مشكلة استهلاك البنزين

[كنتوش]

السلام عليكم ورحمة الله وبركاته
انا كان عندى مشكلة كبيره فى استهلاك البنزين وكانت الصفيحه بتعمل حوالى 80 كيلو داخل المدينه والطريق مليان مطبات وملفات يعنى بهدى اكتر ما بمشى المهم الاستهلاك كبير اوى فالميكانيكى جرب وغير البكات لبكات اصغر خمس درجات فى الاتنين يعنى كان عندى بكين واحد 120 والتانى 125 غيرهم ل120 و 115 والعربيه مشيت تمام وما شاء الله وما قطعتش ولا حاجه والاستهلاك بقى 120 كيلو فى الصفيحه قومت انا مغير البك ال120 بواحد 110 وعكست خليت ال115 بدل ال120 وال110 بدل ال115 وجربت ماشاء الله العربيه عملت 140 كيلو تقريبا فى الصفيحه ومفيش تنتيش ولا اى حاجه وناوى اجرب واحط الاصغر كمان ونشوف بس ما شاء الله الفرق كبير ودى تجربتى واتمنى انها تفيدكم وشكرا

[honest]

جزاك الله خير

[احمد على 1999]

تسلم ايدك على المعلومة الجميلة و نقلك للتجربة المفيدة
كل سنة و حضرتك طيب

[yoga]

يعنى ايه بكات
والعربيه ايه

[محمد زكريا الجمال]

ما شاء الله
وهل البكات مرتبطة بنوع العربية ؟ ولا بالمقاس وخلاص
شكراً للإفادة