 AM |