ارجو المساعده من اعضاء هذا المنتدى الرائع

[SAYED BASYONY]

صراحه شجعني على ان اطرح هذا الموضوع هو روعة هذا المنتدى واستفادتي منه كثيرا بالرغم اني عضو جديد .واليكم الوضوع الذي اريد مساعدتكم فيه.
انا اشتريت محل جاهز لبيع قطع الغيار وبعض الكماليات على قدي كده وعاوز المساعده منكم لاستطيع ان اطوره لانه سيكون مصدر دخلي الوحيد . لذلك ارجو الاستفاه من اهل الخبره
انا عاوز اتخصص اكتر في قطع الغيار الكوري والفيات وكمالياتهم. طبعا الجديد مش الاستيراد، فما هو رايكم ومن اين اشتري بضاعة الجمله في قطع الغيار والكماليات ، انا الان أشتري من موزعين بالاسكندريه ولكن الاسعار غاليه شويه
معلش هطول عليكم شويه ياريت رايكم في المشروع نفسه واسماء تجار جمله كويسين اشتري منهم قطع غيار الكوري والفيات سواء في القاهره او الاسكندريه او المنصوره
ان شاء الله تفيدوني في هذا الموضوع

[mar mar]

اولا اهلا بيك في المنتدي
ثانيا ان شاء الله الاعضاء اللي ليهم خبره او هندهم معلومات هيفيدوك فيها
ثالثا بقي ربنا يوفقك ان شاء الله وتعمل كل اللي بتحلم بيه
بس اوعي تنسي تعمل خصومات لاعضاء المنتدي
اهلا بيك مره تاانيه

[SAYED BASYONY]

شكرا على الاهتمام من مشرفة العام mar mar واشكرك على امنياتك لي بالنجاح وانا متاكد ان شاء الله اني سأستفيد كتيرمن اعضاء المنتدي وانا والله ناوي بالفعل أن يكون هناك معامله خاصه لاعضاء المنتدى لو اي حد شرفني وزارني في المحل في مدينة برج العرب الاسكندريه. ولو اني لسه في السعوديه وساستقر في المحل بعد خمس شهور ان شاء الله ولكن اخويا موجود هيقوم بالواجب
مره ثانيه شكرا جزيلا مرمر