كيفيه اختيار البوجيهات المناسبه للانسر بومه 1300 اوتو 2008

[yoga]

لان انا عربيتى لانسر بومه 1300 اوتو 2008 ومبتدورش بسهوله الصبح غير بعد 3 مرات فاقترح الفنى وضع بوجيهان ان جى كيه 3 شمعه بدلا من واحد شمعه اللى هو راكب وبرغم انه جديد وبصراحه خايف هل كده صح ولا غلط

هل ينفع ام لا وهل ال 3 شمعه يزيد من الاستهلاك للبنزين ؟

دخلت ع موقع ان جى كيه ولقيت اللانسر الموجوده اما من 2005 وحتى 2008 وكلهم اما 1600 او 2000 سىسى
او اكتر من 2001 وفيهم 1300 ووووووو غيره

طب انا 1300 2008 ازاى اوائمها

[samirayad]

وبصراحه خايف هل كده صح ولا غلط

غلط طبعا تغيير البوجيهات من واحد إلى 3 شمعه

وللتشييك على مشكله الدواره

خللى كهربائى يشوفلك كفاءة البطاريه

ومفيش مايمنع من تغيير البوجيهات الحاليه بنفس النوع الحالى بمكنة السياره

كما أننى أوصى بتغيير فلتر البنزين والهواء ( إن لم تكن غيرتهم حديثا )

[yoga]

بصراحه كنت جايبها مستعمله وكان فيها 2 شمعه ان جى كيه ومعرفش هما بتوعها ولا صاحبها اللى كانت معاه مغيرهم قبل كده بس انا لما غيرت غيرت لشمعه واحده وبصراحه لما كانت ع 2 شمعه كانت مبتغيبش ف الدواره ولكن صاحبنا الاخير اشار ب 3 شمعه وقال نجرب

النوع الموصى به ف الكاتلوج كان BKR6E-11
وده مش عارف هيبقى ايه 3 شمعه ولا اتنين ولا واحد

[hazem_khidr]

هات المكتوب في الكتالوج و سيبك من كلام الميكانيكي
و يستحسن تجيبهم من التوكيل افضل و اضمن
عيار البوجيه لو مش مظبوط بيأثر علي السحب و علي كهربا العربيه كلها

[M.TONSY]

2 شمعة كفاية وجيبهم دنسو يابانى بالريززتور من نعيم صليب اللى فى التوفيقية عاملين 80جنيه وسحبهم ممتاز والبوجيهات الاصلية بتبقى شمعة واحدة بالريززتور والريززتور ده مقاومة كهربائية بالبوجيه
انما 3 و4 شمعة ده بتاع العربيات الكبيرة زى المرسيدس والبى ام