ارشيف الاستراحة 2011

[azzat 55]

المشاركة الأصلية كتبت بواسطة غريبو99 بسم الله الرحمن الرحيم الأخوة الكرام أعضاء المنتدى المحترمين السلام عليكم وبعد التحية أخوانى الكرام وبقول اخوانى لأنى فعلا معنديش اخوات وبعتبركم اخواتى بجد فى المنتدى موضوع الشارب دة مكنش المقصود منة انى اهين او اجرح او اشتم او اشكك فى اى شخص من أخوانى فى المنتدى الرائع, والله العظيم كان المقصود بية ان ابرز العادات التى نراها اليوم بين شباب مصر والوطن العربى من أنواع ملابس غريبة عجيبة وقصات شعر اغرب واعجب ولغة جديدة مش مفهومة بينهم وبين بعض وتصرفات مفيهاش اى التزام وكلها استهتار. دة والله كان المقصود من موضوعى فقط وحاش لله انى اسخر من اى شخص مهما كان لونة او جنسيتة او تعليمة او مستواة المادى او الأجتماعى ومكنش المقصود من الموضوع انى اقول اللى لية شنب يعتبر دة راجل واللى مش مربى شنبة دة مش راجل والله انا والدى بدون شنب ويكرة الشنبات جدا جدا وأنا آسف لو حد زعل منى كل الأسف والله الشنب دة عاملى مشكلة فى بعض المواقف فى ناس بتخاف منى وبتحس انى غليظ فى التعامل مع انى طيب جدا فى تعاملاتى مع الناس آسف مرة أخرى وآسف على الأطالة كلكم اخوانى

أخى الكريم أحييك على أخلاقك العالية وزوقك الرفيع

[waelfarid]

نسترجل ونشرب عصير قصب هع هع هههع

[waelfarid]

شكرا علي الاعتذار اللي ملوش داعي يامان

[THE EGYPTIAN]

الأخ الكريم :

إعتذارك يدل على معدنك النبيل

و لكن جميع من قام بالتعليق تقمص دور لجنة الإفتاء أو لجنة كبار العلماء و فسر سنة الحبيب المصطفى بانهاهى حلق الشارب بدون ان يفهم المعنى من الحديث القائل :
( خالفوا المشركين واعفوا اللحي وحفوا الشوارب ) رواه البخاري ومسلم بمعناه
و كذلك عن عائشة رضي الله عنها قالت : قال رسول الله صلي الله عليه وعلى اله وسلم: (عشرة من الفطرة قص الشارب واعفاء اللحية والسواك واستنشاق الماء وقص الاظفار وغسل البراجم- يعني مفاصل الاصابع – ونتف الابط وحلق العانة وانتقاص الماء – يعني الاستنجاء قال بعض الرواة ونسيت العاشرة الا ان تكون المضمضة وقال بعض اهل العلم هي الختان )
أى ان السنة هى قص الشارب بمعنى ان تأخذ من أطرافه بالمقص ولا تستأصله بالموس
و كذلك السُنَّة أن يؤخذ في كل جمعة ولا يزيد تركه عن أربعين يوما، السُنَّة في الشارب والعانة والإبطين كما في الحديث أنه وُقِّتَ، كما في حديث أنس: "وُقِّتَ لنا ألا نترك ذلك فوق أربعين ليلة" رواه مسلم

والله أعلم

[تامر ديزل]

المشاركة الأصلية كتبت بواسطة Eng/salwa والله انا كمان منذ امس ودمى محروق و ندمت انى لاول مرة اشارك فى مواضيع 25 يناير !!!!! فهم كلامى خطأ و اصبحت و كأننى اشجع ضرب البنات و المفروض ان البنات تنزل للميدان والكلام معايا اخذ نبرة التهكم وتريقة بمناداتى ب ( ماما سلوى) و تلميح وكأن خلينى فى مواضيع ماما سلوى اكرم لى انا مش عارفة ايه اللى جرى انا اكن كل احترام للمنتدى بمن فيه من اعضاء بس زعلت من طريقة نقاش البعض والتى لم اتوقعها وانا احب دائما ان احتفظ باحترامى لنفسى و احترام من اتعامل معهم و لا اشيل حدود بينى و بين احد ربنا يسترها و الواحد ما يضطرش لمقاطعة المنتدى اللى كنت اعتبره بيتى الثانى و اعضاؤه اخوانى و ابنائى تحياتى

ممكن اوضح نقطتين مهمين لحضرتك :
حضرتك مكبره موضوع (ماما سلوى) شويتين انا متاكد ان الزميل المحترم ما كانش يقصد اي حاجه ورغم اني مش مكلف اني اتكلم بالنيابه عنه بس انا قريت الموضوع اكتر من مره مش شايف فيه اللي يستاهل الزعل ..... وبعدين لما حضرتك تستسلمي كده من اول موقف وتسيبي المنتدى هوا ده الصح يعني ؟ طيب هقول لحضرتك على حاجه تفتكري لو( احنا ) المقصود بيهم اصحاب وجهة النظر المعارضه للتظاهر لو احنا سكتنا خالص وما عدناش ردينا ولا شاركنا في المواضيع السياسيه خالص تفتكري المختلفين معانا في الراي هيبقوا مبسوطين ؟ ابدا ....هههههههههههههه
اصلهم ما يقدروش يعيشوا من غيرنا .... طيب حتى اسأليهم كده ؟
وبعدين برضه ما احنا عندنا ناس بترد ردود من تحت لتحت تنرفز يعني برضه هما ليهم العذر شويه وهيا الحياة حلاوتها في كده انا اقول رايي زميل تاني يعترض وكده وتمشي الحياة ويبقالها طعم
المهم ان الواحد يقول رايه ومش مهم ان الطرف التاني يفهمه صح ولا غلط واللي يفهم غلط نفهمه غلطه وخلاص
فيه نقطه تانيه مهمه المنتدى ده بعتبره بيتنا التاني ومش معقول ان الواحد يسيبه ويمشي علشان اختلف في الراي مع عضو فيه ... وادي حضرتك شايفه ادارة المنتدى سايبانا نتكلم براحتنا ونبرطع في المواضيع ونقول راينا رغم انه رأينا ممكن يكون مخالف ليهم كأشخاص بس شهادة حق ما بحسش ان حد من الادارة استخدم مره سلطته لمساندة رأي على رأي تاني .. يبقى نمشي ليه ؟