المساحات هتجننى أنا حاسس انى راكب سيات 133

[رياح التغيير]

اكشف عالموتور والمجري اللي بتلف فيه يكون فيه حاجة بتعيقه

[Exact]

تجربة سهلة للغاية
ارفع المساحات عن الازاز وشغلها زي ما بتقول واقطع عنها وشفها هترد وللا لأ
لو لأ يبقى ده عيب في موتور المساحة او توصيلاته لأن فيه ميكانيزم بيسموها في الكتالوجات اوتوستوب... عشان يخليها تفضل مشغلة الموتور لحد نقطة الرجوع وتطفيه عندها

انا عندي فالسويفت المساحة بتنزل تحت خالص وتطلع سنتي فوق وتقف عشان المية متقفش تحت كوتشة المساحة وده الاستاندارد

لو انت ليك في الفك والتركيب بتاع التروس عرفني وانا اعرفك تظبطها ازاي... غير كده شوف كهربائي بيفهم يظبطهولك او جيب واحد استيراد

[samehlila]

المشاركة الأصلية كتبت بواسطة Exact تجربة سهلة للغاية ارفع المساحات عن الازاز وشغلها زي ما بتقول واقطع عنها وشفها هترد وللا لأ لو لأ يبقى ده عيب في موتور المساحة او توصيلاته لأن فيه ميكانيزم بيسموها في الكتالوجات اوتوستوب... عشان يخليها تفضل مشغلة الموتور لحد نقطة الرجوع وتطفيه عندها انا عندي فالسويفت المساحة بتنزل تحت خالص وتطلع سنتي فوق وتقف عشان المية متقفش تحت كوتشة المساحة وده الاستاندارد لو انت ليك في الفك والتركيب بتاع التروس عرفني وانا اعرفك تظبطها ازاي... غير كده شوف كهربائي بيفهم يظبطهولك او جيب واحد استيراد

الله ينور عليك هوه الاوتو ستوب كتاوت الداخلي في الموتور هوه اللي بايظ و ده بيكون عبارة عن ريشة عليها مادة كربون في طرفها بتلامس نقطه ثابتو و غالبا هتحتاج تتصنفر بس و هترجع تشتغل اللهم الا لو كهربائي عبقري هوه اللي لغاها و فيه حاجه تانية و هية ان موتور المساحات بيوصله طرف كهربا ثابت علشان لما تنزل الذراع بتاع المساحات لازم يكون فيه كهربا واصله للموتور تخليه يرجع مكانه ممكن تلاقي الطرف الثابت ده مافيهوش كهربا او مقطوع او حد لاغية و هوه ده الاحتمال الاقرب للصواب

و اي خدمة
م / سامح ليله

[aymangalal]

المشاركة الأصلية كتبت بواسطة samehlila الله ينور عليك هوه الاوتو ستوب كتاوت الداخلي في الموتور هوه اللي بايظ و ده بيكون عبارة عن ريشة عليها مادة كربون في طرفها بتلامس نقطه ثابتو و غالبا هتحتاج تتصنفر بس و هترجع تشتغل اللهم الا لو كهربائي عبقري هوه اللي لغاها و فيه حاجه تانية و هية ان موتور المساحات بيوصله طرف كهربا ثابت علشان لما تنزل الذراع بتاع المساحات لازم يكون فيه كهربا واصله للموتور تخليه يرجع مكانه ممكن تلاقي الطرف الثابت ده مافيهوش كهربا او مقطوع او حد لاغية و هوه ده الاحتمال الاقرب للصواب و اي خدمة م / سامح ليله

كلام حضرتك يا باشمهندس سامح والاخ Exact فى منتهى الروعة بجد معلومات قيمة وجديدة بالنسبة لى
ومكن اضيف رؤية متواضعة كده منى احتمال يكون سبب ابسط من كده :
جايز يكون الترس اللى بيتركب علية دراع المساحة بيحك فى حاجه وتقيل زى ما Exact قال فا ممكن يا استاذ ميدو تفك الدراع من الصامولة بتاعتهت وتشغل المساحة وتلاحظ حركة الترس (اللى بتركب فيه االدراع بالريشة) وتشوف دورته كاملة ولا ناقصة ولا بيعلق
واللى خلانى اقول كده انى عانيت من موضوع المساحة دى لان عندى مساحة واحدة فى النص بتجيب الازاز من اوله لاخرة وركبت ريش rubber ولاحظت انها بتكلبش فى الازاز لما تكون ناشفة(المسح بدون ميه) واثناء الكلبشة دى(تقل جامد فى الحركة) الترس بيفوت ولما فكيت الدراع لاحظت ان الحركة طبيعية جدا والموتور قوى ...
اتارى الصامولة مش محكمة على الدراع ولما يكلبش ويتقل (الدراع) الترس بيلف برضه زى مايكون مفوت وبالتالى بيغير حركة الدراع بدل ما بيجيب من الاول للاخر يجيب مثلا جزء صغير والباقى يفوت فا قرطت على الصامولة والامور اتظبطت تمام
معلش على الاطاله وانى خرجت بره التفسير العلمى اللى الافاضل شرحوة لكن قوت اقول سبب بسيط يمكن يكون هوه