سؤال للشيخ طارق حبيب الكل

تحياتي القلبيه لك يا استاذنا ومنورنا عايز اعرف ايه حل الموتور الخفيف للفيات 128 هل عمره كامله ولا في شويه مسكنات تمشي الحال لحد متفرج وماهو اخر الموتور يبقي كده عايز عمره لا محاله ارجو التوضيح

[طارق ابوذيد]

اشكرك اخى العزيز على هذه الثقه واتمنى من الله ان اكون عند حسن ظنك .
اما بخصوص سؤال حضرتك فالسياره اذا كانت بها صوت نقر من اسفل الموتور ويذيد مع الضغط على البنزين ففى هذه الحاله يحتاج الموتور الى عمره اما اذا كان مجرد خروج دخان ابيض من الخلف ومن فايز الموتور فممكن ان تكتفى بتركيب طقم شمبر .
وانصحك فى حاله ان الموتور يحتاج الى عمره ان تشترى النصف الاسفل من الموتور استيراد وسعره 500 جنيه ثم تركب له طقم شمبر حتى تضمن عدم خروج اى دخان والتكلفه الكليه لا تتعدى 900 جنيه بالمصنعيه والزيت والفلتر والجوانات .
اتمنى ان يوفقك الله لما تحبه وترضاه

ياسلام عليك ياشخ طارق والله قليل منك بجد معجب بك جدا جدا ومش مجامله ابدا ده حقك لوغيرت زي مقولت حضرتك النص الا تحت وطقم الشنبر كده تعتبر عمره كامله ومش محتاج حاجه تاني ولا مخرطه ولاحاجه وكده تبقي العمره كامله 900 جنيه ولا في حاجات ناقصه كده بارك الله فيك

[طارق ابوذيد]

اشكرك اخى العزيز على كلامك الطيب .
فأنا لم افعل شيئا سوى انى اعطيتك حقك عليه فهذا واجب على كل عضو ان نساعد بعضا البعض دون النظر الى اى غرض الا ابتغاء مرضاه الله

[mr_astra]

من المستحيل تحديد ما اذا كان الموتور يحتاج عمرة او نصف عمرة او طقم شنبر قبل فك الموتور والكشف علية جيدا وبناء علية بتحدد الموتور محتاج اية
ولكن فى دلائل ومؤشرات بيتحكم عليها مبدئيا
لو ان مثلا الموتور بيرزع يبقى كدة بنتكلم فى سبيكة او خرط كرنك وسبيكة
خروج دخان ابيض من الفايظ بيدل على عدم احكام الشنابر
خروج دخان اببيض من الشكمان بيدل على تلف الصبابات
من وجهه نظرى ممكن نعمل الاتى
والمكنة راكبة ممكن نسمع صوت الترزيع كما تفضل الاخ طارق وممكن كمان نعرف البستم اللى بيرزع وذلك عن طريق نزع سلك البوجية بالتتابع 1-2-3-4 مع تزويد الموتور وسماع صوت الموتور ولو الترزيع راح مع بستم رقم واحد مثلا يبى هو دة البستم اللى سبيكتة بترزع
كدة عرفنا عاوز سبيكة وخرط كرنك او لا
نفك وش السلندر ونشوف الشمايز لو معتبة يبقى اكيد محتاجة خرط
نكشف على البساتم لو فيها خرابيش او تسليخ يبقى عاوزة طقم بستم
واليك بعض اسعار قطع غيار العمرة
اولا :وش السلندر
لازم هايتعملة قواعد ورودية للصبابات (فى حالة ان الصبابات سليمة )
تركيب جلد صباب ايطالى او فرنساوى (لان اللى بيجى فى الطقم ردىء جدا)
نقول مثلا تكلفة الوش 80 جنية
ثانيا :البلوك
عمل اربع شمايز بـ 200 جنية
طقم شنبر بـ 120 جنية
ثالثا:الكرنك
طقم سبيكة بـ 80 جنية
عمل خرط للكرنك بـ 150 جنية
طقم جوانات بـ 60 جنية
مصنعية ميكانيكى (للعمرة الكاملة ) 300 جنية
عدد 2 جركن زيت بـ 140جنية
عدد 2 فلتر زيت بـ 40 جنية
عدد 1 طقم بوجيهات (لان اللى راكب عندك اكيد عليهم زيت) بـ 40 جنية
عدد 40 لتر بنزين 80 بـ 36 جنية
تقبل مرورى