ارشيف احداث عام 2012

[AbOnOrA]

http://www.youtube.com/watch?v=ofr1NUGdaFc

[mando_car]

السلام عليكم .
طبعا انا لسا جي من علي القهوة وكنت قاعد مستني واحد صاحبي كان في بورسعيد والحمد لله جة بالسلامة وبيقلي انا بحاول اركب من اساعة 10 بليلل ومعرفتش اركب غير 2 شوية وجة اساعة 3 الفجر وسبتو روح يرتاح لانو فعلا متبهدل اخر بهدلة .
.
وقبل ما ادخل فالقصة احب اقدم عزائي لاسرة الشهيد ان شاء الله مصطفي متوفي من منطقة امبابة وكان مع الاخ صديقنا . وسنة 19 سنة .
.
الراجل بيقول انة من اول ما راحو وهما بيتعاملو معاملة قذرة وبنت ستين كلب ومن اول ما دخل الاتوبيس بيهم بورسعيدة والشباب واقفين علي الصفين عمالين يعملو اشارات باديهم وشتايم قذرة ورمو طوبة علي الاتوبيس وكانهم اعداء او سجناء مترحلين ولما دخلو الاستاد حتي مكان الدخول الامن ألي واقف بيعاملهم معاملة قذرة . المهم مكنش في دماغهم ودخلو وقاعدو
اول حاجة فترة التدريب ألي هي قبل الماتش علي طول دية عمالين يدربو في اللعيبة بشماريخ وواحد رمي ماطوة وواحد تاني رمي طوب .
وفي يافطة اترفعت من نحيت جماهير الاهلي مكتوب عليها بلد البالة مجبتش رجالة ودية اترفعت بعد ما رمو المطوة والطوب ومن ساعتها عمالين بيشتمو في الجمهور وكل الكلام هنموتكم هنسوي هنترك وكلام قذر .
وطول الشوط الاول نفس الحوار واول ما جاب الاهلي جون خربة وبيقلك فالشوط التاني حسينا اني الاهلي باع الماتش عشان نخرج سلام من بورسعيد ومع نهاية الماتش نزلو جماهير المصري الاستاد وكان الامن واقف زي الخروف منفض وفي ظباط عمالين يضحكو وكانهم فرحانين. وحنا وقفنا محلك سر ومتحركناش وفي ناس مننا حاولت تخرج لقو برا الدنيا ملغمة ناس واقفة بسكاكين ومطاوي وشوم واي حد بيفكر يخرج هيموت والاستاد كان خربان وكلو ناز بعصيان ومطاوي وحزمة وشماريخ بتولع في وسطنا وحاجة كدا كانت بيولعوها وتترمي علينا تنزي تفرقع يطلع منها حتت نار تمسك فالهدوم .
الموضوع بقا فوضي وكلو بيحاول يروح حتي وكلو همو يخرج مش من الاستاد يخرج ازاي من بورسعيد اصلا . وفات حوالي 10 دقائق علي كدا وفجئة بدئو يطلعو علينا وكان من قمة غبائهم بيضربو ضرب موت ولو مسكو واحد يضربو فية لحد ما يتعدم العافية ويمسكوة ويرموة من فوق والسور بتاع الاستاد دة طويل اوي يعني ألي بيترمي بينزل ميت . ودة كان مصير الشهيد مصطفي .
المهم هوة نزل وجري نحية غرف الملابس وكان في ظابط او امين شرطة وواحد تاني لابس ملاكي واقفين بيحابو علية وبيطلعوهم في عربيات وكل ألي لابس احمر بيقلعوة وبيلبسو تشيرت تاني اي لون لاني اي حد لابس احمر بيتقتل . في نص ساعة فعلا كان الدم للركب تلت تربع الناس مضروبة ومطحونة وهوة منهم " جي وراسو واخدة 6 غرز " وبعد ما هديو شوية قدرنا نفلفص وننزل تحت وعرفنا نجري المهم لما طلعنا كان نفس الشىء وكنا في حالنا وفي ناس مننا عملت نفسها معاهم . لكن هما ولاد كلب اول كلمتين يعرفو اني اللغة مش بورسعيدي يضربوك . وقعدنا تحت برا الاستاد حوالي 3 ساعات او اكتر مستنين هيطلعونا ازاي وخدونا مرة واحدة كلنا الجيش والشرطة وكنا مشيين وفي ازاز وطوب بيضرب علينا لحد ما دخلونا الباص والله ركبنا فية زي الفراخ حشو كل اتوبيس فوق ال 50 واحد كنا بنقعد فوق بعض وودونا وطلعوناا من مكان الاستاد بحوالي 10 دقائق ماشي ومعرفش انا رحت فين ونزلو المتصاب وحاولو يعالجونا وبصراحة الاسعاف عملت الواجب وبدئت في علاجنا وفي ناس مضروبة في وشها وفي رجليها وفي ايديها وفي ألي خلصان خالص كانو بياخدوة ويروحو بية تقريبا مستشفي . وجة مكروباص قال النفر ب 50 جنية القاهرة وركب معاة ناس كتير وربنا يستر ويكونو روحو فعلا . انا قاعدت لحد ما خدونا وودونا محطة قطر وركبونا وجيت
كنت عاوز اروح لمصطفي بس معرفتش وكل ما افكر في منظر مصطفي وهما بيرموة من فوق كنت هتجنن .
دة عن لسانة انا نقلتو وتقريبا نفس ألي قالو بنسبة 90% مختصر شوية عشان مطولش عليكم . الله يرحم مصطفي وانا مش عارف اقول اية العيب عند مين والغلط فين ومين هيتحاسب ...

[eslammarouf]

البقاء لله
وعزاء واجب لاسر المتوفين بالكامل
والله ينعل ابو الكورة اللى تعمل فى الناس كدة

[ناصر حسن ابراهيم صالح]

القلب يدمي على شبابنا الذين استشهدوا بداية من التحرير 25 يناير ونهاية باحداث بورسعيد
البقاء لله فى المتوفين وندعوا لزويهم بالصبر والسلوان. و رحمهم الله وادخلهم في رحمة وجعل قبورهم روضة من رياض الجنة انشاء الله

[ناصر حسن ابراهيم صالح]

انا ح بطل اشجع كورة وح بطل اقرء سياسة وخلاص قربت اطفش من مصر اللي بيحصل ده حرام ولا يرضي اي مخلوق على وجه الارض ( لا حول ولا قوة الا بالله ) شوية فلول تعمل كدة لا لا لا الموضوع اكبر من فلول والعجيبة محدش عارف مين وراه هذه الاحداث .