لو البطاريه جافه والعربيه واقفه 15 يوم المفروض اسخنها كام مره ؟

[محمدصلاح القاضى]

انا عربيتى بدورها اما تكون واقفه كل اسبوع بالكتير او 5 ايام
لمدة 5 دقايق بالكتير
ومفيش مشكله

[tham1010]

أنا عندى بطارية جافة جاية فى العربية المستوردة من كوريا. تصدق انى بسيب العربية بالثلاثة أسابيع والشهر كما ومش بدورها خالص ولما اجى أدورها بعد المدة دى كلها بتدور من اول مرة بدون مشاكل خالص. أعتقد البطارية المصرى مش تستحمل المدة دى كلها...المهم به أن فى واحد قال لى أن نوع البطارية الكورى ليست السبب ولكن لان العربيات الحديثة فيها مارش من نوع معين بيخلى العربية تدور حتى ولو البطارية ضعيفة. مش متأكد من المعلومة دى. ولكنه قال لى ان ميكانيكا العربيات الحديثة مش بتثقل على البطارية زى العربيات القديمة. هل حد متأكد من المعلومة دى؟؟؟

[ahmedraafat00]

متشكر جدا يا جماعه على مشاركتكم واهتمامكم
وانا بسيبها خمس ايام واروح اسخنها وبتدور كويس وكله تمام واضح ان الجافه بتقعد فتره اطول من السايله
وطبعا مشاركاتكم طمنتنى أكتر
كل سنه وانتم طيبين جميعا

[adamlion]

الموضوع يرجع لحالة البطارية ان مرة سيبت عربيتى اسبوع
وكانت جافة ورجعت لقيت البطاريه نايمه مفيش حتى نور للتابلوه
وخاصة اذا عدى على سنة صنع البطارية سنه لازم تدور كل 5 ايام على الاكثر.
ادم