مشروع ايه لعربيتي الاكسيل او استغلها فى ايه من فضلكم ؟

[mohamedsalahelden]

البلد مش مستقره دلوقتى واى حد هيدخل مشروع يعتبر نفسه خسران على طول اصبر شويه لحد ما تبان الدنيا هتخدنا على فين وربنا يسترها علينا وعليك

[epnmasr]

أولاً ربنا يوفقك إلى ما فيه الخير
ثانياً أبحث عن شركات توصيل الطلبات للمنازل اللي بتعلن في التليفزيون وبتبيع المنتجات والأدوات المنزليه مثل الأجهزه الكهربائيه وأطقم الصيني وأطقم السراير والبطاطين وخلافه فهي بتحتاج لمناديب بسياراتهم بعموله بيع ولا تفرق معهم الوقت أو موديل السياره المهم البضاعه توصل للعميل وبتأخذ غالباً مجموعة طلبيات بتكون في منطقه واحده هما بيجمعوها وعليك توصيلها خلال يوم أو أثنين أو أكثر حسب الإتفاق ولو الشركات دي ليها فرع في المنصوره يكون كويس ولو ملهاش ممكن تيجي القاهره يوم في الأسبوع تأخذ الطلبيات وتسلمها خلال الأسبوع دي حاجه
الحاجه الثانيه ممكن تروح لصيدليات تكون عارف أصحابها أو حد ثقه لك ولهم يعرفك أصحابها وتتفق معاهم تنزل تجبلهم طلبيات الأسبوع من شركات الجمله الخاصه بها لأن هذه الشركات بتتعامل مع المستوردين والمصانع وهي بتورد للصيدليات وبعض هذه الشركات هي اللي بتستورد المهم أن تكون الوسيط لأن أحياناً طلبيات الصيدليات بتتأخر وممكن تحتاج لك في ذلك
هذا والله أعلم والله ولي التوفيق

[sharooo]

والله انا مش هقدر اتكلم بعد الي العضو الفاضل كتبه
لكن احب انبهك لحاجه مهمه انه زي ما العربيه هتجيبلك فلوس لما تشغلها زي ما مصاريفها الشهريه هترتفع....علاقه طرديه طبيعيه وربنا يوفقك للخير