|
مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
|
أدوات الموضوع |
#1
|
||||
|
||||
أحكيلكوا عربيتى كانت هتتسرق أزاى ؟وطريقه السرقه بالاوراق دلوقتى
السلام عليكم انا حبيت احكى الحكايه اللى حصلتلنا عشان الناس تاخد بالها بصوا يا جماعه عربيتنا الجيب شيروكى كانت عند ميكانيكى عندنا فى اسكندريه بيتعمل فيها عمره موتور كبيره عشان الدخان عشان لما روحننا نجدد الرخص فى المرور كان فى فحص ومرضوش يجددوا غير لما نعالج مشكله الدخان المهم كعاده والدى اللى انا مش فاهمها انه بيسيب العربيه عند الميكانيكى بالشهور المهم احكيلكوا القصه زى ما اتحكيتلى لانى مكنتش موجود فى الواقعه كل سنه وانتم طيبين وعيد سعيد عليكم فى يوم والدى كان فى اجتماع فى الشركه والميكانيكى كلمه وقاله ان فى ناس معاهم اسلحه جاين ييحملوا العربيه ويشيلوها على نقاله فى عز الظهر بحجه ان دى عربيتهم ومسروقه منهم من 2008 وضاربين ورق مزور او بمعنى ادق صور من ورق وجايبين مشترى يشترى العربيه ! واصلا العربيه دى عندنا من 2004 و طبعا الوالد راح وخد معاه ناس و خد معاه المحامى بتاعه و طبعا الناس دى اتضربوا علقه حلوه وراحوا بعد كده القسم المهم بعد كده جابوا ورق انهم عاملين محضر ان العربيه مسروقه فى 2008 وان فى ظابط اداهم تصريح انهم يروحوا ياخدوها هنا بقى مربط الفرس أزاى العربيه مسروقه من 2008 ؟ واحنا مركبين فيها النمر الجديده ؟ ازى ركبنا النمر فى المرور هيا العربيه مسروقه ؟؟؟؟ وازاى الظابط مضى على محضر زى ده ؟ المهم لما اخينا ده لقى نفسه اتزنق وهيروح فى داهيه قال خلاص نمشيها صلح ومش عايز العربيه والموضوع اتلم تحليلى الشخصى للواقعه : العربيه كانت بقالها شهر عند الميكانيكى و دايما واقفه فبالتالى لفتت النظر و العصابه دى جهزت الورق و استنيت يوم الحد اللى الورشه فيه اجازه وجم يحملوا العربيه بس الحمد لله بفضل ربنا و شهامة وشجاعه المواطن المصرى وغباء الناس دى ومن تواطئ معاهم عربيتنا رجعتلنا و مهوبوش ناحيه الورشه تانى نتعلم من الدرس ده ايه ؟ اننا منسبش عربيتنا مركونه فى الشارع لمده طويله عشان متلفتش الانتباه و تشجع النصابين على الاستيلاء عليها من ضمن المواقف الطريف اللى هتجننى ان الوالد لحد دلوقتى سايب العربيه فى الورشه مع المهندس اللى شغال فيها
__________________
التعديل الأخير تم بواسطة ahmedraafat00 ; 07-11-2011 الساعة 05:07 PM |
#2
|
||||
|
||||
رد: أحكيلكوا عربيتى كانت هتتسرق أزاى ؟وطريقه السرقه بالاوراق دلوقتى
قدر الله وما شاء فعل الحمد لله على نجاة سيارتكم من السلب والنهب [COLOR="DarkOrange" ]اللهم احفظنا جميعاً من شهر السلب والنهب يا ارحم الراحمين [/COLOR][COLOR="Red "]اللهم رد لنا الآمان العادل وراحة البال وهدوء النفس [/COLOR]
__________________
|
#3
|
|||
|
|||
رد: أحكيلكوا عربيتى كانت هتتسرق أزاى ؟وطريقه السرقه بالاوراق دلوقتى
طيب الناس الحرامية دول حصل فيهم اية سيبتوهم يعنى
وازاى الموضوع يتلم يا باشا؟ |
#4
|
|||
|
|||
رد: أحكيلكوا عربيتى كانت هتتسرق أزاى ؟وطريقه السرقه بالاوراق دلوقتى
والله والدك ده راجل سُكَّرةوالحمد لله فلوسكم حلال
|
#5
|
|||
|
|||
رد: أحكيلكوا عربيتى كانت هتتسرق أزاى ؟وطريقه السرقه بالاوراق دلوقتى
ياباشا اولا : الحمدلله ع احباط محاولة السرقه دى .. فلوسكم حلال .. وربنا يسترها
ثانيا : الناس دى ماكنش لازم تتساب .. دى كان لازم تتحبس على الل كانوا هيعموله دا .. |
|
|