لازم تلحقونى الليلة دى

[samirayad]

أم ان الدواسات قد تكون فى مستوى واحد ولكن من الخلف المشكلة موجودة؟

بغض النظر عن تواجد مشكله من الخلف ( وده وارد ...فى سوستة رد الدواسه بعد ترك الدواسه )

سوسته سايبه مثلا أو أو أو

---------------

لكن لازم يكون وضع الدواسه نازل عن وضعه الطبيعى

ليه الكلام ده ........؟

علشان الدواسه تتكى من الخلف على مكنة الأستوب

تقوم تنور الأنوار فى الخلف لإكتمال الدايره الكهربيه


( وتبقى الأنوار شغاله بمزاجها لأن الدواسه متكيه عليها من الخلف )

----------------

عموما شوف الأول وقولنا

قبل ما نتكلم عن إحتمالات الماستر الرئيسى

( لاقدر الله )

[eng/walaaeldeen]

السلام عليكم
حاول ترفع دواسة الفرامل الي الأعلى بيدك وأخبرنا باليحصل وحاول تمشي متر للأمام او الخلف (ولا تخاف مش هيحصل حاجه) يمكن تكون حاجه قافشه وتفك ومعلش سؤال لون زيت الباكم عندك اسود ولا عادي
والله المستعان

[samirayad]

المشاركة الأصلية كتبت بواسطة tham1010 أنا متشكر لكل من قام بالرد وخاصة الباش مهندس سمير الذى تعب نفسة بمحاولة تفسير الموقف. أعتقد أن هذا هو التفسير الصحيح لما حصل لان العربية واقفة لمدة خمس ايام يعنى محدش داس على الدواسة أصلا. فأكيد كان فى حاجة بتحصل . أنا فعلا حاسيت ان الدواسة بتاع الفرامل تقيلة يعنى قبل الموقف دة كان السوستة بتاعة الفرامل لينة .أم الأن لما بدوس عليها والعربية مش دايرة ماتورها بحس إنها ثقيلة والمشوار بتاع الحركة للأسفل قصير على غير العادة. أما لما دورت الماتور امس حسيت أن الفرامل أصبح فيها قد من الليونة شوية ولكن برضوا المشوار لأسفل قصير عن المعتاد. أنا عندى سؤال يمكن يوضح الأمر. هو من المفروض ان الثلاث دواسات بتاع البنزين والدبرياج والفرامل يكونوا فى مستوى واحد. فلو مثلا وجدت أن دواسة الفرامل نزلة لتحت شوية يبقى العطل فى الحكاية دى. أنا هنزل أشوف وألحظ إذا كانت الدواسات الثلاثة فى مستوى واحد أم لا. ولكن هل نظريا هذا الأمر صحيح أم ان الدواسات قد تكون فى مستوى واحد ولكن من الخلف المشكلة موجودة؟

فيه نقطه مهمه كمان ( لو لقيت وضع الدواسه عادى ومفيهوش مشاكل كمنظر عام )

- ممكن يكون زرار مكنة الأستوب فى آخر زغده عليه بظهر الدواسه وأنت غاسل ومروح

إنضغط لجوه ومرجعش مكانه تانى

وبالشكل ده كأنك دايس فرامل

( ده بالنسبه للدايره كأنوار فرامل فقط )

.........................

لكن دى مستبعده شويه لأنك بتقول العربيه كانت مكلبشه معاك ساعة مادورت

ورجعت مارشدير

------------------

فأنت بأه إللى تقدر تحدد

كانت مكلبشه معاك فعلا ( كأنها متفرمله على خفيف )

ولا ده كان مجرد إحساس

من الخضه مثلا

--------------------

لو كان موضوع الكلبشه ده مجرد إحساس

يبقى هتحاول ترش مزيل كهربائى أو مزيل صدأ wd40 على زرار مكنة الأستوب

وتدوسلك كذا دوسه وأنت واقف

لعل وعسى يحصل المطلوب

المشاركة الأصلية كتبت بواسطة tham1010 إلى كل أعزاء المنتدى وخبراءة أنا مضايق جدا وعاوز مساعدتكم ضرورى جدا .زى ما ناس كتيرة عارفة أنا عندى عربية هيونداى ماتركس. مش بمشى بيها إلا نادرا. اخر مرة مشيت بيها كان السبت الماضى. اليوم جاء واحد راكن العربية أمام بيته يخبرنى أن العربية منورة أحمر من الخلف. نزلت جرى ورحت لحد العربية وجدت أن المبة الخلفية بتاع الفرامل الحمراء مولعة وكمان نور السبويلر العلوى إالذى يضئ مع الدوسة على الفرامل. فتحت العربية وحاولت كذا مرة أضغط على الفرامل ولكن حسيت إن الفرامل جامدة وطبعا جاءت ادور السيارة سمعت صوت زى صوت فحيح الثعبان وهذا يدل على ان البطارية فرغت شحن على الاخر. المهم أتصلت بشخص ما عندة عدة وجاء لى فورا وبدأ يفك لى البطارية بتاعتى. وحط البطارية بتعته ولكن وجدت ان نور الفرامل والأسبويلر بتاع الخلفى نوروا تانى بما يدل على ان الفرامل زى ما يكون حد دايس عليها. المهم دورت العربية درات عادى ولم أجد أى الكمبيوتر بتاع السيارة يعطى أى إشارة خطأ طوال الدقيقتي اللى شغلت العربية فيهم. حاولت أخد بالفتيس مرشدير للخلف ولكن حسيت ن العربية مكلبشة فى الأرض فعرفت ان الفرامل مانعة العربية من التحرك. خفت الحقيقة على التيل بتاع الفرامل والأجزاء الثانية فلم أحاول من جديد يعنى مرة واحدة وفى هذه المرة لم أترك الدبرياج للاخر يعنى كانت سايب نصة ودايس على نصة. فصلت البطارية وطبعا سكيت الأبواب يدوى لان السنتر مش أشتغل لعدم وجود بطارةي. وغطيت العربية ورجعت بيتى وأنا فى شدة الحيرة. أولا لان النور بتاع الفرامل ولع من ثلاث او أربع ساعات ولم يكن مضاء طوال الوقت. والدليل على هذا أنى عندما ركبت العربية وأدرت الكونتاكت نص دورة وجدت أن لمبات الزيت والبطارية والشيك وحتى الساعة كانت مظبوطة وكمبيوتر الرحلات يعمل ولكن طاقة البطارية لم تكن كافية لتدوير الماتور. ملحوظة هامة// يوم السبت قبل ما أركن العربية أخر مرة كنت رحت عند بتاع الزيت وغير زيت الماتور وكمان فلتر الزيت. والراجل نظف لى حوض الماتور بالهواء المضغوط. الناس التى تغير الزيت بيكون عندها مكنة زى الأسطوانة كدة بتخرج طيار هواء شديد وكما زى ما يكون زيت مع الهواء. مش عارف اوى لانها أول مرة اعمل كدة. لكن انا لاحظت ان الماتور وما حولة كان لامع يعنى مش هواء بس الأن عندى شوية أسئلة 1- ما هو السبب الذى يجعل الفرامل تعمل بدون ما حد يدوس على الفرامل. انا مش حركت العربية لمدة خمسة أيام فما الذى جعل هذا الموقف يحدث؟ 2- أنا من ساعة ما حبت العربية من سنة ونصف وأنا كنت بسمع صوت زى حد بيسن سكين على حجر لما كنت بدوس الفرامل بشدة أو بشكل مفاجأ. فكان الصوت بيظهر لمدة ثوانى بعد ما أرفع رجلى من الفرامل ولكن كان بيروح لوحدة بعد ثوانى. وفى احيان كثيرة مش كان بيظهر الصوت لما كنت بدوس الفرامل. بمعنى ان الصوت كان ساعات يظهر وساعات لا. ولما سألت هنا فى المنتدى الناس قالت لى انه ممكن التيل عاوز يتنظف. الحقيقة مش عملت حاجة ولا رحت للميكانيكى لانى كانت الفرامل عندى ممتازة وشديدة. فهل لهذا علاقة بما حدث؟ 3- البطارية دلوقتى هنا هأخذ للشحن ولكن العدسة اللى فى البطارية الجافة بتاعتى كانت سوداء فهل هذا يعنى أنه يمكن شحنها من جديد أن افقد الأمل فيها؟ 4- السيارة فيها نظام ABS وكذلك نظام TCS للحفاظ على الإتزان فهل من الممكن أن يكون العطل فى أى من هذه الأنظمة الذى أدى لشد الفرامل بدون أن يظغط عليها أحد... 5- هل تغير الزيت أو تنظيف حوض الماتور بالهواء المضغوط ممكن يكون سبب هذا العطل... 5 - هل ممكن أن يكون حد مثلا زقها أو عمل فيها حاجة وهى واقفة علشان أرجو كل من يرى هذه المشكلة ان يدخل ويساهم فى حلها. غذا الجمعة وطبعا الصنيعية قفلين فهقعد قلقان لحد السبت وانا فى حيرة. هذه أول سيارة لى وأنا أحبها بشدة ولهذا أنا متأثر جدا لما اصابها وهى واقفة فى مكانها.

الأن عندى شوية أسئلة

1- ما هو السبب الذى يجعل الفرامل تعمل بدون ما حد يدوس على الفرامل. انا مش حركت العربية لمدة خمسة أيام فما الذى جعل هذا الموقف يحدث؟
تكون محجرة يعنى واخدة هواء بسبب تهوية فى المستر العمومى اللى فوقه قربة زيت الفرامل !!
الحل بناخد وش هواء للفرامل لو رجع العيب تانى بنغير حشو ماستر الفرامل وفيه ناس بتسميه طقم اصلاح !!
لو بعد سنة رجع العيب تانى بنغير ماستر الفرامل العمومى بحاله !!

2- أنا من ساعة ما حبت العربية من سنة ونصف وأنا كنت بسمع صوت زى حد بيسن سكين على حجر لما كنت بدوس الفرامل بشدة أو بشكل مفاجأ.

ده تيل فرامل فاضى وعايز يتغير او يكون التيل نفسه
ناشف !!لو ناشف ميضرش لاكن فاضى يضر وياكل الطنابير !!
امامى

كانت بداية ان ماستر الفرامل العمومى بداء ياخد هواء

فا ماكنش الماستر بتاعت الفرامل بتسيب تيل الفرامل لحظيا اول ما ترفع رجلك من على الدواسة !!
3- البطارية دلوقتى هنا هأخذ للشحن ولكن العدسة اللى فى البطارية الجافة بتاعتى كانت سوداء فهل هذا يعنى أنه يمكن شحنها من جديد أن افقد الأمل فيها؟
يعاد الشحن طبعا وتطلع بالعربية مشوار طوالى بالنهار بدون تشغيل تكييف او اضاءة !بعد صلاة
الفجر لو تقدر!
4- السيارة فيها نظام ABS وكذلك نظام TCS للحفاظ على الإتزان فهل من الممكن أن يكون العطل فى أى من هذه الأنظمة الذى أدى لشد الفرامل بدون أن يظغط عليها أحد...
لا لا تقلق ولاكن يفضل استبدال زيت الفرامل بالكامل
لاءن سيارتك بها بارومة وزلك معناه انها كانت فى مدينة ساحلية لفترة طويلة وزيت الباكم للفرامل مليان رطوبة
مما جعله بدون كفاءة او فاعلية !!
استعمل ده !



او ده



او ده
LOCKHEED



يتم تغيير زيت الفرامل بالكامل للحفاظ على ال ABS

screamseko,محمد فيصل


:w6w 200504111340266d