ممكن تفهموني .. أية الي مش عاجبكم في الاعلان الدستوري ؟!!!

[m.genedy]

المشاركة الأصلية كتبت بواسطة miam0502788391 ممكن تفهموني .. أية الي مش عاجبكم في الاعلان الدستوري ؟!!! الرد ببساطة ان الإعلان الدستورى غير دستورى لأنه صادر عن جهة غير دستورية وهى المجلس العسكرى طيب المجلس العسكرى بيشتغل ايه؟ المجلس العسكرى بيحكم البلد بصفة مؤقته ومؤسسة من مؤسسات الدولة وليس له اى حق فى اصدار دستور او تعديل اية مواد فيه دى حتى مش من صلاحيات رئيس الجمهورية ان يعدل الدستور الا بعد اسفتاء شعبى وهذا لم يحدث فى الإعلان ده وبعدين فاكرين لما حسنى مبارك اراد ان يعدل المادة 76 و 77 من الدستور عدلها عن طريق استفتاء صحيح كان استفتاء مزور وضحك على الدقون بس كان استفتاء وخلاص حتى لو بنود الاعلان عاجبه البعض وميه ميه لازم لازم استفتاء المجلس العسكرى بيلعب بالشعب

المشاركة الأصلية كتبت بواسطة AbOnOrA بصراحة وبكل وقاحة فيه حاجات عاجبنى جداً وشايفها منطقيه جداً زى ما فيه حاجات ارفضها قطعاً وبعتبرها خراب مستعجل من الحاجات اللى شايفها صح 60 مكرر - اعادة الانتخابات التشريعية بعد شهر من اعلان موافقة الشعب على الدستور الجديد (وده الصح اللى متعملش من الاول) 53 مكرر 1 - موافقة المجلس الاعلى لقرار الحرب قبل اعلانة وممكن اتنين كمان اللى هى خاصة بتنظيم استدعاء الجيش لحفظ الامن الداخلى وضد الباقى وشايف فيه كوارث زى ان تشكيل المجلس الاعلى دلوقتى ينفصل بالجيش كله عن نظام الدولة المعروف وهيبقى فعلاً دولة داخل دولة يستمر المجلس فى مباشرة السلطة التشريعية على الدولة المدنية كمان يهيمن على كتابة الدستور الجديد وديه انتكاسه كاملة وتحويل الدولة الى مسخ هجين عسكرى مدنى غير مستساغ وغير عملى لكن انا شايف ان المجلس بيأمن نفسه وشايف ان الحل فى الاسراع بالتوافق على دستور جديد والاستفتاء عليه

[samirayad]

المشاركة الأصلية كتبت بواسطة goudai الا قولى ياهندسة هو التكييف بيستهلك قد ايه من البنزين؟

قول قدرة الكمبروسر حوالى 7 حصان

يعنى حوالى 0.07 من قدرة المكنه

وبما أن المكنه المعتدله حوالى صفيحه

( كل من 200 إلى 250 كم )

يبقى كل من ( 200 إلى 250 كم ) .....

التكييف ياكل

حوالى من 2 إلى 3 لتر بنزين

--------------------------

دى حسبه بسيطه كده بشكل تقريبى

دون الإرتباط بالأرقام المكتوبه

[samirayad]

المشاركة الأصلية كتبت بواسطة goudai والله يا هندسة ما ذكرته هون على كثيرا لانى عندى امر يؤرق ليلى ويحزن نهارى لا اله الاانت سبحانك انى كنت من الظالمين

على فكره

على الرغم إنى معرفش حضرتك كويس

من جهة الإسم والسن وخلافه

بس فعلا

أنا مقتنع جدا

بأنك من المحامين المحترمين

والأذكياء فى نفس الوقت

----------------------

فتحيه عطره منى

لشخصكم الكريم

[سهر الجنزوري]

AbOnOrA , miam0502788391

تيب اسمحلي اقول لحضرتك .. اني المجلس العسكري كان في إيدة جميع السلطات سواء تشريعية تنفيذية .. لفترة قرابة السنة
ولما اعلن تسليم السلطة .. يوم 30/6 من فترة 6 شهور . كان في بعديها مجلس شعب وشوري . يقدر يعمل دستور ... لكن مع اختلاف القوي السياسية مرة واتنين وتلاتة .. وصلنا للوضع الحالي . وكنوع من الألتزام بالقانون انا لازم اصدر اعلان دستور مكمل . عشان الراجل ألي جي يحكم دة عالاقل يعرف هوة هيقول القسم قدام مين .
صح كدا ولا انا غلطانة .

اما بالنسبا لنقطة الاعتراض علي السلطة التشريعية .. فحضرتك دة مجلس شعب خايب وخيبنا معاة ( وجهة نظر ) واتحل بشكل دستوري . لذالك رجعت السلطة للعسكر تاني .. ولا يمكن اننا نحسبها انة طمع فيها .

كدولة عسكرية مر عليها 60 عام لا يمكن ان تصبح من اول مرحلة دولة مدنية ... الامر ليس بتظاهر ويافطة وكام واحد فالميدان كل شىء بالعقل يتحسب .
دلوقتي الي كسب هوة محمد مرسي انا بصراحة لا اثق في هذا الرجل ان يصبح لة سلطة علي الجيش المصري في الامور . دة راجل مش عارف يكلم كلمتين علي بعض اديلو سلطة بالمهلبية كدا وواضح اوي انو راجل ملوش في حاجة وماشي ورا المرشد فعلا " نكلم بصراحة بلاش دبلوماسية " فتتوقعو لما يعين قيادات فالجيش عشان تكون موالية لية هتكون مين ؟! غير شوية جلاليب ودقون !!

بعدين محدش يقول في امريكا بيكون حق الحرب وحق مش عارف اية .. في ايد الرئيس . لاني امريكا اولها واخرها هما حزبين كبار يعني نص الشعب هنا ونص لشعب هنا . لكن في مصر كل يوم بدخل حزب شكل ولون ! وكمان وضعنا مش ناقص تحمل اخطاء حكماء

جمال عبد الناصر عمل اية لما عمل فيها سبع الرجال ... قعدنا اهوة مش لاقيين اللضا . والتاني قالك كرامة كرامة واعمل حرب .. والتالت قالك عشان الحرب دية هتعيشو ربطيين الحزام50 سنة .. فخلاص بقا كفايانا قرارات عنترية ملهاش داعي . لازم اتنين وتلاتة يشتركو في القرار ويعرفو الكلام دة هيعمل فالبلد اية

..جهاز كان شغال وبيدير كل اجهزة الدولة من الاصغر للاكبر وبكدا ملوش دستورية ؟ بعدين استفتاء نعم ولا اول واحد دة... ماكان توضيح لطريقين مهو اعطي مجلس الشعب حقة الكامل في تأسيس لجنة للدستور واتفقنا علي ألا نتفق
لازم ندي المجلس ألي لية وألي علية

[miam0502788391]

المشاركة الأصلية كتبت بواسطة سهر الجنزوري AbOnOrA , miam0502788391 تيب اسمحلي اقول لحضرتك .. اني المجلس العسكري كان في إيدة جميع السلطات سواء تشريعية تنفيذية .. لفترة قرابة السنة ولما اعلن تسليم السلطة .. يوم 30/6 من فترة 6 شهور . كان في بعديها مجلس شعب وشوري . يقدر يعمل دستور ... لكن مع اختلاف القوي السياسية مرة واتنين وتلاتة .. وصلنا للوضع الحالي . وكنوع من الألتزام بالقانون انا لازم اصدر اعلان دستور مكمل . عشان الراجل ألي جي يحكم دة عالاقل يعرف هوة هيقول القسم قدام مين . صح كدا ولا انا غلطانة . اما بالنسبا لنقطة الاعتراض علي السلطة التشريعية .. فحضرتك دة مجلس شعب خايب وخيبنا معاة ( وجهة نظر ) واتحل بشكل دستوري . لذالك رجعت السلطة للعسكر تاني .. ولا يمكن اننا نحسبها انة طمع فيها . كدولة عسكرية مر عليها 60 عام لا يمكن ان تصبح من اول مرحلة دولة مدنية ... الامر ليس بتظاهر ويافطة وكام واحد فالميدان كل شىء بالعقل يتحسب . دلوقتي الي كسب هوة محمد مرسي انا بصراحة لا اثق في هذا الرجل ان يصبح لة سلطة علي الجيش المصري في الامور . دة راجل مش عارف يكلم كلمتين علي بعض اديلو سلطة بالمهلبية كدا وواضح اوي انو راجل ملوش في حاجة وماشي ورا المرشد فعلا " نكلم بصراحة بلاش دبلوماسية " فتتوقعو لما يعين قيادات فالجيش عشان تكون موالية لية هتكون مين ؟! غير شوية جلاليب ودقون !! بعدين محدش يقول في امريكا بيكون حق الحرب وحق مش عارف اية .. في ايد الرئيس . لاني امريكا اولها واخرها هما حزبين كبار يعني نص الشعب هنا ونص لشعب هنا . لكن في مصر كل يوم بدخل حزب شكل ولون ! وكمان وضعنا مش ناقص تحمل اخطاء حكماء جمال عبد الناصر عمل اية لما عمل فيها سبع الرجال ... قعدنا اهوة مش لاقيين اللضا . والتاني قالك كرامة كرامة واعمل حرب .. والتالت قالك عشان الحرب دية هتعيشو ربطيين الحزام50 سنة .. فخلاص بقا كفايانا قرارات عنترية ملهاش داعي . لازم اتنين وتلاتة يشتركو في القرار ويعرفو الكلام دة هيعمل فالبلد اية ..جهاز كان شغال وبيدير كل اجهزة الدولة من الاصغر للاكبر وبكدا ملوش دستورية ؟ بعدين استفتاء نعم ولا اول واحد دة... ماكان توضيح لطريقين مهو اعطي مجلس الشعب حقة الكامل في تأسيس لجنة للدستور واتفقنا علي ألا نتفق لازم ندي المجلس ألي لية وألي علية

المجلس العسكرى لما كان لوحده فى السلطة بدون رئيس منتخب او مجلس شعب وشورى كان من حقه اصدار التشريعات على اساس انه واخد صلاحياته من الشعب وليس من التفويض اللى حصل عليه من الخلوع قبل ما يتنحى عن الرئاسة
كما انه ليس من حق المجلس العسكرى (طبقا للفقه الدستورى) انه يعمل دستور او يشكل لجنة لصياغة الدستور او يعدل ايه مواد فى الدستور الحالى.
ثم المجلس العسكرى لما ابطل دستور 71 واراد ان يعمل دستور جديد عمل اسفتاء على التسعة مواد فى 19/3/2011 وطلع بإعلان دستورى من 63 مادة الشعب استفتى على 9 منها فقط وباقى المواد ( 52 مادة ) لم يستفتى عليها الشعب يعنى كان بيلعب بالشعب
وبعدين فى الدستور فى حالة عدم وجود مجلس شعب او شورى صلاحيات المجلسين بتؤول الى رئيس الجمهورية المنتخب وله اصدار القوانين والتشريعات حتى انتخاب مجلس شعب وشورى جديدين , ساعتها مجلس الشعب الجديد من حقه يقر القوانين التى اصدرت من رئيس الجمهورية او يبطلها , لكن ليس من حقه وهو رئيس منتخب شرعى ان يعدل الدستور من نفسه الا بعد استفتاء
الاستفتاء هو الحل , مش هى دى الديموقراطية اللى معناها حكم الاغلبية مش حكم الفرد المتمثل فى الجلس العسكرى
ولا المجلس العسكرى خايف ان نتيجة الاستفتاء تكون برفض التعديلات ( وده فى الغالب اللى هيحصل) فقال للشعب اخبطوا دماغكم فى الحيطة انا اعمل اللى انا عايزه

ثم نقطة تانية اللى يحكم مرسى او غيره لا يعنيه رأى حضرتك انك مقتنعه بيه او لأ لأنه سيكون الرئيس المنتخب الشرعى وده اللى على حضرتك انك تحترميه

نقطة تالته امريكا اللى حضرتك ضربتى بيها المثل , الرئيس الأمريكى ميعرفش يكلم كلمة او يخطى خطوة الا بعد ما يقعد مع مستشارين الرئيس ونائبه والفريق الرئاسى ويتم تحليل الموقف بكل دقه وايه المفروض يتعمل ويقعدوا يعصروا دماغ الرئيس لحد ما يصلوا للقرار , يعنى رأيه مش من دماغه لوحده وده رئيس اكبر دولة فى العالم ,
عصر الرئيس الأوحد والفرعون انتهى