رابطة ملاك ومحبى السفينه فيات 132

[Hisham.Elgazzar]

المشاركة الأصلية كتبت بواسطة محمدصلاح القاضى البلونيز حلوه فى حاله واحده اما تكون بحالتها لكن كل اللى موجود استغفر الله العظيم تشوفه من بعيد تقرف تبص ناحيته وال 31 بكرا تبقى احسن منها [/I]

عمرها ما هتبقى احسن منها متقولش عليها كده علشان مزعلش منك ، وإن شاء الله المقابلة الجاية هتكون معايا ، من فات قديمه تاه
وكده كده الناس بتقرف من ال 131
ده غير عضم زبالة صاج ورق ، بلا وكسة
البولونيز دى غلاوتها من غلاوة كنزى

[محمدصلاح القاضى]

مفـــــــــــــــــــــــ ـــــــــــــــــــــــــ ـــاجأة يا فــــــــــــوزى مفـــــــــــــــــــــــ ـــاجأه
من حق فوزى مين بس !!!!!!!!!!!!
انا لقيت لينك قطع غيار 132 , 131, 125 , 124 , وعموما كل الفيات القديم
بس حاجات اصليه اول لمسه
توكيل فيات فى استغنى عنها بس قسما بالله حاجات زيروووووووووووو
كربراتيرات وفوانيس وعلامات ومواتير ودنيا هيصه على الاخر
دا اللينك اتفرجوا وادعوا لى بس ياسلام لو الواحد كان معاه فيزا برا كان شد على هناك واشترى كام حاجه كدا فى السليم ورجع وخصوصا ان الحاجات خواجه صناعة شركة فيات
مطولش عليكم دا اللينك

http://www.ebay.com/sch/i.html?_kw=fiat+132+1
: Wkiss5::W kiss5:

[أيمن الروبي]

اولا احب اشكر ادماير وهشام والقاضي علي الاهتمام بمشكلتي
وبرحب بالعضو الجديد حسام
واحب اقولكو ان اللي عمل المشكله ان الغطا بتاع الفابريكا عندي الشفف بتاعه بدأت تبوش فقولت اجيب غطا جديد تركي .9 بار وهو اللي عمل المشكله
امبارح قلت اركب بتاع الفابريكا علشان ملقتش الاصلي خالص وسبتها بليل لحد الصبح بفتح الغطا
الحمد لله لقيت الردياتير مش ناقص خالص ومزودتش مياه
بس هنزل اجيب الغطا اللي قال عليه ادماير من رمسيس علشان بتاع الفابريكا مش هيعيش كتير معايا
:Wkis s5:

المشاركة الأصلية كتبت بواسطة aimooo اولا احب اشكر ادماير وهشام والقاضي علي الاهتمام بمشكلتي وبرحب بالعضو الجديد حسام واحب اقولكو ان اللي عمل المشكله ان الغطا بتاع الفابريكا عندي الشفف بتاعه بدأت تبوش فقولت اجيب غطا جديد تركي .9 بار وهو اللي عمل المشكله امبارح قلت اركب بتاع الفابريكا علشان ملقتش الاصلي خالص وسبتها بليل لحد الصبح بفتح الغطا الحمد لله لقيت الردياتير مش ناقص خالص ومزودتش مياه بس هنزل اجيب الغطا اللي قال عليه ادماير من رمسيس علشان بتاع الفابريكا مش هيعيش كتير معايا :Wkis s5:

[محمدصلاح القاضى]

انا زعلااااااااااااان اوووووووووووووووووووى
عربيتى قصرت رقبتى اوووووووووى النهارده وكسفتنى كسفت السنين
طلعت بالعربيه النهارده مشيك على كل حاجه مياه وزيت وكا ن فى نقص زيت
عشان الاولسيهات زودته وطلعت عشان احكم انى اعمل تمشيط للسن البوجيه ولا لا
المهم قولت اقفل الامبير
طلعت على طريق عندنا طوله 5 كيلو بس مشكلته انه فردى بس حلاوته برضه ان شبه مستقيم
ووقفت وعملت طلعه امريكانى خليت العجل اكل من تحته ونقلت التانى الحمد لله على 60
ونقلت التالت على 100 والرابع 120 بس كان ايه صوت الموتور زفت وسحب زفت
حاسس ان الموتور هيفوت منى قمت جايب الخامس فى السريع على 140 وبعد ال 140 العربيه الامبير معداش
والعربيه صوتها زباله وانا حاسس انى قارص عليها ومعذبها المهم كنت وصلت لنهاية الطريق
قمت عامل يوتيرن وان بعمل يو تيرن لقيت واحد صاحبى كنت شارى له عربيه 131 ميرفورى 1300 سى سى خواجه العداد 35 الف والعربيه مخدتش قلم بويا برا والعربيه مرفوعه من سنه 81 لحد الشهر اللى فات
المهم طبعا هو فرح اوووى انه قابلنى وقال يشد معايا
طبعا انا كنت متخيل ان الموتور 1300 ولا هجيب معايا حاجه
طلعت الطلعه اللى هى فرقت عنه بتاع 10 متر
وهات قرص فى الغيار لدرجه ان الموتور فصل منى كذا مره على الغيار (فصل : يعنى قفل RBM كله لحد الاخر )
المهم وصلت لحد 140 برضه وفجأه وبدون مقدمات لقيت دا فى قفاى المهم قولت دا اخره لقيته خاد شماله وعاوز يعدينى وفعلا عربيته جابت نص عربيتى قمت انا جايب الرابع تانى وقارص لحد ما الامبير رمى وشه على 150 وهو ورايا مفيش متر
هو كان مفكر ان عربيتى مش هيعرف يجبها وخصوصا انه ركب معايا مره وانا بقفل 170-180 على الطريق وكان مش متخيل خالص ان العربيه ماشيه 180
لكن النهارده اتأكد تماما ان عربيتى فيها حاجه مش مظبوطه خالص
والعربيه عزمها مش موجود
الهم وصلنا للنهايه قمت و اقف ونازل ابص على العربيه روحت ابص على الشكمان لقيت الشمكان مولع نار
كانه كان فى قلب النار
ولقيت التانى بيقولى عربيتك ساعات كانت بتطلع نار من الشكمان وفكر ان مركب ديفيل نار
وعموما انا اخدت العزم انى همشط سن البوجيه اى كان نتائجه
وهغير كل الحاجات البايظه فى الموتور من اولسيهات وجوانات
ولازم اخلى السفينه ترجع سفينه تانى
ودى صوره العربيه اللى كانت بتسابقنى ولولا الحظ لكانت تفوقت عليا وتجاوزتنى بمراحل وكانت هتبقى سبه فى جبين عربيتى

احذر ال 131 ويا تخليك قد الشد يا بلاش :06A7D5 ~132:
انا زعلا ن اووووى ان عربيتى قصرت رقبتى