رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة محمدصلاح القاضى انا عاوز ارش العربيه بويا ومحتاررررررررر

المشاركة الأصلية كتبت بواسطة محمدصلاح القاضى اجيب بويا ايه اجيب بالرقم ولا عادى

إعملها كمبيوتر وهات اقرب حاجة للون الفبريكة بتاعك من على كارتة المرسيدس
ألوانها ممتازة ميتالك تمام

[Hisham.Elgazzar]

أستاز / أيمن

المشاركة الأصلية كتبت بواسطة cars admire قرط على وش السلندر كويس ضرورى ولازم قبل ضبط التاكيهات وليس بعده !!!!!ودايما تبقى مركب جوان واحد فقط انسى خالص موضوع 2 جوان ده !!!!!!!!!

المشاركة الأصلية كتبت بواسطة cars admire جريت وول فولكس سى 30 شوفتها ع الموقع وعجبتنى كارز أدماير هو اللى قاللى عليها الدفعة الأولى نازلة مصر الشهر ده ، عربية ممتاز كاملة اوتوماتيك ب86 الف بس يا بلاش بس صينى أبا عن جداHisham.Elgazzar عربية ممتازة وتقدر تقارن جودتها بالهوندا !!!!!!

[shoman011]

اولا مساء الفل على احلى رابطة والاعضاء الى فيها
كنت عايز احكيلكم على موقف حصل معايا امبارح وعايز رأيكم فيه
انا كنت ماشى بالعربية امبارح يعنى رحت بيها مشوار حوالى 30 كيلو وانا راجع لاقيت مؤشر الحرارة رفع عند 130 درجة يعنى وصل لاخره فصلت العربية بسرعة ونزلت اشوف ايه الى حصل لاقيت الماتور سخن اوى ومطلع دخنة فمسكت حتة قماشة وفتحت الريدادير لاقيت مفيش ولا نقطة ميه بجد استغربت اوى علشان انا لسه مطمن عليه الصبح وانا الريدادير عندى مبينقص خالص غير كل اسبوعين وبينقص شوية بسيطة
المهم انتظرت حوالى ساعة لحد ما الماتور برد فجبت مياة من محل على الشارع وملايت الريدادير وانا مشغل ولاحظت ان المياه نازلة من الحته الحديد الى عند الماتور والى واصل بيها كوعتين المياه الى خارجين من الريدادير فصلت العربية وجبت حد قطرنى لحد البيت
وهنا قولت اعمل نفسى ميكانيى واصلحها بنفسى وياريتنى ما عملت كده
المهم فكيت اكواع المية والمروحة وفكيت الكوعة الحديد علشان اعرف افك الحته الى عند عند الماتور اكيد انتوا عارفنها وهى مربوطة بـ4 مسامير على الماتور فبحاول افك اول مسمار لاقيته اتقطم وطلع معايا فقولت اسيبة واغير الجوان الى بينه وبين الكوعة الحديد الى هى المشترك فعملت جوان جلد وحاولت اركبه والحمد لله ركب اول مسمار وربط وجيت اربط المسمار التانى لاقيته مش بيربط معايا فغيرت المسمار لاقيته نفس المشكله فأتصلت بواحد اعرفه ليه فى الميكانيكا قالى هات المسمار واضرب عليه بالجاكوش اوى وبعدين اربط فعلا عملت كده وربط معايا وملايت مياه فى الريدادير والحمد لله مفيش مياه نازلة فرحت اوى وقلت الحمد لله كده بقى اتحلت المشكلة فقلت اركب المروحة ...... ركبتها كويس ووصلت السلك وفضلت اسخن فى العربية لحد ما اشتغلت بس لاقيتها اشتغلت عكس فقمت عكست السلكتين بتوع المروحة وشغلت العربية مرة تانية وفضلت اسخن اوى والمروحة مش راضية تشتغل وانا اسخن وفجأة
لاقيت دخان كتير خارج من الكابوت ففصلت العربية بسرعة وببص على الماتور فى ايه لاقيت الدخانة خارجة من السلك وفجاة ولعت نار جامد بس الحمد لله الناس نجدتنى وطفناها بالمياه فلاقيت ان سلك المروحة كله ساح واتحرق . وقلت توبة مرة تانية لو عملت فية ميكانيكى وقلت بكرة اوديها للكهربائى يشوفها .
بس كنت عايز اعرف حاجة المسمار الى اتقطم ده يزعل فى حاجة مع العلم ان مفيش مياه خارجه منه ولو حبيت اغيرها خالص ياترى بكام
معلش انا طولت عليكم بس انا قولت اقولكم القصة كلها من اولها لاخرها ومستى ارائكم

[محمدصلاح القاضى]

قدر الله وماشاء فعل والحمد لله على قد كداااا

ولو كنت قطمت مسمامير طنبوره طرمبة المايه مش مشكله اووووى
لانك ممكن تحيب واحده يوغسلافى جديده
لكن لا قدر الله لو كنت قطمت مسامير طرمبة المايه اللى راكبه على الموتور مباشره
يبقى كدا موال وقصه تانيه لانك قطمت المسمار فى فارغة الموتور وهتحتاج واحد خرط عشان يطلعه
ومن ناحية ان السلوك ساحت بتاعت المروحه وولعت فدا نتيجة ان السلكين لمسم بعض او الموجب لمس جسم العربيه
وياريت تركب المروحه على فيوز عشان الحاجات دى لو حصلت لا قدر الله تانى يبقى الفيوز يضرب وبس

ودى صوره للموتور ياريت توضح لى اى مسمار انقطم منك ومكانه فين ؟؟؟؟

[أيمن الروبي]

المشاركة الأصلية كتبت بواسطة محمدصلاح القاضى انا عاوز ارش العربيه بويا ومحتارررررررررررررررررررر رررررررررررررررررر اجيب بويا ايه اجيب بالرقم ولا عادى

مفيش حاجه اسمها بالرقم ولا عادي ال 132 الفين ليها رقم انت بس خد اي حاجه من العربيه عليها اللون مرايا حتة بويه مقشره اي حاجه وبتاع البويه هيقولك علي رقمه علطول او هات كتالوج الوان من عند بتوع البويات وشوف لونك وهتلاقي رقمك مكتوب عليه ونصيحه طبعا البويه هتجبها اوميجا علشان سعرها معقول بس الورنيش هاتو في حاجه اسمها 3100 وفي حاجه اسمها ناشونال او جنرال او 3100 وحط عليهم نص لتر ورنيش اسكنز اووووووف حاجه تمام وربنا يتمهالك علي خير انت لو قريب مني كنت روشتهالك و رجعتهالك كما كانت