دعوة عامة ( انا نازل التحرير اليوم)

[abu_ruqayyah]

واللهى يا استاذ atgps مادمت انا لا أسيء لأحد أو بقول كلام حرام او بعطل مصالح العباد او بخرق القانون ( ومادام مصر موتورز بديني حق كتابة موضوع وكتابة ردود) فانا حر ، ولا يا اما انا اقول انى موافقك الرأى وانك صح يا كدا يا أسكت ومش من حقى اتكلم !!
اعتقد ان الكل حر مش الثوار بس هما اللى احرار والباقي تتعاملوا معاه بديكتاتورية ولا ايه ...

[ironheart]

انا رائى الاعتدال فى كل شئ
ممكن الاعتصام بدون مواجهات مع الشرطة حقنا للدماء الابرياء
وبالنسبة للثائر الى بيقول ان التحرير ملوش دعوة بخراب البيوت
انا احب اقلك الصراحة
فعلا احداث الثورة اثرت بالسلب فى عقود العمل المتعاقدين عليها (بالنسبة لشركتى) منذ فترة
المستثمرين الاجانب والعرب خايفين حتى يصنعو عندنا اى شئ لان المنظمات العالمية خفضت ائتمان مصر وجعلوها منطقة خطرة
انا عارف ان فى شهداء ولكن العقل بيقول اتريث حتى تقام دولة وبعدين ابقى اطالب بحق الناس دى واكيد الى هيمسك البلد هيغازل الثوار ويرضيهم اول ما يمسك البلد ثم البلد دى ياما ناس ضحت عشنهم ومخدوش حاجة تضحية الوطن شرف لا يساوى مكانة مقابل
مجلس عسكرى او حكوم تسير اعمل او حكومة انقاذ وطنى لا ولن تملك اى شئ الا فى وجود هيكل دولة (مجلس شعب ودستور)
ومع الاسف بدل ما الشباب يفوقو للانتخابات القادمة سبوها للى هيسرق منهم ثورتهم ويسرق منهم كل شئ وكلة بالديمقراطية الى بتنادو بيها
فلنفرض ان الدنيا بقت كويسة فى الميدان الان وعملنا انتخابات استحلفك مين من الشعب (الاغلبية الصامتة) هينتخب شباب الثورة مع الاسف اسقطتو النظام وانتم غير منظمين وغير متوحدين واجهضتم ثورتكم بايديكم وناس كتير واولهم الاخوان ركبو على الثورة وهم اكتر استفادو بالثورة وباقل مجهود وهما الى هيمسكو البلد ويتحكمو فيكم وهتنزلو التحرير وهتموتو تانى ودخلتو نفسكم فى حلقة مفرغة
لا تلومن الا انفسكم

[atgps]

المشاركة الأصلية كتبت بواسطة abu_ruqayyah واللهى يا استاذ atgps مادمت انا لا أسيء لأحد أو بقول كلام حرام او بعطل مصالح العباد او بخرق القانون ( ومادام مصر موتورز بديني حق كتابة موضوع وكتابة ردود) فانا حر ، ولا يا اما انا اقول انى موافقك الرأى وانك صح يا كدا يا أسكت ومش من حقى اتكلم !! اعتقد ان الكل حر مش الثوار بس هما اللى احرار والباقي تتعاملوا معاه بديكتاتورية ولا ايه ...

هناك فرق بين الرأى والتحريض
الرأى هو المستند على أدلة أو فكر سليم
وعلى فكرة أنا عمرى ما أكتب رد الا فى حالة التأكد من صحته
أما التحريض فهو تكرار أو نقل كلام بدون معرفة مدى صحته مثل ما أنت ذكرته فى مداخلتك فى التوبيك الآخر " نظره على الأحداث"

[abu_ruqayyah]

والله يا atgps انا مش بحرض حد انا بس كنت بعرض الواقع من وجهة نظرى الشخصية ونفسي لا نشتم بعض ولا نخون بعض ونتقبل اراء بعض منغير تعصب وانا بحبك وبحب كل اخوانى فى مصر موتورز وبحب كل مصر والمصريين وصعبان عليا حال البلد مش اكتر اتمنى مش تبقي زعلان منى او شايل منى بشكل شخصي

[mohammed fathi]

يا جماعة انا شايف ان الناس اللى فى التحرير دول مش نزلين يهزروا او يقضوا وقت كويس ويرجعوا انا شوفت فيهم نااااس بتكلم بوقعيه جداااااااااااااااااااااا
انا ولاول مرة انزل التحرير كان امبارح وانا راجع من الشغل زميلى قالى ما تيجى نروح التحرير نشوف فى ايه بيقولوا الدنيا خربانه هناك
انا فى الاول مكنتش رادى وقولتله يا عم مليش انا فى القصص دى لكن هو اقنعنى اننا نروح نبص وهنركن العربيه بره خالص ونبص نشوف فى ايه ونرجه على طوووول
وكانت المفاجأة هناك انا كنت رايح حوالى الساعة 10.30 بالليل كده
كميه ناااااس مهوله كنت حاسس ان مفيش حد فى البيوت خالص
ثانيا لاقيت ناس محترمة جداااا فى كل مكان وبيتكلموا انهم كانوا يوم الجمعة جايين رافضيين المبادىء الفوق دستوريه دى اللى خربت الدنيا وكانوا معتصمين وبيصقفوا فى هدوء
بيقولوا مرة واحده لقينا الشرطة العسكريه هجموا عليهم وعايزين يقبضوا على ناس منهم وهما قاعدين حاولوا يتصدوا ليهم ويعرفوا ليه كان الرد بالسب والضرب فحصلت المواجهات اللى موجوده لحد دلوقتى .
لو هتسألونى انا راىء ايه هقولكم ان التظاهر حق مكفول لجميع الناس لكن بدون تخريب طبعااااااااا
لكن ان الشرطة او الجيش يتبعوا نفس الامور السابقه فى تفريق المتظاهرين هو ده اللى غلط لان الشعب المصرى مبيجيش بالضرب وهما فاكرين لو ضربوهم زى ما هو حاصل ان الدنيا هتبقى كويسه وهيمشوا وخلاص لكن ده بيزودهم اصرار وبيخليهم هما واسرهم واخواتهم واصدقائهم ياخدوا بثأر للأسف من مين من الشرطى المصرى اللى ضربوا
فأنا بدعوا الى تغيير لغة القسوة اللى بيتعامل بيه الشرطة والجيش مع المتظاهرين
وانا اعتقد لو كانوا سبوهم من يوم الجمعة ومحدش كلمهم كانوا زمنهم كلهم مشيوا دلوقتى لكن العنف يأتى العند
وعلى فكرة انا كنت سعيد وانا هناك لانك تسمع من كل الناس وتعرف توجهات كل الناس بس للامانه انا كنت بعيد عن الضرب اللى بيحصل كنت شايف بس اسعاف داخل واسعاف خارج كتييير جدااااااااا
واحب اقول فى النهاية ان اللى ما شفش ميعرفش زى كده واللى هناك فعلا مش بلطجية زى ما بيقولوا فى التليفزيون المصرى بتعنااااااااا
وشكرا ليكم جميعااااااااااااااااااااا اااااااا