#1
|
|||
|
|||
تجربي في صيانه 1000
نظرا لان المعرض لم يسلمني الي الان شهاده الضمان تاخرت علي صيانه الالف ولكن لما اتصلت علي مركز خدمه ما بعد البع اخبروني انه يمكن ان اذهب لعمل الصيانه وهدفع مبلغ 49 جنيه رسوم الخدمه لعدم وجود الضمان وبالفعل اعطوني رقم موبايل اتصل عليه لحجز موعد الصيانه الذي كان في الحاديه عشر يوم السبت ذهبت قبل الموعد بربع ساعه زي ما قالو في الاستقبال اعطاني ورقه الحجز مكتوب فيها اسمي ورقم العربيه والموعد واخبرني ان هكون مع مهندس علاء محمد
فعلا في الموعد حضر مهندس علاء وخرجنا ليستلم مني العربيه وضع فرش بلاستك علي مقعد السائق وعلي الدركسيون ودواسه ورق في دواسه السائق لكي لا يحدث اي اتساخ اثناء الصيانه وشرح لي بالتفصيل ما سيتم وهو تغير زيت وفلاتر وتربيط عفشه وكتب في ورقه الاستلام اي خدوش موجوده في جسم العربيه والنقره علي الزجاج وكتب ملاحظاتي منها ان مشبك الشماسه مخلوع والعربيه بتحدف بسيط يمين واني بسمع صوت لما ارفع رجلي من علي الفرامل وادوس بنزين بعد التهديه في مطب كان الفرامل بتعمل صوت وهي بتفك من علي العجل ودرج الطبلوه شاكله مش متقفل كويس وزعلت جدا انه اخبرني انه ممنوع اركب جهاز انزار للعربيه سواء في التوكيل او بره التوكيل كذلك البارك سنسور واخبرني ان لو عملت اي شيء في الضفيره تخرج من الضمان واخذ مفتاح العربيه وذهبت انا الي الدور الثاني للكافتيريا مهندس علاء اخبرني اني هستلم العربيه الساعه 4:15 الكافتريا جميله فيها سندوتشات ومشروبات سخن وبارد وتلفيزيون وكمان انترنت واي فاي معظم الموجودين منتظرين السياره معاهم لاب توب وداخلين علي النت !!! ازاي انا نسيت اجيب اللاب معايا علي العموم الحمد لله ان الموبايل فيه نت عدي الوقت بسرعه بين النت والمشروبات والسندوتشات والتعرف علي الموجودين اخبرني مهندس محمود انه لن يستطيع عمل ظبط زوايا اليوم لانه لايوجد الا فني واحد وطلبن مني ان احضر في اي يوم الساعه الثامنه صباحا ليعمل لي ظبط الزوايا مجانا وتم اصلاح مشبك الشماسه ومراجعه تيل الفرامل وتغير الزيوت وتربيط العفشه اما درج الطبلوه فغير موجود بالمخزن وتم طلبو من الاداره وسيتصلو عليا وقت ما يصل ليتم تغيره دفعت 429 جنيه وباذن الله هرفع ليكم صوره من كل المستندات المكان جميل والخدمه كويسه وحاسيت انهم مهتمين لما دخلت اتوضي وجدت الحمام الموجود بجوار الكافتريا يحتاج الي صيانه حوضين مش شغالين غير السيفون بالحمام نزلت الي خدمه العملاء اشتكيت جالي موظف وكتب شكوتي واكد عليا انه سيتم اتخاذ موقف وسيتم الاتصال عليا للتاكيد علي تنفيذ طلاباتي ؟؟؟انا فقط عاوز اتوضي في مكان نظيف والخلاط يكون سليم !!! المهم استلمت عربيتي فعلا الساعه 4 واخبرني مهندس محمود انهم جربو العربيه علي سرعه 50 ولم يظهر اي صوت في التيل بعد ما خرجت من الصيانه مشيت بسرعه 50 فعلا مفيش صوت لما اوصل لسرعه 80 وافرمل لمطب ثم ادوس بنزين خفيف اسمع صوت فووووووووووو اعتقد الصوت من تيل الفرامل علي العموم انا هرجع ليهم عشان اظبط زوايا وبالمره اشوف الصوت ده ايه تحياتي للجميع وادعوك للمشاركه في جروب اسبرانزا تيجو لكل من يهتم بالسياره تيجو https://www.facebook.com/groups/321339801235065/ أعجبني |
#2
|
||||
|
||||
رد: تجربي في صيانه 1000
شكراً لنقل التجربة
__________________
مهندس / محمد حمدى
https://www.facebook.com/timoncito انا عضو فى جروب اسبرانزا للجميع https://www.facebook.com/groups/Speranza4all/ |
#3
|
|||
|
|||
رد: تجربي في صيانه 1000
ممكن نعرف اسم مركز الصيانة ؟؟؟؟؟ عشان لو كده الواحد يتعامل معاه
|
#4
|
|||
|
|||
رد: تجربي في صيانه 1000
مركز الخدمه في ابو رواش وعلي فكره فيه اتوبيس بتحرك من مركز الخدمه الي ميدان لبنان وايضا من مدان لبنان الي مركز الخدمه
|
|
|