يا جدعان وبعدين فى اللانسر دى ؟؟؟؟

[remomagdy]

لا يا معلم كده عربيتك دي مسكونه .هو موضوع الصوت ده لأن أي تيل جديد لازم يعمل صوت
ب

[AbOnOrA]

1- التكييف ضعيف رغم انى غيرت سربنتينه التكييف و فلتر الهوا وفلتر التكييف و شحنت فريون كويس وكله تمام ومفيش فايدة ؟؟ مكانتش كده خالص

كل ده تمام بس لازم كمان تبص على الكمبروسور ومروحة التكييف

2-العربية بعد سرعة ال 100 ك يبدا الدركسيون يرعش خفيف 120 ك يرعش جامد وببقى ماسك الدركسيون بالعافية مع العلم انها كانت بتبقى ماشية على 160 ك وساند دراعى على الدركسيون ولا بيتهز مش عارف فى ايه شفت الجنوط تمام مش معووجه و الكاوتشات غيرتها طب وبعدين ؟؟؟

روح عند واحد بتاع كاوتش وجنوط محترم واطلب منه يفك ال4 فرد ويشيل كل الترصيص اللى فيهم ويوزنهم ويرصصم من اول وجديد

3- صوت تزييقه خفيف فى الفرامل وتحس بيه زى مايكون فى حاجه مش مظبوطة فى قفلت الفرامل على الطنابير لكن مش دايمة يعنى كل فين وفين تحصل مرة ولا اتنين و تختفى ده طبعا غير صوت الصفارة الخفيف لتيل الفرامل على السرعات البطيئة للحظات ويختفى مع العلم انى مغير التيل مرتين ومنهم واحد شايلة فى شنطة العربية بحالته لانه كان بيصفر بصوت عالى رغم انه مركبش غير اسبوعين ؟؟؟

اغلب انواع التيل بيصفر اول ما يركب مش اول ما يصفر تغيره كنت تحاول تمشى عليه شوية وغالباً الصفارة هتروح
كمان تيل الانسر معروف انه فيه منه مضروب كتير حاول تجيب الانواع المضمونة

4- وحدة الرفع فى جهاز الانذار بغزالة !!! ساعات تشتغل وساعات لا براحتها رغم انى غيرت 3 وحدات رفع ومفيش فايدة ؟؟

طالما غيرتها مرة واتنين يبقى مش هى السبب ممكن يكون فيه حاجة تانية فى جهاز الانذار او ليها علاقة بعمل وحدة الرفع هى اللى عاملة مشكلة فمش هيفيد تغيير وحدات الرفع افضل تروح لكهربائى كويس يراجع على كل حاجة

[محمد اشرف]

ربنا معاك ولو مش لاقى حل بيعها عشان متتعبكش

[ik-1]

المشاركة الأصلية كتبت بواسطة AboNoRa كل ده تمام بس لازم كمان تبص على الكمبروسور ومروحة التكييف روح عند واحد بتاع كاوتش وجنوط محترم واطلب منه يفك ال4 فرد ويشيل كل الترصيص اللى فيهم ويوزنهم ويرصصم من اول وجديد اغلب انواع التيل بيصفر اول ما يركب مش اول ما يصفر تغيره كنت تحاول تمشى عليه شوية وغالباً الصفارة هتروح كمان تيل الانسر معروف انه فيه منه مضروب كتير حاول تجيب الانواع المضمونة طالما غيرتها مرة واتنين يبقى مش هى السبب ممكن يكون فيه حاجة تانية فى جهاز الانذار او ليها علاقة بعمل وحدة الرفع هى اللى عاملة مشكلة فمش هيفيد تغيير وحدات الرفع افضل تروح لكهربائى كويس يراجع على كل حاجة

الف شكر على كل الرجالة اللى شاركت بالردود اللى ترفع الروح المعنوية

وشكرا للاستاذ AboNoRa ربنا يباركلك على الرد الوافى

وموضوع الترصيص ده انا هاعمله قريب باذن الله بس ربنا يرزق عباده احسن الحالة مش ظريفة اليومين دول

وتيل الفرامل فعلا طلع انه نوع ردئ جدا وان الراجل اللى باعهولى رغم انه معرفه الا انه طلع راجل " ((( تيت تيت تيييييييت يابن التييييييييييييييييت دانا هاعمل فيك تييييييييييت ))) يلا مش هنجيب فى سيرة الناس

انما موضوع الكهربائى الكويس ده فانا مع احترامى بعد مرور 4 سنين مع سيارتى العزيزة لسه لحد دلوقتى مخبطتش فى كهربائى اقدر اقول عليه انه كويس .. حقيقى انا حزين :1242 2A~17:

بس على اى حال متشكرين يا رجاله على دعمكم وردودكم

ويجعله عامر