هل الموتور له انه يتحرك لما اجى ازود بنزين

[dark.man]

حضرتك حركه الموتور دي شيء طبيعي طالما حركه بسيطه الان القواعد بتمتص الحركه و ده شيء عادي
لكن المش عادي ان الموتور يتحرك بشكل كبير لكن عموما علشان تطمن حضرتك تروح الاي عفشجي عنده مكان يرفع عليه العربيه او سمكري و يشوفلك القواعد

ده افضلك

[aymangalal]

المشاركة الأصلية كتبت بواسطة dark.man حضرتك حركه الموتور دي شيء طبيعي طالما حركه بسيطه الان القواعد بتمتص الحركه و ده شيء عادي لكن المش عادي ان الموتور يتحرك بشكل كبير لكن عموما علشان تطمن حضرتك تروح الاي عفشجي عنده مكان يرفع عليه العربيه او سمكري و يشوفلك القواعد ده افضلك

يعنى افهم من كلام حضرتك ان القواعد مش بتبان الا من تحت ...؟؟؟؟
طيب ولو القواعد فيها مشكلة يا ترى المشكلة دى بيقى شكلها عامل ازاى ؟؟؟ يعنى القواعد شكلها بيكون ايه لو فيها حاجه؟؟؟؟
ويبقى كتر الف خيرك لو حطيت لنا صورة توضيحية لشكل القواعد دى

[dark.man]

اسف جدا علي عدم الرد لظروف السفر

حضرتك القواعد دي عباره عن 3 في عربيتي ال 128

واحده في شمال الموتور ( و انت باصص من قدام الكبوت ) و واحده عامله يد كبيره كده ماسكه الموتور و في قاعدتين اسفل الموتور تحت الكرتيره بتاعت الزيت

[tarmum]

انت لما بتيجى تزود بنزين فجاءه وانت ماشى بتحس برجه ولا لا
وكمان بين كل غيار بتحس بنتش فى الموتور ولا لا
والقواعد بتبقى عباره عن جزء معدنى مغلف بالمطاط من بره ومن جوه وبيكون فيها ثقب لثبيت مسمار فى شاسيه العربيه يعنى القواعد هى حلقه الوصل بين الموتور وجسم العربيه
واللى بيحصل نتيجه غسل الموتور بالجاز الكوتش اللى مغلف القواعد بيجف ويفقد مروته والثقب اللى راكب فيه مسمار التثبيت بيبوش او لو خدت مطب ممكن القواعد تتطبق وهما غالبا بيبقوا تلات قواعد اتنين من قدام وواحده وراء ده فى العربيات السحب الامامى ودول الميكانيكى هو اللى بيغيرهم
اما اماكن تثبيت القواعد فى الشاسيه فادول قطع حديد ملحومين فى الشاسيه ودول اللى بيصلحهم الحداد ودول بيبوظو فى العربيات القديمه من البارومه والتاكل ودول لو فيه مشاكل ممكن الموتور كله يقع لاقدر الله